الكويت طرحت ان تساعد دبي بازمتها كامله

هاربر2

عضو نشط
التسجيل
23 يناير 2009
المشاركات
1,276
خلهم يساعدون دبي يستاهلون فتحة دبي اراضيها وفنادقها وبيوتها للكويتيين اثناء الغزو العراقي يستاهلون اهل الامارات هذا يسمونه سياسه وفن السياسه ودبي الان عندها ازمه ليش مانساعدهم
 

Winchester SX3

عضو مميز
التسجيل
4 يناير 2009
المشاركات
7,922
الإقامة
الكويت
الإمارات أولى من غيرها
مواقف مشرفه ونسب مع بعض وخوة عمر والمعدن أصيل

صج مكسوره وتبرد

يا ريت سياستنا الداخليه تكون نفس الخارجيه
 

mishal-wu

عضو نشط
التسجيل
22 يوليو 2009
المشاركات
154
الإقامة
الكويت
نعم تستاهل دولة الامارات كل الدعم من جميع اشقائها بالخليج عيل ليش سموهم دول مجلس التعاون لذلك يجب ان نقف مع اخوانا بازمتهم ومثل ماقالو الاخوان احنى والامارات واحد ولازم ماننسى وقفت اخوانا دول مجلس التعاون معانى بوقت الغزو
الله يفك عوقتهم انشاءالله
 

baselko

عضو نشط
التسجيل
10 يوليو 2005
المشاركات
1,469
والله اهل الامارات يستاهلون كل خير وعلى راسي :)
 

بحرري

عضو نشط
التسجيل
9 أكتوبر 2008
المشاركات
616
يستاهلون ولا ننسى هم وقفو ويانا بلغزو
 

pm.live

عضو نشط
التسجيل
2 فبراير 2009
المشاركات
281
إذا كانت الأمارات قوية فالكويت قديما و حديثا أقوى بكثير فنحن نتمتع بشفافية وحرية وصناديق استثمارية ضخمة جدا وسيولة وقوى بنوك ضخمة وما شاء الله الله يزيد دولة الكويت ... ونحن مستعدين لمساعدة دبي وخاصتا أن كنا متوقعين أن دبي بعد العبث والتسرع راح يصير هالشي هذا لكن الأمارات كانت تسعى للقمة وهي حققت القمة لكن بالغت وايد في المشاريع والقروض ودور الكويت مساعدة أقرب الناس لنا وهي الامارات . ولو الكويت كانت في مأزق الامارات راح تساعدنا . لحد يعتقد ان علشان الامارات بنت 10 مشاريع زياده وعلشان 60 برج زيادة !! صارت اقوى من الكويت لا يا بعد جبدي القوة عمرها ما كانت بالفخفخه .

الكويت من قوتها تحتل المركز الثاني من استهلاك الكهرباء في الخليج 31 السعودية و الكويت 27 و الامارات 15 .... المقصد ان الكويت صل على النبي .


يجب التعاون في كل شيء الكهرباء والطاقة - المواصلات - العملة - الاقتصاد رغم ان الامارات الدولة الوحيده الي لا تتعاون مع الخليج إلا إنها عزيزه .
 

مضارب شجاع

عضو نشط
التسجيل
8 مايو 2007
المشاركات
4,705
انا ودى اعرف رأى رولا دشتى ورأى الحميضى فى هذا الفكره !!!! هل تاخذ على اموال الاجيال القادمه والحساب الاكتوارى !!! اذا ذهبت هذه الاموال الى دبي ؟
او يمكن حساباتكم تطلع وحسدكم يطلع اذا مسعتوا ان الحكومه راح تساعد المواطنيين الكويتيين !!
الحين عرفنا ان مشاكلنا من بعض التجار فى الكويت انهم هم سبب تعاسة المواطنين .
 

Discovery

عضو نشط
التسجيل
20 يونيو 2004
المشاركات
191
يجماعه هذي مو زكاة عشان نقول يستاهلون وليش أطمع الناس فيني بكره
يتوافدون عندك زعماء الدول العربية وغير العربية يبون مساعده من الأزمة التي هم فيها والأمارات دولة غنية مو محتاجه وما طلبت منك مساعده
وبعدين نساعدهم على أستمرار المراقص والبارات والدعاره ليش نساهم
بشي يغضب رب العالمين حنا ناقصين لا حول ولا قوة الا بالله


عيب هالكلام ....شنو هالاسلوب

مراقبين ارجو شطب مشاركه العضو المحترم

ورضيت ولا مارضيت غالبيه الشعب الكويتي مع مساعده اي دوله من دول مجلس التعاون
 

عديل الروح

عضو نشط
التسجيل
3 أكتوبر 2004
المشاركات
545
الإقامة
الكويت
مساعدة الكويت لهم يمكن المقصود فيها إن الكويت تقدم لهم الاستشارات


أما اذا كان في مساعدة مادية فأعتقد الأمر بيد الحكومة ومجلس الأمة
 

خبير النفط

عضو نشط
التسجيل
15 يناير 2007
المشاركات
4,638
أهل دبى على العين و الراس ويستاهلون كل خير
لاكن كلام ربعنا كلام سياسه تيش ابريش ما يودى ولا يجيب خل الحكومه يساعدون شركاتنا وشعبنا قبل ولا باب النجار مخلع مثل ما يقول المثل
 

Navigator

مشرف
طاقم الإدارة
التسجيل
14 نوفمبر 2007
المشاركات
29,732
الإقامة
الكويت
للتذكير ياللي نسيت

ايام الازمه ما قصروا ويانا وفتحوا لنا بيوتهم

ودينارنا اللي صار ورق أمروا بصرفه ب 12 درهم حالهم حال السعودية

فهل ننسى وقفتهم معنا ايام الازمه ونتنكر لهم ؟ !!!!

عجبي على افكار البعض
 

worthwhile

عضو نشط
التسجيل
10 يوليو 2007
المشاركات
43
على حسب توقعات اغلب المؤسسات المالية العالمية ان ديون دبي 80 - 90 مليار دولار ... !!
انتوا مصدقين ان الكويت عندها استعداد تدفع او تستثمر او ( تســـــــــــــاعد ) بقيم بالمليارات
...
...
يا معود زين ما يتسلفون منهم
 
أعلى