اللي متوهق بقرض ربوي .. بنك بوبيان عنده الحل

الموضوع في 'اعلانات العقار' بواسطة أبو ناصر العجمي, بتاريخ ‏16 ديسمبر 2009.

  1. أبو ناصر العجمي

    أبو ناصر العجمي عضو نشط

    التسجيل:
    ‏8 أغسطس 2009
    المشاركات:
    161
    عدد الإعجابات:
    0
    السلام عليكم ورحمة الله وبركاته


    الموضوع بإختصار شديد ...

    رحت لبيت التمويل أبي أسوي معاملة تورق وآخذ فلوس أكيش القرض الربوي اللي على ظهري في التجاري وقيمته 16 ألف دينار - قرض قديم - وصارلي سنين وأنا أقاسط فيه , والحين طلع دوري في صباح الأحمد إن شاء الله تعالى وأحتجت فلوس , لكن التمويل رفض المعامله بحجة تجاوز نسبة الــ 40 %

    المهم رحت أدور واسطه عشان أحصل على تمويل لتكييش القرض وآخذ فلوس عشان أخليها للقسيمه إن شاء الله تعالى .. المهم رحت لأحد الأصدقاء فقلت له الموضوع فقال لي روح لبنك بوبيان وأعرض مسألتك عليهم

    وبوبيان نظامه إسلامي مثله مثل التمويل تماما ..

    رحت لهم وقالوا لي نعملك معاملة مرابحه ونكيش اللي عليك كله ونعطيك فلوس اللي تبيها بشرط تحويل الراتب للبنك

    ومعروف عن البنوك الإسلامية ما عندها عمولات وفوائد ربويه وغيرها مثل التجاري والوطني الخايسين ..

    المهم قلت لهم راتبي كذا وأبي 30 ألف دينار ,, ومجمل الطلب 20 ألف

    فقالوا مو مشكله نصرف لك شيكات المرابحه للي يطلبونك وهم التجاري وبيت التمويل ونعطيك بقية المبلغ وهو 20 ألف كاملا ويبقى لك تقريبا 10 أو 11 ألف دينار وقسطي 287 دينار على 15 سنة ..وتقدر تخفض المده والقسط على حسب المبلغ اللي تبيه وعلى حسب راتبك ..

    يعني واحد من ربعي معاشه 1100 دينار قالوا نعطيك معاملة مرابحه حتى 50 ألف دينار ..

    طبعا ما أطولها عليكم

    اللي عجبني في البنك إن أرباحهم قليله جدا مقارنة بالقروض الربويه وأرباح بيت التمويل

    يعني التمويل لو تاخذ منه 20 ألف دينار تصير على ظهرك 40 ألف يعني دينار بدينار ويقولون أرباح

    لكن بنك بوبيان قالوا نعطيك 31 ألف وأرباحهم 18 يعني المجموع 49 ألف وقسطي 280 دينار تقريبا على 15 سنة ..


    والبنوك الوحيده اللي بدت تعمل هالطريقه لجذب العملاء لها هي بنك بوبيان وبنك الكويت الدولي ..

    وفتح الحساب مجاني طبعا بس بشرط تحويل الراتب على البنك اللي يعطيك هالمعامله


    وأنصح كل من عليه قرض ربوي ينحاش بجلده ويترك الحرام ويتجه للحلال ..

    بعضكم راح يقول نفس الشئ كلهم ياخذون فايده أو أرباح

    فأقول بالعكس فيه فرق

    بالتمويل الإسلامي تبرئ ذمتك دنيا وآخره وفيها فتاوى ومجازه شرعا لكن لابد أنك ما تكون متلهف للفلوس بدون ما تشيك على كل صغيره وكبيره في المعامله عشان ما تدخل فيها شبهه شرعيه

    أما التمويل الربوي فحرام في حرام في حرام ولا يجوز أخذه أبدا ولو كان السيف على رقبتك .. لكن جهل الناس وركضهم وراء المال السهل الحصول عليه هو سبب تراكم القروض الربويه على كثير من الناس في الكويت أو غيرها

    والبعض يقول معاملة التورق أو المرابحه صعبه وطويله

    أقولك صحيح يبيلها متابعه لكن بالنهايه أنت مستفيد إنك تبرئ ذمتك من الربا والحرام وتجنب نفسك وأهلك الحرام


    وحبيت أفيدكم بالأمر هذا لعل هناك من يريد الحل للقرض الربوي

    فأقول هذي فرصتكم


    ولتقديم هذه المعامله تروحون لبنك بوبيان عمارة مبارك مقابل البنك المركزي داخل الديره الدور العاشر ..روحوا هناك وأشرحوا وضعكم وإن شاء الله ما يقصرون معكم

    ولعلمكم مو كل الناس يقبلونهم

    أخوي الكبير قالوا له ما نقبلك لإن القروض اللي عليك متجاوزه راتبك وما نقدر نعطيك فوق راتبك لإنك متجاوز النسبه 40 %


    وسلامتكم ..
     
  2. ابو غلاب

    ابو غلاب عضو جديد

    التسجيل:
    ‏14 مارس 2009
    المشاركات:
    204
    عدد الإعجابات:
    0
    الله يجزاك خير
     
  3. الحريه وطن

    الحريه وطن عضو نشط

    التسجيل:
    ‏31 يوليو 2008
    المشاركات:
    2,022
    عدد الإعجابات:
    3
    بيض الله وجهك يالغالي
    والله يوفقك دنيا واخره
    صراحه المبلغ حلو والقسط مقبول لكن هل بوبيان منتشر بمحافظات الكويت وهل عندهم فيزا وماستر
     
  4. السوق توافيق

    السوق توافيق عضو نشط

    التسجيل:
    ‏11 أكتوبر 2007
    المشاركات:
    1,132
    عدد الإعجابات:
    0
    السلام عليكم ورحمة الله

    شكرا لكاتب الموضوع وعسى الله يرزقك من حيث لا تحتسب

    اسمحولي بالمداخله في الموضوع بالنسبة لبيت التمويل اتصلت علىهم وسالت عن نفس العمليه (تورق) والمبلغ نفسه 31 الف دينار فكانت النتيجه كالتالي : سعر البيع 49 تقريبا والقسط 273 دينار على 15 سنه ويعطونك 31 الف دينار

    تقبلوا تحياتي ،،،
     
  5. القمر1

    القمر1 عضو نشط

    التسجيل:
    ‏16 يونيو 2009
    المشاركات:
    2,476
    عدد الإعجابات:
    0
    يعطيكم العافيه بس انا سمعت انه بنك الوطني خذه من بنك بوبيان نسبة كبيره والله اعلم فاذا انه بيت بنك الوطني فلوسه بنك بوبيان نفس الحال اختلط ويا بعض فحبيت اعرف المعلومه صحيحه ولا لا شاكرلكم
     
  6. يوسف الشمرى

    يوسف الشمرى عضو جديد

    التسجيل:
    ‏7 ديسمبر 2009
    المشاركات:
    199
    عدد الإعجابات:
    0
    جزاك الله كل الخير يأخ ابو ناصر وبيض الله وجهك يالغالى بس لاتنسون تاريخ 23/12/2009 يمكن الله يحنن قلب الحكومه ويطيحون فوائد القرووض ويرتاح قلب كل مواطن متوهق مع فوائد الربويه والله ان اغلب المقترضين اخذوها عن جهل وعدم معرفه اللى اشترا بيت واللى كيش قروض بالاصل كانت عليه من سياره واثاث وسفر للعلاج بالخارج وتراكمة عليه الفوائد المركبه نسأل الله القدير ان يحمى اخونا وعيالنا وكل مسلم منها والشكر لكل عضو امه شريف شارك وحس بمعناة المواطن الضحيه للفوائد المركبه الربويه ويارب يكون درس للمواطن وللحكومه وللبنك المركزى وشكرا للاخ ابوناصر 00
     
  7. بكوش

    بكوش عضو جديد

    التسجيل:
    ‏27 سبتمبر 2007
    المشاركات:
    301
    عدد الإعجابات:
    2
    اخو ابو ناصر عندي نقاط واستفسارات ::

    1- بيت التمويل مو مثل بوبيان لا في طريقة عمله ولا في نظامه الشرعي .

    2- انت تقول ان بوبيان سدد للتجاري القرض مقابل عقد مرابحة بينك وبينه ... هل في سلعة انت شريتها من بوبيان مرابحة ؟ واذا كانت فيه مفروض انت تاخذ الفلوس كاملة وتتفاهم مع التجاري ... بوبيان ماله شغل هذي فلوسك وكيفك .... واذا هذا الشي صار فيعنى ان بوبيان صار شغلته يطفي ديون ويحط ديون .... واعتقد لو سألت الهيئة الشرعية عن اللى صار معاك ممكن يكون لهم رد ثاني ..

    يعنى ممكن الموظف سوا اللى يبيها بتعليمات من فوق دون الرجوع للهيئة الشرعية.
     
  8. أبو ناصر العجمي

    أبو ناصر العجمي عضو نشط

    التسجيل:
    ‏8 أغسطس 2009
    المشاركات:
    161
    عدد الإعجابات:
    0
    أعتذر لكم عن عدم التفصيل في الأمر ..

    أولا أنا مطلوب للتجاري بقرض قديم وعندي قسط على التمويل وراتبي ما يسمح لي آخذ معاملة مرابحه من التمويل أبدا ..

    ثانيا بوبيان يشتري أسمنت وحديد من شركة معينه ويبيعها على شركه ثانيه وأنا أوكل بوبيان بالشراء والبيع والفلوس ترجع لي كلها والشيك يكون بإسمي ويتفرع منه شيكين واحد للتجاري بكامل القرض لتكييشه والثاني للتمويل لتكييشه ويبقى لي المبلغ اللي أبيه وهو تقريبا 10 الاف دينار

    وبوبيان يعطيني كامل المبلغ بشرط أني ألتزم بوعد التكييش وهذا من خلال الشيكات المسجله بإسم التجاري وشيك بإسم التمويل وشيك فيه بقية المبلغ ولي حرية التصرف فيه

    والشرط المهم لبوبيان إنه لازم أحول راتبي عليهم ..

    هذي المسأله بإختصار وتفصيل بسيط


    وللعلم هذي الخدمه راح يبدأ بوبيان فيها من بداية العام الجديد يعني شهر 1 -2010 يبدأون بتقديم هذه الخدمه

    والموظف يقول إن عندهم تعليمات من هيئة البنك الشرعيه بعدم جواز الحجز على المبالغ سواءا قبل التكييش أو بعده ولي حرية التصرف بالمبلغ اللي مقدم عليه وهذا أكيد 100 بالميه ..

    لكن يمكن يسأل واحد فيكم ويقول شنو اللي يضمن للبنك إني ما آخذ الفلوس كلها وأتركهم ..

    أقوله ما تقدر تاخذ إلا الفلوس اللي بإسمك لإن المبلغ مقسم على عدد الأقساط اللي عليك

    مثل ما قلت لكم أنا مطلوب للتمويل والتجاري فتطلع شيكات من قبل الشركه اللي أشترت البضاعه بإسم بنك بوبيان والبنك يصرف شيكات للجهات اللي تطلبني وتصرف شيك بإسمي بالمبلغ اللي يبقى لي ويحق لي التصرف فيه حتى قبل لا أحول راتبي عليهم لكن إذا ما حولت راتبي عليهم تصبح هناك مشاكل لإن الوعد بيني وبين بنك بوبيان ملزم ولابد من الوفاء به

    وعلى كل حال اللي حاب يستفسر أكثر يروح للبنك ويشيك عليهم في عمارة بنك بوبيان مقابل البنك المركزي

    يروح للدور العاشر ويستفسر


    ومن اللي شفته إنه فيه إقبال كبير على هالخدمه واللي تريح البلاد والعباد من المعاملات الربويه الخبيثه اللي توهقنا فيها على جهل

    نسأل الله إنه يقضي ديونا وديون جميع المسلمين ..
     
  9. ابوشروق

    ابوشروق عضو جديد

    التسجيل:
    ‏18 يوليو 2009
    المشاركات:
    577
    عدد الإعجابات:
    0
    مكان الإقامة:
    الكويت
    بدل ماتروح تكيش للبنك الربوى اللى حط على ظهرك الفوائد المتراكمه روح للمحكمه ارفع عليه

    قضيه خله بدال مايخذ الفلوس بارده مبرده طلعه من كبده وانت توك على نهاية الاقصاد

    ويمكن على مايجي هذاك اليوم واللى مطيحين الفوئد حكومتنه مثل البحر مره مد ومره جزر

    والله يكتب اللى في الخير للجميع
     
  10. متوازن

    متوازن عضو نشط

    التسجيل:
    ‏21 أكتوبر 2009
    المشاركات:
    723
    عدد الإعجابات:
    1
    مكان الإقامة:
    الكويت
    انحش انحش من بنك بوبيان

    وعند تحويل او شراء المديونيه من البنك الخاص لك ... يتم اخذ فائدة فقط التحويل 4500 دون وجهه حق وعند سؤالك لموظف بنك بوبيان ... يرد عليك ويقول هذه خدمتنا ... والا البنك الوطني تحبونه !!!!!!! بالله عليكم هذا بنك راقي ... اولا بنك الوطني شاري حصص بوبيان 3 ارباعها ... وبنك فاشل ... بكل المقاييس

    نصيحه اي واحد ببيع مديوينيته لبنك .. عليه ان يسأل البنك ويقوله كم تاخذ فايده على شراء المديونيه ... وشوف الكارثه ... ترى مايقولك على طول ... بلف عليك ويدوخك
     
  11. بكوش

    بكوش عضو جديد

    التسجيل:
    ‏27 سبتمبر 2007
    المشاركات:
    301
    عدد الإعجابات:
    2
    الكلام اللى تقوله يا بو ناصر يسمي التورق المنظم .. يعنى البنك يقوم بكل شي..

    وهناك قرار من مجمع الفقه الاسلامي بتحريم التورق المنظم ...
    ياخي بوبيان عليه ملاحظات شرعية كثيرة ارجوا الحذر خصوصا بعد دخول الوطني بالصورة

    يعنى شلون عقلية ربوية تدير بنك اسلامي !!!!!!!!!!!!!!!!!!!!!!!!!!!!
     
  12. ابو-محمد

    ابو-محمد عضو جديد

    التسجيل:
    ‏13 ابريل 2009
    المشاركات:
    63
    عدد الإعجابات:
    0
    نصيحتي لك اخوي انتظر جلسة القروض وبعدها رتب امورك ,,والله الموفق
     
  13. النجدي2007

    النجدي2007 عضو نشط

    التسجيل:
    ‏13 مارس 2007
    المشاركات:
    2,755
    عدد الإعجابات:
    0
    مكان الإقامة:
    الكويت مني وفيني
    سعر الفايدة اهي وحدة اذاكان في التمويل ولابوبيان
    يعني من فترة كنت باخذ عشر الاف دينار من التمويل لمدة خمس سنوان وكان القسط 206 ولما اتصلت علي بوبيان ونفس القيمة ونفس المدة صار القسط 203 يعني فرقت 3 دنانير !!! بالاقساط
     
  14. ابو عبدالرحمن@

    ابو عبدالرحمن@ عضو جديد

    التسجيل:
    ‏14 نوفمبر 2009
    المشاركات:
    202
    عدد الإعجابات:
    0
    السلام عليكم اخواني
    بخصوص الارباح فجميع البنوك الاسلامية نفس القيمة من شهر 6 -2009 الفرق واضح بين التورق الاسلامي والقرض الربوي فتورق معاملات اسلامية بشكل تجاري والاخرى ربوية بطابع يهودي حيث حرمها الاسلام ولعنها الله
    الله يوفق الجميع
     
  15. ابوو عبدالله

    ابوو عبدالله عضو نشط

    التسجيل:
    ‏22 يناير 2009
    المشاركات:
    201
    عدد الإعجابات:
    0
    السلام عليكم ابوناصرالعجمي - انا اليوم دقيت على بنك بوبيان وسألتهم وقالولي مانشتري مديونيتك ولا نشتري مديونية اي شخص ثاني - تقدر تفيدني وتعطيني رقم مسؤل عندهم يقدر يسوي المعاملة ؟
     
  16. q8_king1

    q8_king1 عضو نشط

    التسجيل:
    ‏31 أكتوبر 2009
    المشاركات:
    960
    عدد الإعجابات:
    10
    مكان الإقامة:
    العاصمة
    شراء المديونية في بداية السنة في بيت التمويل الكويتي يبدا في شراء المديونيات وممكن تسئل بنك الكويت والشرق الاوسط الانة تحول اسلامي
     
  17. أبو ناصر العجمي

    أبو ناصر العجمي عضو نشط

    التسجيل:
    ‏8 أغسطس 2009
    المشاركات:
    161
    عدد الإعجابات:
    0
    أبو عبدالله يبدو إنك ما قريت العنوان زين

    قلتلك روح لبنك بوبيان داخل الديره عنوانهم

    مقابل البنك المركزي

    روح الدور العاشر

    وأدخل المكاتب وإسأل عن الموضوع عندهم

    ومثل ما قال الأخ كنج كويتي وكلامه صحيح مئه بالمئه

    راح يبدون بنك بوبيان وجميع البنوك الإسلامية على حسب ما فهمت بداية السنة القادمه

    يعني من تاريخ شهر 1 -2010 الجاي يبدأون بشراء المديونيات بطريقة التورق الإسلامي إن شاء الله تعالى

    لكن أنصح محد يروح ألحين لين نشوف وش يستقر عليه رأي الحكومة بالنسبه للقروض

    يعني آخر الشهر يبين كل شئ يا نسوي المعامله ولا ما نسويها ...إن شاء الله
     
  18. الكنج

    الكنج عضو جديد

    التسجيل:
    ‏30 يوليو 2008
    المشاركات:
    123
    عدد الإعجابات:
    0
    مرحبا .بخصوص بنك بوبيان مافيه الميزات الى تخليك تحول راتبك عليهم .ودليل شوف الافرع فاضيه من العملأ. والناس فاهمه ماهى غشيمه أى بنك حده يعطيك 40% من الراتب .وجهت نظرى ما اشوف عليه اقبال.ودمتم سالمين
     
  19. فهد الرشيدي_28

    فهد الرشيدي_28 موقوف

    التسجيل:
    ‏8 أكتوبر 2005
    المشاركات:
    132
    عدد الإعجابات:
    0
    انا جيت البنك وقالي مانقدر نكيش لك علشان تحول معاشك علينا ورفضوا
    مع العلم انا معاشي 1400 والمديونية 10 الاف
    قالو حتى تورق مانعطيك
     
  20. ماشالله

    ماشالله عضو جديد

    التسجيل:
    ‏10 سبتمبر 2009
    المشاركات:
    66
    عدد الإعجابات:
    0
    كله كلام وانا اتصلت عليهم وقالوا مانقدر نكيش لك
    المديونية
    وســــلامي للـجــــــــــــــــــــــــــــميع