سؤال مالقيت له جواب ومتردد اسأله اي شخص لان صراحه اخاف اطلع (قوطي غبي حدي ) بس ما دام الاسم مستعار ماحد يعرفني الا ثنين بالمنتدى بطلع من صمتي واصير بايعها واقول لاحظت في اغلب المجمعات وبعض المطاعم فيه تكيييييف على المدخل فووووق راسك اول ما تدخل و دفع الهوا فيه قوي جدا هل لاحظتو هالشي ؟؟ وليش يوضع التكييف بالمكان هل السبب كميائي عشان الفايروس مثلا ولا فيزيائي بسبب تيارات الهوا ولا شنو بالضبط ؟؟
انا افيدك وللعلم هاذي المعلومة من عندي وانا اللي استنتجتها بناء على الواقع اللي اشوفة ويحتمل الصواب أو الخطأ أولا هذا الجهاز ليس تكييف وانما مثل مروحة قوية اشوية ووظيفتها تمنع دخول الهواء الحار والغبار والرطوبة عند دخولك لأي مجمع أو محل وبالتالي يحقق عدد شغلات في وقت واحد 1- المحافظة على نظافة الجو داخل المجمع 2- المحافظة على درجة الحرارة داخل المجمع 3- المحافظة على التكييف نفسة لأن معروف عند الكل اذا كان عندك سنترال وتشغله واتخلي الباب مفتوح دايما .... اعرف ان التكييف ماراح يطول وراح يظرب الكمبريسر لأن موقادر يفصل أو ياخذ بريك للاستراحه ، وبالتالي هاذي المروحة تمنع دخول الهواء الحار داخل المجمع وتحافظ على الحرارة وتعطي التكييف حالته الطبيعية للعمل . ارجو اني فدك بهذه المعلومات البسيطة ولا أجزم بصحتها وانما من استنتاجاتي الشخصية وجزاكم الله خير
