مشكلتي تختص بالإنترنت ,, غريبه نوعاً ما

العنزي1

عضو نشط
التسجيل
2 أكتوبر 2008
المشاركات
723
السلام عليكم ورحمة الله وبركاته

اسعد الله مساكم / صباحكم جميعاً

راح يكون موضوعي شوي طويل ولكن بالتفصيل إن شاء الله

انا شخص اقدم خدمة تصميم مواقع ,, ولكن مو شركه رسميه بل عن طريق الإنترنت واقابل الزبون بمقر دوامي واوقع انا وياه عقد عشان يضمن حقي وحقه ,, وبالعقد احط عنوان دوامي ورقم الدوام ورقمي الشخصي


جاني زبون بيوم من الأيام طلب مني خدمه وسويتها له
طلعت مشكله بسيطه بالبرنامج وصعب علينا حلها بالبدايه ولكن هو جاب لي شخص يسوي روحه فاهم بالمواقع وقعد يتفلسف وخلاه يروح يشتكي بالمخفر
,, المخفر استغربو من نوع الإحاله ,, وقالو بكره تعالو عند رئيس المخفر ,, جيت الصبح هو ماجا ,, عقب سافر ثلاث اشهر ورجع للديره مره ثانيه الزبون ,,

رجع فتره جان يروح لحماية المستهلك ,,
دقو علي وجيتهم عن قناعه بإن لازم اسوي الي يبيه الزبون من طيبة خاطري مو غصب او خوف
س1 : هل يحق له بان يشتكي بحماية المستهلك وتطلبني حماية المستهلك وانا لست بشركه رسميه بل شخص هاوي هالشي .. ؟

وقعوني على ورقه بحماية المستهلك بإن انجز شغله بمدة أقصاها 10 ايام او ارجع حقه ,,

طبعاً فاتت اكثر من شهر بسبته كل مادز له شي واقوله شووف يتاخر على مايرد لي خبر

وبالعقد الي بيني وبينه فيه شرط بإن المبلغ المدفوع لايسترد

وانا سويت له الموقع المطلوب والمكتوب بالعقد بالظبط

وامس كلمني قال مابي البرنامج الي ركبته عطني فلوسي ؟؟ قلت له اعطيك بس اخصم عليك مبالغ الي دفعتها انا للمبرمجين .. قال لا ابيها كامله
قلت كامله صعبه
قال اجل بروح لحماية المستهلك واشوف شيقولون

فأنا مادري شبيسون فيني وشنو الحق الي بيلحقني ؟؟
 

fayoona74

مستشار قانوني
التسجيل
31 يناير 2009
المشاركات
2,071
الإقامة
الكويت
انت دامك مو شركة مارا تتضرر من حماية المستهلك لان ماعندك محل يسكرونه بس ممكن تتحول قضية بالمحكمة
 

العنزي1

عضو نشط
التسجيل
2 أكتوبر 2008
المشاركات
723
انت دامك مو شركة مارا تتضرر من حماية المستهلك لان ماعندك محل يسكرونه بس ممكن تتحول قضية بالمحكمة

واذا تحولت القضيه الحق على منو ؟؟؟


هو وقع على عقدنا ان الفلوس مانسترجعها

وانا يوم دقو علي حماية المستهلك جيتهم واتفقنا من طيبة خاطر ووقعت لهم اني احل مشكلته او ارجع فلوسه !!!!!

بس انا ظبطت شغله وسويت اموره بس هو مو عارف بالمواقع شي وناشب لي
 

fayoona74

مستشار قانوني
التسجيل
31 يناير 2009
المشاركات
2,071
الإقامة
الكويت
الله اعلم يكون الحق مع منو لان حسب قناعة القاضي وتقرير الخبير في حصر الاعمال المنجزة وتقييمها مقارنة بالعقد
 

العنزي1

عضو نشط
التسجيل
2 أكتوبر 2008
المشاركات
723
مشكوره فيوووووووونه الحبوووبه ,,

انتظر المزيييييييييد من الردود ..
 

Rap Soul

عضو نشط
التسجيل
2 سبتمبر 2007
المشاركات
965
عسى الله يفرج همك وهمنا وهم كل مسلم
اللهم آمين
 

قديمك نديمك

عضو نشط
التسجيل
9 أغسطس 2009
المشاركات
105
قدم شغلك لحماية المستهلك في طريقه وديه واشرح لهم الي صرفته على الموقع وخسائرك وشوف العقد ,

والعقد اخوي ورقه عاديه ام ورقه صادره باسم شركه اتوقع انك ما ذكرت المعلومه هذي ,,

وبرأيي الشخصي في حال انك التزمت في تلبية جميع الشروط الي في العقد فلا تخاف من اي شي طبعاً

واذا مالك خلق محاكم ودوخه راس اكسر الشر ورد فلوسه والبرمجه بأذن الله تنباع باجر

وخل شغلك ودي في المستقبل ومن غير اي عقووووود دامك ما تملك ترخيص

والله المستعان
 

Winchester SX3

عضو مميز
التسجيل
4 يناير 2009
المشاركات
7,922
الإقامة
الكويت
حكره بزاويه وطلع حقك من خشمه!!

آسف بس انا إحتريت!

مسويلك سالفه وانت معطيه وجه ويحاول يستغل طيبتك وحسن نيتك

تركه يلوي ويروح ويرد لين مخه يجيّم ويمل

لو انا مكانك جان يقولي هاك فلوس دبل وفكني من شرك هههههههههه


أسأل الله أن ينصرك
 

mR Basha

موقوف
التسجيل
5 يونيو 2008
المشاركات
305
طيب كلامك حلو يا وليد
حين
انته دفعت للمبرمجين حقهم ؟
ولا ختفيت عنهم ؟



سامحني يا وليد ادري انك رجال كويس
 

قناص_السوق

عضو نشط
التسجيل
8 يناير 2009
المشاركات
1,348
اخوي لا يجوز لاي شخص يمارس اي تجاره مهما كانت بدون ترخيص

والحالات التي يسمح فيها القانون اذا كانت بيعه شخصيه وليس تجاريه :-
1- بيع سياره
2- بيع ممتلكات ......... الخ اي ممتلكات شخصيه

وكذلك يسمح بالخدمات الوديه :-
1- توصيل عبريه بدون اي رسوم ماديه يسمح به القانون
2- عمل اي خدمه دووون اي رسوم ايضا يسمح بها

وكونك خذيت مبلغ و قدمت عمل لا يعتبر ممتلك شخصي و انما حسب رغبة الزبون واخذت مبلغ و قدره و كتبت الاثبات على نفسك يعتبر تاجرت بدون ترخيص


وفيها سجن و غرامه اتوقع 3000 و انظر لقانون التجاره افضل اذا احد مارس تجاره بدون ترخيص
 
أعلى