سؤال الى خبراء العقار ... ( العمارات الاستثمارية او السكنيه )

[بوناصر56]

السلام عليكم ...

الى كل كل خبير عقاري او كل من يملك عماره سواء سكنية او استثماريه


هل استطيع ان امتلك عماره حتى لو انني لا امتلك رأس مالها ؟ لان مبلغ راس المال اللازم لامتلاك عماره خيالي الصراحه


واشلون افضل طريقه امتلك عماره ؟


مع العلم اني في وظيفه مستواها المادي جيد نوعا ما ......

ارجوكم لا تبخلون علينا بالمعلومات و الحلول

 

[bosa3ad]

تقدر بس السالفة يبيلها صبر يمتد لسنين....راح تحتاج تمويل من بنك أو وجود شريك.

موفق ان شاء الله.

 

[بوناصر56]

للرفع


والله يجزاك خير ممكن توضيح حتى تعم الفايده

واللي عنده حلول لا يبخل علينا

 

[bosa3ad]

يبيلك مبلغ محترم، يعني راس مال تبدي فيه. البدأ اذا قدرت بنصف قيمة العمارة ....يعني قول من 150 الى 250 الف واللي يعني نصف سعر عمارة سعرها من 300 الى 500 ألف.

اذا ما قدرت على هالمبلغ دخل شريك معاك وبعدين روح أي بنك اسلامي بعد ما تلقي عمارة ذات موقع جيد فيها مواقف للمؤجرين وعمر البناء بحدود 5 سنوات او اكثر قليلا....روح البلدية وشوف اذا عليها مخالفات أو لا وتأكد من اسم صاحب الملك. بعدها تروح للبنك وتعرض عليه العمارة وسعرها عشان يسويلك معاملة المرابحة.

المرابحة تكون ان البنك يرهن العمارة ويتم تسديد الاقساط شهريا عن طريق ريع العمارة (الاجارات) وتمتد الفترة من 5 الى 15 سنة بس كل ما قللت ال مدة قلت الارباح للبنك وكل ما كانت الدفعة الاولى أكثر سارع في امتلاكك ال عمارة في عدد سنين أقل.

 

[بوناصر56]

ماشاالله عليك كلنا نعرف هالطريقه .. لكن راس المال صعب تحصله 250 الف

والحين ارخص عماره سوم 600 - 700 الف هذا اذا ما كانت هدام


للرفع حتى نشوف اراء المزيد من الاخوه

وجزاك الله خير اخوي لانك اثريت الموضوع بفكره تفيد العامه

 

[كويتي8_*]

المشكلة لمن تشتري عمارة بالأقساط عن طريق التمويل لازم تدفع مقدم وإذا مافي سيوله ماكو فايده