اخجل ان ارفع رأسي امام اولادي عندما تقع عيني عليهم (رواية صحيحة)

bodawood

عضو نشط
التسجيل
29 نوفمبر 2009
المشاركات
505
اللهم سخر له الارض و ما عليها و لجميع المسلمين اميين يارب العالمين
 

abdullah alajmi

عضو نشط
التسجيل
25 مايو 2007
المشاركات
278
كلامك صحيح اخوى مافى داعى انه يخجل من احد والاهم الصحه والعافيه
ورغم ان الموضوع من ناحيه انسانيه حزين ويعور القلب وخسائر البورصه سببت مشاكل اجتماعيه وخراب بيوت وطلاق وفراق وتشتت اسر وخلاف اخوه وحا لات نفسيه وامراض مزمنه ....

لكن حبيت اتكلم فى مدى اخلاص الزوجه ..والطريف بالموضوع رغم حزنه وشر البليه مايضحك ..الرجل فى الستين من عمره لابد ان زوجته لاتقل عن ال 55سنه هذه العجوز فعلا غير مخلصه وتستحق الطلاق ..طلاق بغير رجعه فبعد كل هذه السنين من العشره والتى اعتقد لاتقل عن 30 عام تطلب الطلاق لاسباب ماديه وتغيير بالوضع المادى فقط ..
الزوجه الاصيله المخلصه لزوجها تتبع زوجها اينما ذهب حتى لو اصبح على بساط الفقر ولو عاش بخيمه بالصحراء وتشاركه شظف العيش والحياه المره
غريبه جدا من هذه العجوز المستهتره الماديه والتى رغم ألاءم ومأساءة بو عيالها من جراء خسارته بالبورصه ومرارتها تزيد جراحه وتطلب الطلاق ..وتتسبب بتشتت اسرتها فعلا امر غريب وعجيب من هذى العجوز المتصابيه الجشعه لو كانت فعلا تحب زوجها واسرتها وبنت اصول لخففت عنه مصيبته بدلا من ان تزيدها ..فعلا تستحق الطلاق غير مأسوفا عليها ...

ياجماعه ,,, شالسالفه ؟؟؟
اللي يقول طلقها واخذ وحده بالثلاثينيات (( متوقع يقدر عليها )) ,,, واللي يقول تستحق الطلاق !!! (( بالله شيسوي بروحه !!!))
وانا اقووول العمر 60 سنه واللي فيها خمال اكيد مبين من زمان ومادام متحمل هالسنين كلها ,, ما بقى بالعمر كثر مافات ,,, تحمل هاليومين الباقيه والله ياجرك ,,,,
الدور والباقي على العيال ,, هذولا حيلك فيهم ,, على ماقالو الشيبان قبل ,, قطع اذونهم ,,, بعد الحلال شوي ومناشبينا عليه
 

عذووب

عضو نشط
التسجيل
8 سبتمبر 2008
المشاركات
1,488
الإقامة
في قلب أبوي واخواني اللي هم كل دنيتي
والله عور قلبي
بس الريال هذا وغيره وايد اهما اللي خلونا نسوي الي سويناه بالسوق

ويمكن هذا قصته تهون احنا سمعنا قصص ناس وايد تعور القلب وقصته تهون عند قصص ناس وايد وايد

بس ممكن تقولي الشركات اللي ماخذ فيها
 

النائب

عضو نشط
التسجيل
19 مايو 2006
المشاركات
514
الحمد لله علي كل حال
وطالبه الطلاق .....والقانون يشجع ماشاء الله نفقه وبيت وخادمه وسايق وسياره لا والله كدينا خير
لانه مش غريبه عليها انها ترفع عليك قضية نفقة وتعال حلها ......وهو اصلا مو ناقص !!!

انا اقول لا يجيب طاري للطلاق ويحاول يتصبر ويساير هالنسره لان القانون معاها معاها
وراح ينتف راتبه
لا للطلاق لانه راح تصير ظروفه مثل عساسة المري
تصبر وانا اخوك
وتمسك بالشوشه لين الله يعدل الظروف وتجيب المنقوشه!!!
 

Latino

عضو نشط
التسجيل
27 أبريل 2008
المشاركات
656
انشالله البورصه ترتفع وتشلع فوق ويعوض خسارته
والله يرزقه من حيث لايحتسب
ويتزوج عليها بدل الوحده ثلاث :):):)
 

Cozmo

موقوف
التسجيل
11 مارس 2008
المشاركات
5,333
الإقامة
دار جابر وسعد ومن بعدهم صباح ووليه نواف راعي العهد
عجيب امر الناس
اذا ربحوا قالوا هل من مزيد
واذا خسروا قالوا غلطة الغير
يعني الي ربحه هل كان مستعد يعطيه للحكومه مثلا ؟

اللهم لا شماته
والله يعينه على ما ابتلاه
 

سعيد الحظ

موقوف
التسجيل
8 نوفمبر 2009
المشاركات
42


ما طلبت الطلاق فقط تبي تخوفة عشان ينسى شي اسمه اسهم وينسى التجارة بكبرها ويبقى على راتبة

او لان الحبيب داخل بكل مايملك وهذا اشر من الربح نفسة لو كان فيه ربح

المفروض يدخل مو اكثر من ربع مايملك من اموال ماهو بحاجتها ولا اهله وعياله يحتاجونها

والله يستر عليه وعلينا

وانصح زوجته تغير عتبت بابها
 

مليون دينار

عضو مميز
التسجيل
18 مايو 2008
المشاركات
11,008
ان شاء الله ترجع فلوسك وفوقهم ربح
 

الملفات المرفقه:

  • دعاء.jpg
    دعاء.jpg
    الحجم: 31.6 KB   المشاهدات: 136

ورق خسران

عضو نشط
التسجيل
19 يناير 2008
المشاركات
2,438
الإقامة
الكويت الحبيبه
حسبي الله ونعم الوكيل
 

أبوالفهووود

عضو نشط
التسجيل
4 أبريل 2009
المشاركات
190
الله يكون بعونك ياخونا العزيزمن لزم الأستغفااار جعل الله له من كل هم فرج ومن كل ضيق فرج ألزم أستغفارك والله يعوضك بأحسن منها مالك الملك قادرعلى كل شي .. والله المستعااان؟؟؟
 

معشي الجن

عضو نشط
التسجيل
2 فبراير 2008
المشاركات
1,668
الإقامة
جزيرة قاروه
يقول لي احد الاصدقاء و هو في العقد السادس من عمره
عندما اذهب الي منزلي و عندما ينظر اولادي الي
اخجل ان تقع عيني عليهم
ذالك بسبب خسائر الفادحة التي ابتليت فيها في بورصتنا
و يسترسل هذا الرجل و يقول ان زوجته طلبت الطلاق ...لاحول ولا قوة الا بالله
هذه الشركات ابتلعت اموالي و اسهمي (غولف انفست بعد تخفيض رأس المال و دمج الدولية م.أ مع الديرة)
ارى دمعة هذا الرجل على وشك النزول لكن لا حول ولا قوة الا بالله
و يقول هذا الرجل نزول سوقنا مره بالاستجوابات و مره جمبزة الشركات و مره بنزول سوق دبى و مره بسبب مشكلة القصيبي و مره مشكلة انكشافات بنوكنا و مره بمشكلة بنك الذي كان قريبا من الافلاس
و يقول ايضا هذا الرجل الجليل ان مافي محاسبة او مسائلة
وناس تلومنا ليش دشينا البروصة و علما ان البورصة تحت رقابة رسمية و هي 3 جهات وزارة التجارة و البنك المركزي و البورصة
شنو اللي صار؟
و يأخذ نفسا عميقا و يقول حتى اعضاء مجلس الامة لم يهتموا بوضع البورصة و ولا احد وقف ويانا

اتمنى من الله سبحانه و تعالى ان يوفق هذا الرجل و في هذا اليوم المبارك يوم الجمعه ان يتقبل دعوانا لصالح الاعمال

lمنقووووووووول

الله يكون بعونه , بس لما يلعب بحلال أعياله هذا أنسان مو جليل مثل ما قلت , اللي يلعب بمعاشه والبيت قاعد يتحكم مو بملكه ,, ملك عياله ! بس أتمنى مو أنت
 

ريكاندو

عضو نشط
التسجيل
20 أبريل 2009
المشاركات
2,847
الله يكون بعونه ويصبره على ما ابتلاه
والله لا يبلى المسلمين انشالله والله يرزقنا ويرزق غيرنا ان شااء الله
 

مستثمر من 1996

عضو نشط
التسجيل
24 مايو 2005
المشاركات
1,043
الإقامة
المنتدى
هذه احداث متكررة وماكو جيل خالي من حدث كارثي وهنا يأتي دور الخبرة والتي يتمخض عنها الاقتناع باقل الارباح والانسحاب المبكر من اي استثمار وعدم التحسف عليه في حال اكمل صعود .

حرب 67 و 73 واثرها الكبير على اقتصاد الكويت ..............
ازمة المناخ 1981 يلي جننت عالم وافلست ناس بعد ما وصلوا ملايين
اجتياح الكويت 1990 واثره يلي ما يخفى على احد
ازمة 1997 العقارية واثرها على الاسواق
الازمة العالمية 2008 التي نعيشها اليوم

يعني لازم يصير شيء كل فترة 10-14 سنة
صعود دايم او هبوط دايم ما يصير
وكثر ما نكرر هالكلام لن تأخذ فيه الاجيال القادمة وستقع في نفس المطب

الله يعنيك اخوي ويعوضك ، والصحة اهم شيء ، والعائلة لازم تكون مع بعض بالشدائد والازمات قبل الترف والعز او ليش اسمها عائلة
 

mishmish

عضو نشط
التسجيل
10 يونيو 2008
المشاركات
781
ماعندكم ينفد وماعند الله باق
 
أعلى