ما توقعاتكم لسوق يوم الأثنين القادم

[أبوسعد الخالدي]

الرجاء من الأخوا أهل الخبر في السوق الكويتي أفادتنا عن توقعاتهم لسوق الكويتي يوم الأثنين القادم
هل يواصل الصعود وماهي الدلائل علي دلك ولكم جزيل الشكر

 

[L.yan]

ارتفاع السيولة أكبر دليل على تحسن وضع السوق وثانيا إقفالات السنة ونقول إن شاء الله قبل كل شيء

 

[bodawood]

يوم الاثنين غامض لان اخر الدقائق صار بيع على حسب علمي بدأ بالتكييش يوم الخميس
و الله اعلم يمكن اكون غلطان و كلامي ليس دعوة للبيع و لا للشراء

 

[Q8-Fund.Manager]

للمضاربين !!

سيتم جني ارباح بواقع 100 نقطة ( للمؤشر السعري ) تقريبا
وبعدها سيتم ارتداد السوق لبلوغ مستوى 7300 نقطة​

 

[الواضح1]

ياجماعة الخير الرجاء لحد يطرح تصور اوتوصيه اوتحليل اذا كان مو متأكد منها ومن مصدرها حتي لانبني عليها استثمارنا في السوق ونتكبد خساير اكثر من ما حصل اللي فينا مكفينا جزيتم بالف خير

 

[majrooh]

اتوقع صعود متواضع وذلك نتيجه الاخبار الاقتصادية التى تقول باننا مقبلين على انتعاش بطيىء وارتفاع فى اسعار الطاقة ودخول الكبير للمحفظه الوطنيه على معظم الاسهم الاسبوع الماضى

 

[أبوسعد الخالدي]

الله يعطيكم العافية علي المشاركات

 

[fajri]

الاخبار والمصادر تقول ان المحفظه راح تستمر الاسبوع القادم بدعم السوق ودخول السيوله وهذا

كلام اختنا عذووب ما قصرت كل كلمه تقوله تثبت صحتها,,, ​

أن شاء اللة

 

[أبوالفهووود]

متوكلين بأذن الله ومتفائلين خيروالله كريم ((قولوا لاأله ألاالله تفلحووون))

 

[al7boob_77]

يعطيكم العافيه اخواني واخواتي
انا شخصيا اتوقع صعود حتى اخر هالشهر لحد ما يسكر الربع الرابع تقريبا او قبله بجم يوم ولعدت اسباب
اولا استمرار ضخ السيوله من المحفظه الوطنيه
ثانيا تقريبا حل مشكله دبي مؤقتا خصوصا بعد ال عشر مليارات
ثالثا كان بالسابق نزول قوي ولازم السوق يصعد لتعويض
رابعا استقرار الامور السياسيه بعد جلست الاستجوابات
يعني بختصار الوضع العام فيه مؤشرات ايجابيه واتوقع حتى لو كان في نزول راح يكون فقط لجني الارباح مؤقتا ومن ثم الصعود

هذا رايي الشخصي للوضع العام ... واتوقع الفرصه ما زالت حلوه بالنسبه للي يبي يستثمر او يضارب لانه اغلب الاسهم اسعارها معقوله جداااا

 

[aldub2000]

للاسف اغلبنا مدبس باسعار عاليه ويشهد الله ودنا يكمل صعود بس للاسف ان اتوقع ان البنوك والمحفظه وكبار الملاك راح يضغطون على السوق بسبب جلسة القروض كالعاده واتمنى مايصدق توقعى

 

[net1]

للاسف اغلبنا مدبس باسعار عاليه ويشهد الله ودنا يكمل صعود بس للاسف ان اتوقع ان البنوك والمحفظه وكبار الملاك راح يضغطون على السوق بسبب جلسة القروض كالعاده واتمنى مايصدق توقعى

اي والله اغلبنا مدبس بأسعار عاليه
وان شاء الله يصعد السوق والله يوفق الجميع

 

[Trillion]

اتوقع اصير جني ارباح بس بالنهايه على اخر سوق راح يرتفع ارتفاع بسيط

وراح يكمل على هذي الوتيره لي اخر السنه


وبالتوفيق

 

[بو ضاري 2005]

بورصة جنبزه متا مابغو يرفعون مايهم دخول محفظه ولا غيره بس الله واعلم السوق زين لي شهر 3

 

[hanoky]

فنيا أغلب المؤشرات متشبعه صعود فممكن يصير تريح لاغلب الشركات والله أعلم

 

[بوعبدالوهاب]

استمرار الارتفاع في اغلب الاسهم ان شاءالله

 

[bodawood]

اللهم انعم على المسلمين بنعمة الرزق الحلال وموفور العافيا

 

[سهمك اخضر]

مع الاسف السوق راح يروح احمر وسبب التجمع الي حضرته عند مسلم البراك

والاعضاء الي تكلمو كلام كبير

والله الوضع حده صعب

الله يستر على فلوسنا

 

[المتمكن]

والله اسمحلي اخ سهم اخضر ما بغيت ارد على كلامك بس شفت مشاركتك اكثر من مكان وانت تتكلم عن التجمع عند مسلم البراك
السوق انشاء الله اخضر تجمعوا عند مسلم البراك ولا ما تجمعوا والكلام اللي قالوه لا يحل ولا يربط الحكومه اللي تبي اتسويه غصب على الكل راح اتسويه وبسنا مسرحيات ليلحين ما فهمنا كافي تفائلوا خيرا واسمحلي اخوي العزيز :d

 

[الواضح1]

بأذن الواحد الاحد السوق زين واخضروعين الحسود فيها عود