اولاد العصيمي - انتم اهل الكرم والطيب وما ترضون بهالوضع باسواق القرين السوق ياجماعة نايم - ولا يوجد فية زباين ولا محلات ولاتراخيص.. مع هذا تبونا ندفع ايجار؟؟؟ أنتو شوفوا الصور واحكموا على الوضع والله احنا مظلومين.. نبي نسترزق لكن الوضع الحالي مو مساعد لاحظوا ان الشوارع فاضية [/IMG] أغلب المحلات عالاسمنت مع أن الساعة 4:30 العصر الا أن جميع المحلات مغلقة محلات جاهزة والاخري على الاسمنت ( جنب الى جنب ) حتى الحمامات تكرمون ما اكملت الصور فوق تشوفون بعض محلات ناس اشتغلوا في محلاتهم واخرتها سلموا الفاتيح للادارة لان السوق نايم هذا محلي السطح يخر ماء - وتلاحظون ان الديكور خرب مع صبغ الطوفة ولا احد عوضني هذه صور لبعض من المحلات معروضة (للبيع او لضمان ) وهناك الكثير منها لم يكن لدي الوقت لتصويرها طبعا مثل ماشفتوا الوضع مزري جدا يا ليت تدرسون الوضع الحالي وحالة المنطقة وين الشركات الكبيرة؟ فهي العامل الاساسي لجذب الزبائن ؟ وين الدعايات التلفزيونية والاذاعية ؟ وين التراخيص الكثير من المحلات واقف شغلها ؟ ولا تحطون حرتكم ( بالتجار الصغار ) وتكونون انتم والزمن علية عطوهم فرصه يعدلون وضعهم على الاقل يدفعون نص الايجار لمدة سنة على الاقل.............. ولكم منا اجمل تحية
دعاياتهم كانت قوية وموقع المشروع حلو بس الظاهر باعو المحلات وراح يشترونها بسعر رخيص مره ثانية. ما اقول إلا ان الله يعوضك ويعوض الباقين
أولا - كان المفروض يبنى على شكل مولات مراعات لحالة القطس لدينا ثانيا - أنا كمستهلك ليش أروح لسوق المحلات الفاتحه فيه تعد على الأصابع ثالثا - لا تفرح حتى لو أكتمل فتح المحلات فلن ينشط السوق بسبب مدخله المظلم رابعا - وجود مقاهي الشيشه بكثره و دخول الشباب للمنقطه بأعداد كبيره لن تدخل أي أمرأه للسوق بروحها خامسا - المقاهي و الشيشه أن ما شالوهم لاتفكر بالزباين
السلام عليكم كان من المتوقع بان شهر 11 يكون العمل بهذي المنطقه ممتاز بسبب عمل لولو هايبر لكن سبحان الله قدر الله وما شاء فعل وهذي ارزاق طال عمرك وان شاء الله ان الخير بقبال لك هالقصه واحد من الربع شراله محل بمجمع بالسالميه بـ4000 دينار على ان المجمع المجاور راح ينهدم وصارله لي الحين سنتين والمجمع المجاور لم يتم اخلاؤه والحبيب يدفع اجار 250 دينار شهرياً والحين صارله سنتين يعني بالسنتين دافعله 5500 اجارات + 4000 دينار خلو المحل والحين مفكر ان يبيعه انا قلتله من اول ما اخذ المحل ان يفتحه ويترزق الله وما فيها شي اذا خسر في البدايه وان شاء الله يعوض بالجايات وخاصتاً ان المجمع اللي اهو فيه صارت فيه حركه حلوه الحبيب هذا لو شهرياً كان مدخول محله من اي مشروع 300 دينار على الاقل يسكر قيمة الاجار وبعدين عاد اذا كان ناوي يبيعه بخلو اكثر راح يكون طالع بدون خساره انت توكل على الله وافتح مشروعك او محلك واشتغل والارزاق بيد رب العالمين وعسى الله يوفقك
اخوي اذا تبي شي من ابناء مناحي ناصر العصيمي بيتهم بخيطان قطعه 10 انزل من الخامس جنك رايح المطار اول لفه ابرق خيطان يمين ديوانهم ثالث بيت على اليمين راس تلقى عبدالرحمن اخوهم كلمه بموضوعك
شوف اخوي راعي الحلا لنسيت اسمة والله بس ملتزم وحوش ريال تجمعو اهل المحلات وروحولة راح يعفيكم امية بالمية تلقو
شكل السوق مطول وانت اللي موجود ودارس الوضع جيد فتقدر تقدر وضعك ووضع السوق والله لايخسرنا ولايخسرك ويعوض علينا وعليك
اخوي الله يرزقك ان شاء الله ... وشي متوقع ان المنطقه ما يكون عليها اقبال بالبداية .... يعني اي شي جديد يقل الأقبال عليه... يعني اكيد حضرتك حطيت هذا الاحتمال في دراسة الجدوى لمشروع ... واي مشروع ببداية يبيله صبر وتعب وخساير .... والله يوفقك ويرزقك ان شاء الله ...
عندي لك حلين حل حالي وحل مستقبلي الحالي : 1- تروح لحماية المستهلك والنائب العام تطالب بحقك 2- تحاول تساوي دعاية كثر ما تقدر بالجرايد لمنتاجتك وسو لك خدمة توصيل 3- تروح المخفر وتقدم قضية ...طبعا بعد ما تروح لأصحاب الحلال وتكلمهم لأن ديكور وتعبان فيه ويخترب حرام مستقبلي : 1- اي مشروع خاصة تجاري وان كان مجمع يديد المفروض تسال وين مكانه منو من المحلات معاك الموقع الموقع الموقع مهم جدا اسواق القرين بمنطقة مقطوعة نوعا ما 2- النشاط اللي بتسويه لازم تتاكد انك تكون الوحيد او ان في قلة قليلة ممكن يقدمون نفس منتجاتك او خدماتك او علىالأقل تتميز عنهم 3- والأهم اي مشروع لازم تسوي لي دراسة جدوى ويكونعندك خطط في حال مات السوق يعني خدمة توصيل او انك تبيع منتجاتك على النت او اطلعها بر الكويت وموفق خير
والله يالحبيب تقدر اتروح حق ديوانهم الي اب خيطان و اتقول الي اب قلبك كله ..... انا عبالي العصيمي الي من بني تميم جان قدرت اوصل صوتك لهم ( عصيمي الفيحاء) , الي اب خيطان عصيمي العتبان ما اعرفهم يمكن عضو ثاني يقدر يفيدك
انا اعرفهم وعيال عمنا وشرط لو يروح الدوانيه ل عبد الرحمن يعطيه فلوسه ويقوله توكل على الله ترا عيال مناحي ناصر العصيمي فيهم خير ورياجيل والي ماسك العقار عبدالرحمن روحله ويطيب خاطرك
