موضوع مؤقت يا ادارة= توصيات السوق باجر

R-W-H

عضو نشط
التسجيل
11 مايو 2009
المشاركات
921
الإقامة
الكويت
الى الاخوه الاعضاء انا اقول الذيب ما يهرول عبث والاخت عذوووووووب عندها مغزا من ذلك الامر شنو اهوه الله اعلم شكرا للجميع
 

عذووب

عضو نشط
التسجيل
8 سبتمبر 2008
المشاركات
1,488
الإقامة
في قلب أبوي واخواني اللي هم كل دنيتي
هههههههههههههههههههههه ابيه من صجكم والله من صجكم

كل هذا علشان ابي لكم الخير

خل ارد على كلامكم سواء بالصفحة هاذي والا الثانية :

أولا : الله العالم أني ابي مصلحتكم ..انا ما اعرف شنو شريتوا ولا شنو في محافظكم .


ثانيا: يا سارة لو انتي تقرين كل مشاركة من مشاركاتي جان عرفتي انه وقت ما قلت اقط فلوسي ولا اشتري عمارة كان قصدي انه هاذي تعتبر التجربة الثانية وحبيت اعتمد على نفسي كليا بعيد عن أهلي او فلوس العايلة.

ثالثا : ذكرتي اني انا كنت اتكلم من شراء عمارة لي ضخ سيولة اب 70 مليون دينار 1-اكثر من مرة وفي مرة اكتب ال70 مليون كنت اقول احنا 2-سبق وذكرت الفلوس اللي قلت اشتري فيهم عمارة كانت مبالغ من جهودي الشحصي بعيد عن ممتلكات العايلة 3-حتى وان كان مبلغ ال 70 مليون لنا كعائلة شنو الغريب


رابعا : في أشياء كثيرة تدور السوق مو الكل يعرفها..على سبيل المثال صعدة سهم بسرعة البرق ونزوله ولا السوق اجمالا ونزوله غلاتي مو كل هالأمور تبين مثال:
مرات يتم شراء بعض الشركات الصغيرة إلى العادية ويتحرك المؤشر والناس تكون فرحانة بالصعود والقيادية للحين ما تحركت ينطرون الناس يدشون بنص المعمعة تالي يطيحون السوق مو كثير اللي يلاحظون هالشي



خامسا : خلينا من هذا كله وشنو اللي نسويه بالسوق ..شوف آخر مشاركاتي ..ذكرت اني اخذت دورات وايد سواء داخل الكويت ولا بره الكويت وبشكل مكثف طبعا انتي قارية كل مشاركة لي بتلاحظين اني كنت بالأمريكي اول وتالي حولت للسوق الكويتي لعدة أسباب. وبعد كل هالدورات كان في تدريب من كبار مدراء المحافظ ومن اهلي


سادسا: توصياتي اللي مسوية البلبلة هاذي كلها وتسببت طولة للسان والتعليقات الجارحة بلاها مو شرط لحد ياخذ فيها .واي المنتدى مترووووووس محللين وناس توصي مافي ولااحد مجبور ياخذ كلامي




بالنسبة للسيولة وكل سهم شو بصير فيه وحده الأعلى والأدني ...سويتها مره علشان اثب حسن نيتي ...اني اسويها مرة ثانية طوالة ..اني اقول لكم منو وشنو احنا هم طوالة ...اني اقول شنو الشي اللي زين ياي ..والشين اللي ياي طواااااااااااالة واسرار.

***أنا اقدر اقول لج انا فلانة الفلاني واللي معانا فلان وفلان وفلان ووووووووو...بس تدرين شبصير بتجذبوني ......واقدر اقولج الشركات الللي بندش فيها كل يوم بس في عيون في المنتدى يمكن تضركم ما تنفعكم .....واقدر اقولج الحين سوقنا بيصعد علشان جذي وجذي وجذي وراح ينزل لأسباب التالية ...بس كل هالأمور هاذي قيد النقاش ..وممكن واحد من هالمواضيع ينتهي على خير ونكسر ال8000 بما انه في سيولة كبيرة جدا بره السوق..وومكن هالموضوع ما يصير ونروح 5800 فكل يعتمد على اطراف تتناقش وتتهاوش ووتحاور

لكم علي اقول لكم السوق آمن للدخول ولا طلعوا منه والراي الأول والأخير لكم انتوا
 

ساره78

عضو مميز
التسجيل
12 يونيو 2007
المشاركات
2,828
عزيزي هذا الكلام ذكرته


في العادة هاذي الأسهم اللي بالعادة اللي نشتري فيها خبر اجيليتي كان غير متوقع

وبعدين حتى نزولهم بالحد الأدنى شي جيد لأنه يعتبر فرصة جيدة للشراء اليوم كان همنا نحافظ على تماسك السوق لأن الكل بدا يبيع فصدنا بفضل الله عصفورين بحجر شرينا شركات اسعارها روعة وبنفس الوقت كونا دعم للسوق علشان ما ينزل زود ضخينا السيولة اليومية من غير زيادة وباجر يعتمد على الأحداث اللي بعد شوي ولكن بشكل عام الوضع لازال مطمئن جدا

لاتعليق على التوصيه وبغض النظر عما حصل ...:mad::mad:
شراء اجليتى اليوم وبالحد الادنى غلط غلط للمضارب وليس فرصه للشراء للمضارب لانه ببساطه لن يستفيد المضارب منه غدا مؤكد غدا يحصله اقل من هذا السعر 740.؟؟...؟؟

التوصيه بشراء اجيلتى يوم اول امس بالحد الادنى 740 فلس كما ذكرت غلط غلط للمضارب ولم تكن فرصه للشراء كما تقول التوصيه ...
والسهم امس معروض بالحدالادنى بدون طلبات 690فلس وممكن اليوم يعطى 640 فلس ..من اشترى بناء على التوصيه كمضارب ممكن والله اعلم خسارته غدا فى يومين 100فلس وحسبنا الله ونعم الوكيل ....
 

أبو عمر

عضو مميز
التسجيل
2 يوليو 2007
المشاركات
6,711
يعطيج العافيه يا عذووب
بانتظار توصياتج مع الشكر :)
 

BIG.PUN

عضو نشط
التسجيل
17 فبراير 2009
المشاركات
420
الإقامة
الكـــــويت
عــــذوب الله يعطيج العافيه ويرزقج على قد نيتج

لاتلومين بعض الاخوان ترا اللي حاشهم من السوق شي جايد وصعب الاخذ بالكلام اوالتوصيات وانتي اعتقد اصبتي في ناحيه واللي سمع منج استفاد بفضل الله ثم انتي

انا واحد منهم والخساره الله لايوريج ونطلب الله الصحه والعافيه والفلوس تجي وتروح وانشاء الله
الكريم نعوض خسايرنا

لاتحرمينا من طلتج وتوصياتج
 

ساره78

عضو مميز
التسجيل
12 يونيو 2007
المشاركات
2,828
اقدم اعتذاري للاخت ساره78 واتمنى تقبل اعتذاري

وانا تسرعت بالحكم قبل ما اشوف المشاركات كلها والله جزاج خير على اللي قاعده تسوينه حق اخوانج ووقوفج مع الحق ولم تمنعج كلمه الحق حين عرفتي الحقيقه وانا كنت اقول شيخه المنتدى بطنازه بس والله الحين اقولها بصدق انتي شيخه المنتدى.

شكرا لك اخوى الفاضل ومافى داعى للاعتذار
الحمدلله انه ريحت ضميرى وكتبت مايمليه على من مبدأ ان الساكت عن الحق شيطان اخرس والله من ورا القصد مع ان جميع مشاركاتى التى كتبتها للاسف شطبت وكذلك الموضوع اللى رفعته ايضا شطبت منه المشاركات التى تبين الحق والحقيقه وطبعا ليس لدى اعتراض على ذلك ولكن الايام سوف تبدى من هو على حق ومن هو من كان يستمع للوهم والخيال الغير حقيقى وعدم المصداقيه .نتمنى من الجميع الطرح الصادق العقلانى بعيدا عن التزييف والخيال والاوهام بقصد التباهى والتفاخر او بسبب اهداف اخرى والله اعلم لكى لاتتسبب هذه المشاركات عديمه المصداقيه والمبنيه من نسج الخيال بخساره للاخوه الاعضاء ويكون لها تاثير عكسى وسئ للناس .لست شيخه المنتدى والمنتدى عزيز باعضائه وادارته
انما سعيت بقصد ونيه صافيه لفعل الخير والله الشاهد على ذلك ..
لن اتطرق للموضوع مره اخرى لكى اتجنب اثاره السيئه ولانه اتضح لى ان اغلبيه الناس لاتحب من يحذرها بصدق وتصفه بالتشاؤم وربما تكرهه وتجرى ورا اوهام غير صادقه وتشكر من يكذب عليها لمجرد التفاؤل .عندما نحذر او نتشاءم بصدق وحسب نظرتنا ومايمليه الضمير وكذلك عندما نتفائل ايضا بصدق ولكل وقته حسب ظروف ورؤيه مسار السوق ..
اتمنى ان تكون فكرتى وصلت وتحذيرى وصل من كل من يكتب بغير مصداقيه
وكتابته عباره عن كذبه كبرى من نسج الخيال واطلب من الله سبحانه ان يهديه للطريق المستقيم ..
 

RICARDO-KAKA

عضو نشط
التسجيل
11 أغسطس 2005
المشاركات
937
التوصيه بشراء اجيلتى يوم اول امس بالحد الادنى 740 فلس كما ذكرت غلط غلط للمضارب ولم تكن فرصه للشراء كما تقول التوصيه ...
والسهم امس معروض بالحدالادنى بدون طلبات 690فلس وممكن اليوم يعطى 640 فلس ..من اشترى بناء على التوصيه كمضارب ممكن والله اعلم خسارته غدا فى يومين 100فلس وحسبنا الله ونعم الوكيل ....

السلام عليكم

أخت ساره ليش معصبه؟

ليس دفاعاً عن عذوب لكن الأخت ماقالت أشتروا أجلتي كل اللي قالته هو "في العادة هاذي الأسهم اللي بالعادة اللي نشتري فيها خبر اجيليتي كان غير متوقع
وبعدين حتى نزولهم بالحد الأدنى شي جيد لأنه يعتبر فرصة جيدة للشراء "
كل اللي قالته هي فرصه أنهم أهم يشترون و أهم كيفهم ولم تكن توصيه بالشراء
وبعدين محد مغصوب بالشراء والبيع

يا ليت الشباب يهدون شوي لأن الأخت عذوب قاعده تخدمكم بشغلات محد يسويها. وقاعده تقولكم أحنا قاعدين نشتري بالسهم الفلاني و ندعم السهم الفلنتاني لا أكثر ولا أقل لا حددت أسعار الدخول ولا الخروج (على حد علمي)

وهذه بحد ذاته أفضل من اللي يقول يايتني توصيه على السهم الفلاني و رايح دينار و آخر شي اذا ما وصل قال مادري توصيه و يتني ويوهق الشباب و يمشي عنهم

الغرقان يتعلق باللي جدامه وانتوا جنكم قاعدين تدورون كلمات قالتها علشان تصير ممسك عليها.
بارك الله فيكم أحسنوا الظن بالناس و عسى الله لا يخسر مسلم
 

ساره78

عضو مميز
التسجيل
12 يونيو 2007
المشاركات
2,828
السلام عليكم

أخت ساره ليش معصبه؟

ليس دفاعاً عن عذوب لكن الأخت ماقالت أشتروا أجلتي كل اللي قالته هو "في العادة هاذي الأسهم اللي بالعادة اللي نشتري فيها خبر اجيليتي كان غير متوقع
وبعدين حتى نزولهم بالحد الأدنى شي جيد لأنه يعتبر فرصة جيدة للشراء "
كل اللي قالته هي فرصه أنهم أهم يشترون و أهم كيفهم ولم تكن توصيه بالشراء
وبعدين محد مغصوب بالشراء والبيع

يا ليت الشباب يهدون شوي لأن الأخت عذوب قاعده تخدمكم بشغلات محد يسويها. وقاعده تقولكم أحنا قاعدين نشتري بالسهم الفلاني و ندعم السهم الفلنتاني لا أكثر ولا أقل لا حددت أسعار الدخول ولا الخروج (على حد علمي)

وهذه بحد ذاته أفضل من اللي يقول يايتني توصيه على السهم الفلاني و رايح دينار و آخر شي اذا ما وصل قال مادري توصيه و يتني ويوهق الشباب و يمشي عنهم

الغرقان يتعلق باللي جدامه وانتوا جنكم قاعدين تدورون كلمات قالتها علشان تصير ممسك عليها.
بارك الله فيكم أحسنوا الظن بالناس و عسى الله لا يخسر مسلم

للاسف لم يكن هناك شى من هذا القبيل لم تكن هناك محفظه تضخ او تدعم السهم الفلانى او تشترى السهم الفلنتانى كما تفضلت كل مابالامر كان عباره عن وهم وكذب وتدبيس الناس عبر اعطاء وعود كاذبه بالتجميع وان السوق طالع واحنا داشين اليوم وراح نرفع الاسهم اليوم وراح نرفع البنوك وهيتس وبالاخر هيتس تصريف واضح وليس دخول وبالحد الادنى ..
الاعضاء على نياتهم وافترضوا حسن النيه ولازلوا تحت تاثير الوهم ومن اوهمهم بانهم محفظه تضخ 70مليون يوميا .والاعضاء على نياتهم يطلبون شيل المعروض وشراء اسهمهم والطرف الاخر مجرد وسيله لحث الناس على الشراء والدخول وتشجيعهم وقت التصريف وليس صاحب قرار الناس تدخل تشترى بناء على الكلام والوعود بانه راح ندش اليوم ونشيل السوق ,,وبالنهايه لاتجد من يشترى الاسهم منهم لانهم تعرضوا لخدعه وكذبه كبرى ..فى البدايه تكون المعلومه صحيحه حتى تطمأن الناس وهذا ماحصل يوم الخميس الماضى كسبوا الثقه وتم وضع توصيات للسوق باجر فى بدايه الاسبوع ومن بدايته ولغايه اليوم تصريف واضح وليس شراء وحث على الدخول وهذا ماحصل ..و حسبى الله ونعم الوكيل اجيلتى يهبط بالادنى وواضح انه فيه هبوط اخر والكلام عنه يقال فرصه للشراء ...
 

RICARDO-KAKA

عضو نشط
التسجيل
11 أغسطس 2005
المشاركات
937
هدي بالج واذكري الله ان كانت الاخت مثل ما تقولين فالله يسامحها
انا قاعد اقول احسنوا الظن بالناس ومايجوز ندش بنوايا الناس ًان بعض الظن اثمً
مو ملزومين ناخذ بنصيحتها اهي تكتب وتجتهد. والله يعطيها العافيه وهذا اللي يا ناخذ فيه او نتركه وان شاء الله محد يخسر
موفقين خير
 

"عابر سبيل"

عضو نشط
التسجيل
25 يوليو 2008
المشاركات
620
للاسف لم يكن هناك شى من هذا القبيل لم تكن هناك محفظه تضخ او تدعم السهم الفلانى او تشترى السهم الفلنتانى كما تفضلت كل مابالامر كان عباره عن وهم وكذب وتدبيس الناس عبر اعطاء وعود كاذبه بالتجميع وان السوق طالع واحنا داشين اليوم وراح نرفع الاسهم اليوم وراح نرفع البنوك وهيتس وبالاخر هيتس تصريف واضح وليس دخول وبالحد الادنى ..
الاعضاء على نياتهم وافترضوا حسن النيه ولازلوا تحت تاثير الوهم ومن اوهمهم بانهم محفظه تضخ 70مليون يوميا .والاعضاء على نياتهم يطلبون شيل المعروض وشراء اسهمهم والطرف الاخر مجرد وسيله لحث الناس على الشراء والدخول وتشجيعهم وقت التصريف وليس صاحب قرار الناس تدخل تشترى بناء على الكلام والوعود بانه راح ندش اليوم ونشيل السوق ,,وبالنهايه لاتجد من يشترى الاسهم منهم لانهم تعرضوا لخدعه وكذبه كبرى ..فى البدايه تكون المعلومه صحيحه حتى تطمأن الناس وهذا ماحصل يوم الخميس الماضى كسبوا الثقه وتم وضع توصيات للسوق باجر فى بدايه الاسبوع ومن بدايته ولغايه اليوم تصريف واضح وليس شراء وحث على الدخول وهذا ماحصل ..و حسبى الله ونعم الوكيل اجيلتى يهبط بالادنى وواضح انه فيه هبوط اخر والكلام عنه يقال فرصه للشراء ...

حسبى الله عليها ضيعتنى ب هتس تلكووووم 114وتقووول تجمييييع وكمبيه كبيييره عسالله يخارجنا :confused:
عسالله يعطينا على قد نيتنا
 
أعلى