اكبـــــر حراميـــة ســرق فلووس شركة زيـــــــــن

[fahad78]

زين ماتاخذ منها حق ولا باطل
حتى لما تطلب كشف مكالمات ما تستلمه الا بعد يومين
النصب عينك عينك بزين ,تكيش الفاتوره اليوم تلقى بعد ايام عليك 20 دينار
انا حولت فيفا مع الشبكه ضعيفه بس صابر

 

[Winchester SX3]

زين وسوالفها اللي ما تخلص

كنسلت خطوط كانت بإسمي قبل 8 شهور والشه راللي طاف يوم بسدد فاتورة خطي الحالي والوحيد بزين يقولي عليك 5 دنانير بخط ثاني!!!

اقوله انا دافع ومكنسلهم ويقولي ادري بس انت ما سألت الموظف اذا عليك مبلغ معلق!!

يا سلام!

قتله ماني مسدد وارفع شكوى على الموظف اللي كنسل خطوطي
وجوابهم المعتاد ( راجع الفرع )

 

[yasalam]

يا جماعة يمكن الخدم بالبيت مستعملينه ..سواء محلي او دولي..

الدقيقة الدولية مو أقل من 400 فلس
وحنا تلفوناتنا كله مقططة بالبيت

مجرد تخمين

 

[النــاقــد]

والله معاك حق

انا صار لي نفس الشيء وقاعد اكنسل خطوطي واحد ورا الثاني شاسوي الله كريم

والله وبالله واحد من ربعي "فاهم" بالقانون و "باله طويل" راح للفرع ولما شاف فاتورته مو طبيعية طلب كشف بالمكالمات ورفضوا يعطونه الكشف الا بدفع دينارين وانتظار اسبوع او يومين ماني ذاكر المهم حمق صاحبي وقالهم يصير خير وراح المخفر وسجل بلاغ ضدهم !

يومين بس ودقوا عليه مثل ...!@#$ !! وقالوا له "عسى ماشر ليش مشتكي وزعلان ؟"

قالهم:" انتوا حرامية ونصابين ليش ما اتخلون الناس تاخذ كشف مكالماتهم وتعرف اللي لها واللي عليها ؟ "

قالوا " يا اخي الكريم انت كان عندك اشتراك مخفض الدقيقة بـ 23 فلس واحنا لغينا هذا الاشتراك من شهرين وهذا سبب ارتفاع فواتيرك !!"

قالهم: "عيل المصيبة اعظم, اشلون تكنسلون اشتراك وبيني وبينكم عقد مستمر طول ما انا موظف بوزارتي ؟ عيل هذي قضية ثانية عليكم بأرفعها وهي خيانة امانة او تزوير لاني انا ما وقعت على الغاء خطي !!"

قالوا" يا عمي خلاص لا تزعل واحنا راح انراضيك, اي منطقة انت ؟ خلاص روح للفرع وراح تلاقي عرض خاص لك انت بروحك!!! "

راح الفرع وكان العرض كالتالي:

اشتراك ايجو (28 دينار شهريا )لمدة سنة مجانااااااا + 300 دقيقة شهريا مجاناااااااا

قلت لصاحبي "بتخليهم عاد ؟"

قال "يخسون والله بنطر اول فاتورة وبشوف شلون بتصير فاتورتهم"

بعد كم يوم قالي وهو يضحك "يقول جتني فاتورة خفيفة و حلوة و شحليلها كع كع كع "

والله صاحبي قعد يضحك ضحكة المنتصر مسح فيهم الارض ويقول والله ما اخليهم بس انطر اشوي خلني استانس بالايجو !

 

[عبدالعزيز34]

العن خيرهم تونى جاى من الفرع ودفعت دينارين ونص كـــــــــــــــــشف حساااااااااااااااااب والله شي ماينسكت عنه زين اكبر شركة حراميه - والله ماكو مثل فيفا خدمة المسيو عندهم بلاش والمكالمات من فيفا الى فيفا بعد الدقيقه الخامسه بلاش ولهم الفضل بستقبال المكالمات بلاش والخدمه عال العال وفاتورتى والله ماتتعدا العشرين دينار بالشهر ولكن الخسرانه شركة زين الحين اخسررت زبووون منتظم وشهري ادفع اكثر من 150 دينار على 6 اخطوط عندنا 4 اخطوط صبيان المزرعه وخط لسايق وخطى هذول شهريين ادفعهم انا اقل شي 150 دينار والحمدالله اخذت من فرع الكوت 5 خطوط للمزرعه والسايق فيفا مع العلم لما سئلت الموظف بفيفا عن حسبت الدقيقه قال احنا نحسبها بالثانيه اما زين يحسبوون بالدقيقه والله اتكلم من صج انتبهم لهم العن خيرهم دفعونى دينارين ونص لكشــف الحساااااااااااااااااااااااااب ليش ليش هالسرق والله خسررتم

 

[عبدالعزيز34]

نسيت اقول شغله فيفا عندهم ميزه حلوه الاوهى ان تختار رقم تكلمه او يكلمك بلاش

 

[Winchester SX3]

فيفا خدمه كشف الحساب بالانترنت تشوفها وببلاش تشوف كل شي عن التلفون

انا اللي منطرني على زين شي واحد

خدمه فيفا للاستقبال بالاماكن البعيده مو شي
بنطرها تتعدل وأحوك زين بالطوفه

 

[أبوالفهووود]

الحين ياخوان صارت زين حراميه شدعوه عاد ناقصين مطبلين ومهرجين وللعلم فيفا توها شركة جديده يبيلها كم سنه ولا راح توصل مثل زين عموما أنا عن نفسي لي من سنة 1986 وأنا بزين ولا شفت السوالف هذي تصيرمعاي مرتاااح معاهم لأخردرجه لكن أنتبهوا لتلفوناتكم وشوفوها وين بتروح وبيدمنويلعب فيهااا عموما هذا رأي الشخصي بدون تجريح أو شك في احدمن الأخوه والأيام تثبت لكم منوزين ومنو فيفا الله كريييم؟؟؟

 

[استغفر الله]

انا كنت ادفع على خطي زين فوق 100 دينار شهريا والحين على الوطنية ماتجي فاتورتي 40 دينار بالشهر والله فرق

 

[mr1]

قال من أمرك ؟ قال من نهاني ؟

نفس القصة بشكل مختلف !
كان عندي خط أكلم فيه بمعدل من 20 إلى 30 دينار ... بعد أن حصلت على ترقية في العمل ... طلبوا مني في العمل تحويل خطي على حساب وزارتي ، حسب الإجراء المتبع في الوزارة
وقمت بشراء خط وطنية حتى أجعل مكالماتي الخاصة على حسابي وأخصص خطي القديم للشغل ؟ يعني انخفض معدل مكالماتي على خطي القديم إلى أقل من النصف خاصة انها مكالمات محلية فقط
ولكن أتفاجأ بعد كم شهر بأن حسابي الشهري أكثر من 100 دينار ؟؟؟!!!!
صحيح أنا ما أدفعها !! لكن شئ غير منطقي و ما له إلا تفسير واحد !!!!!!
من وين يبون البركة !!!!! لا حول ولا قوة إلا بالله !!!

 

[الأسد11]

يا جماعة كلنا نفس المشكله والحل الوحيد قطع الخط والتحويل الى شركة ثانية
والرجاء عدم استخدام خطوط فواتير نهائيا وخصوصا زين وستبدالها بالتعبئة

 

[ابوحمزه]

افضل شئ التعبئه شركات تعمل باالحيل حصل معي مثل الاخ كاتب الموضوع اشراكي 28 دينار كل شهر مايتعدى هذا المبلغ خفضت الاشتراك الى 14 دينار اصبح تاتيني رسائل منهم شهريا اكثر من ثلاثين دينار كانه عقاب وعملية الاحتيال الاخرى قبل اسبوع وصلتني رساله اجب على السؤل واربح 1000دولار عندما تجيب الرساله الثانيه تقول ربحت 20 نقطه استمر في الاجابات حتى تربح كل رساله 500 فلس يعني 10 رسايل شلون اجب واربح وشلون استمر والرسايل التي تصلك بطرق ملتويه لو يتبنى محامي هذه القضيه قضية نصب واحتيال

بالفعل أفضل شىء التعبئه.

 

[zinger]

السلام عليكم ورحمة الله وبركاته - بدون مقدمات هذا ماحصل معاى مع شركة زيـــن مع العلم معاهم صارلى اكثر من 10 سنين وكل شهر ادفع بنتظام كل شهر ادفع مابين 50 الى 100 دينار المهم بعد مانزلت شركة فيفا يعلم الجميع ان المكالمات من التلفون الارضي اصبح بلالالاش طبعن نزلت الى فئة 9 دنانير شهري والله والله ماستخدم التلفون الا قليل جدا لآنه عندى خط فيفا وقاعد استخدمه اما زين موقاعغد استخدمه الا قليل جدا باليوم مواكثر من 5 دقايق المهم اتصلت تونى الحين وسئل عن الفاتوره قالى الموظف 29دينار و880 فلس مع العلم ماكملت شهر صدمنـــــــــــــــــــــــــــــــــــــــــــــــــــــــــــــــــــــــــــى صدمـــــــــــــــــــــــــــــــــــــــــــــــــــــــــــــــــــــــــــــــــنــــــي انصـــــــــــــــــــــــــح الجميــــــــــــــــــع ان ينتبـــــــــــــهون لــــــــــــشركة زيــــــــــــــــن ونهبهم فلوسهم والله العظيم اتكلم من صـــــــــــــــج انا باجر مكنسل الخط باااااااااااااااااااااااااجر ودااااااااااااااااااعيه يااااااااااااااااااااااااااازين وعساج من اردا الى اردا اصـــــــــــــــــــــــــــــــــــــدمتنى شلووووووووووووووووون 29 دينار و 880 فلس يقولى ادفع دينارين ونص انطلعلك كشـــــــــــــــــــــــــف حراااااااااااااااااااااااااااااااااااااااااااميه

الله يعينك
انا نفسك مقهور منهم
عندي اشتراك النت وقاعدين يلعبون فيني وانا ماعندي سوالف افلام ولا اغاني لكن مجرد براوزنك او تصفح وكل شهر بتاريخ 20 من كل شهر ينزلون السرعه على بسبب اني تجاوزت الحد
والمصيبة ان العقد باجي فيه لي شهر مايو 2010
وان شاء الله احول على فيفا او اي بنغالى عنده خدمة النت ​

 

[lateeye]

والله نفس الشي حصل معاي في التزوير في الفواتير وهي طريقة احتساب المعدل الشهري وكان ذلك واضح (الحرمنه) عندما اغلقت خطي لمدة شهرين واتتني فواتير بنفس المعدل.
وعند مراجعتهم مرار اقروا بالخطا وتم اعادة الفواتير كرصيد.
وهذا دليل قاطع على جشع الشركه واحتسابها المعدل زورا وبهتان
فللنظم حمله لمقاطعة (شين)

 

[نبيه خضر]

مو غريييبه على شركة زين حراميه و فلوسهم حرام و يبوقون الناس و الحكومه بس قاعده تتفرج

 

[عبدالعزيز34]

يقول الخطا ممكن من خدمـــــــــــــــة دردش ؟ اخر شي اكتشفت ان خدمة دردش ماهي الا نـــــــــــــــــــخر بالااخلااق تتصل على رقم وتسولف مع بنـــــــــــــت والدقيقه تحسب بالشي الفلانى مع العلم اول مره اسمع عن هالخدمــــــه وقلتله ماعرفها ولا عمري اتصلت علي الرقم المذكور وبعدين شنو هالخدمه قال هذي خدمة تتعرف على اصدقاء جدد ؟ يقصد تتعرف على بناااااااااااااااااااات جــــــــــــــــــــــــدد خووش خــــــــــــدمه وكم شخص مسكين يستخدم هالخدمه وكم شخص تكلمه عجووز مقيط بهالخـــــــــــــــدمه وكم شخص انحرف من هالخدمه