منو اللى قاعد يشتري فى المخازن أمس واليوم ؟!!!

[بو بندر 2000]

يسعد مساكم ويوفقكم ربي

الكل عارف عن المخازن وقضيتها مع الحكومة الامريكية واللى مفروض يحكم فيها اليوم بعد التاجيل اللى صار وللحين ما احد يدري شنو صار بالمحكمة لغاية انتهاء تداول اليوم الاربعاء.

السوال اللى يفرض نفسة منو اللى قاعد يشتري امس تقريبا 8 مليون واليوم تقريبا 8 مليون اكيد فية جهة هى اللى قاعدة تشتري بس السر اللى ابية شنو وراء هذا الشراء فى الحد الادنى واخبارة متشائمة ؟​

 

[Logiciel]

ممكن تصريييييييييف والله اعلم

 

[صوت الأمه]

الي عنده الخبر اليقين الفلاح والا ليش ساكت والا على ناس وناس

 

[الفارس الذهبي]

مشكور بو بندر على هذا السؤال

واذا فعلاً تصريف ... من هو الذي كاعد يستقبل التصريف

يعني كل يوم 8 مليون ما هي شوي

 

[بو بندر 2000]

ممكن تصريييييييييف والله اعلم

التصريف اللى اعرفة يكون فوق مو بالحد الادنى واخبار السهم زفت منو يشتري

 

[بو بندر 2000]

مشكور بو بندر على هذا السؤال

واذا فعلاً تصريف ... من هو الذي كاعد يستقبل التصريف

يعني كل يوم 8 مليون ما هي شوي

هلا بالفارس

والله شئ محير الا اذا كان الشاري عارف السهم انة بينطلق هاليومين لذلك قاعد يلم لم​

 

[TAHOE]

هذا الشراء ممكن ان يكون تدوير بين محفظتين او اكثر تملكها جهه واحده والتدوير هذا يدخل معهم المغامرين من المضاربين ويتم التصريف عليهم وفي هذه الحاله تخسر هذه المحافظ العموله فقط ويتم التصريف على المضاربين

 

[برق الشرق]

من يتوقعون ارتدادا دراماتيكيا!
يعني من الحد الأدني يرتفع للحد الأعلى
100 فلس دفعة واحدة!
ومبين من حجم الصفقات أنها لصغار المستثمرين بوحدة اووحدتين
أما البيّاع فيقذف بالملايين! مثل ما صار أمس مليون ونص دفعة وحدة!!​

 

[سهمك اخضر]

انا واحد من الناس شريت ب640

والخبر اذا طلع بينزل السهم ويرد

مكانه اجليتي مو هذا سعره صدقني

 

[عبدالله_22]

واللي شاري على 800 شسوي؟
انا قالولي بيوصل دينار وطاح على خشمه

 

[ابو يووسف]

لاتضارب على هذا السهم حاليا لانة كلة مشاكل

 

[سهمك اخضر]

أجيليتي :

أغلق السهم الفجوة التي تحدثنا عنها ، عند 660-670 ، والدعم القادم عند 620-630 ثم 600 ، هل نشتري الآن؟؟ لا ننطر حتى يرتد من أحد هذه الدعوم (طبعا للمضاربة فقط)

 

[المجمعات]

أجيليتي :

أغلق السهم الفجوة التي تحدثنا عنها ، عند 660-670 ، والدعم القادم عند 620-630 ثم 600 ، هل نشتري الآن؟؟ لا ننطر حتى يرتد من أحد هذه الدعوم (طبعا للمضاربة فقط)

هل تأجيل القضيه لصالح اسهم

وتنصحنا على اي سعر ناخذه ودمتم

 

[سهمك اخضر]

هل تأجيل القضيه لصالح اسهم

وتنصحنا على اي سعر ناخذه ودمتم

نعم من صالح السهم

640 اخذه

واجيلتي اتفقوا على التسويه لكن اختلفوا على السعر