الى راتبه على (( بنك التمويل )) يدخل

[rock404]

السلام عليكم

ادري الموضوع وعنوانه اشوي غريب , انا حسابي كان بالاول على بنك التمويل , وبعدين بعد الكلام الى طلع من البنك وغيرها حولت راتبي الى بنك الوطني , والحمدالله مشيت معاهم وخذيت سيارة ومن هالكلام , وبعدين حاولت ارجع راتبي الى (بنك التمويل) ماوافقي على رجعوه قلت لهم ليش ماليش؟؟ قالو لان انته قبل كنت في البنك ومايصير ترد مره ثانية , حاولت يمين يسار لقيت الموضوع معقد ودوخ راسي اشوي ,, نقطة الموضوع شنو الفرق بين البنقييين ؟.؟ بصراحة وامانه ؟؟

وشكرا لكم وسامحوني على القصور

 

[yh7yh]

اخوي افتح حساب توفير عندهم بس لازم تدفع 100 دينار

وبعدين قول حق الموظف عطني تحويل راتب

 

[العاشق]

السلام عليكم

ادري الموضوع وعنوانه اشوي غريب , انا حسابي كان بالاول على بنك التمويل , وبعدين بعد الكلام الى طلع من البنك وغيرها حولت راتبي الى بنك الوطني , والحمدالله مشيت معاهم وخذيت سيارة ومن هالكلام , وبعدين حاولت ارجع راتبي الى (بنك التمويل) ماوافقي على رجعوه قلت لهم ليش ماليش؟؟ قالو لان انته قبل كنت في البنك ومايصير ترد مره ثانية , حاولت يمين يسار لقيت الموضوع معقد ودوخ راسي اشوي ,, نقطة الموضوع شنو الفرق بين البنقييين ؟.؟ بصراحة وامانه ؟؟

وشكرا لكم وسامحوني على القصور

أخوي الفرق بين الحلال والحرام

كلش كلش روح بوبيان​

 

[بونواف]

اخوي الفرق نفس ماقال الاخ انه الحلال وتفتك من البنوك الربويه.. بس للاسف قامو لايهتمون بلعميل ومعاملتهم تعبان جدا كانه يقولك تبي وللا روح حول حسابك..وخدمه الوطني مافي افضل منها كاحترام ونظام بس العيب انها ربويه علشان جذيه صابين على التمويل على ما الله يفرجها وتكثر فوع بوبيان ونحول عليه

 

[rock404]

مشكورين اخواني على المرور نشوف البقية

 

[NICK]

الفرق بين الجنه والنار


واقرا الاحاديث والايات المتعلقه بالربا ...وانت تعرف الفرررق

 

[ابوساره009]

نصيحه لوجه الله أنحاش من البنك الربوى بنك الوطنى

ياخوك طلعنا من الوطنى ورحت للتمويل وأبشرك عينا خير

 

[ياسر الروقي]

انت رجل موظف يعني رجل كبير وتدرك الامور معقوله ما تعرف هالمعلومه
ان بيت التمويل الكويتي بنك اسلامي وبنك الكويت الوطني بنك ربوى
على العموم بو بيان اسلامي والبنك الدولي وحاليآ الشرق الاوسط راح يتحول اسلامي
بالاضافه الى بنك وربه الذي لم يفتتح بعد
والفرق بين البنوك الاسلاميه والبنوك الربويه
كالفرق بين الخبيث والطيب

 

[The BrokenHeart]

ما ادري إذا التمويل يتعامل نفس الشي بس التجاري إذا سكرت حسابك عندهم تقدر ترد تفتح حساب ثاني بس من فرع غير

 

[ريّس نفسه]

الله يجزاهم خير في كونه بنك اسلام بس المشكلة في مسألة الاحتكار

ليش الدولة تسمح بتأسيس بنك اسلامي واحد في الدولة على مدار 25 سنة؟

طبعا في السنوات الاخيرة فقط تم فتح المجال لاكثر من بنك .. لكن تأسيس بنك اسلامي واحد واعطائه صلاحيات بنك وشركة في آن واحد ... مو عدل ولا هو انصاف.

الانصاف في ان تسمح بتأسيس بنك اسلامي آخر -على الاقل- ، وتتركهم يتنافسون في الخدمات لصالح المودعين

مو انصاف ان نفتح بنك اسلامي واحد فقط ونقول اللي يبي الحلال يروح لهالبنك!

وين معايير النجاح في هالقسمة؟؟؟ اذا كان بيت التمويل نجح في تنمية اصوله واستثماراته طوال ال 20 سنة ، فليعلم ان نجاحه ما كان بسبب كفاءاته وخبرات منتسبيه بقدر ما كان متاح له من -احتــكـار- في الوسط المصرفي لصالح .. البعض

 

[ريّس نفسه]

مشاركتي حدها بره الموضوع

 

[rock404]

مشكورين اخواني على الردود الكريمة

 

[بوغمازات]

طبعا الوطني افضل من بيت التمويل بالف مره ,,,,

 

[البرنس111]

عندي اقساط على بيت التمويل
وكل شهر يجي مسج على الموبايل وفيه كم القسط وكم المتبقي
اتحدى اي بنك ربوي ان يرسل لك رساله ويقول كم باقي لك
او حتى لما تروح لهم مايعطونك شي واضح

الحلال الله يبارك فيه
وابتعد عن الحرام والربا

 

[مراقب الاسهم]

عندي اقساط على بيت التمويل
وكل شهر يجي مسج على الموبايل وفيه كم القسط وكم المتبقي
اتحدى اي بنك ربوي ان يرسل لك رساله ويقول كم باقي لك
او حتى لما تروح لهم مايعطونك شي واضح
الحلال الله يبارك فيه
وابتعد عن الحرام والربا

الله عليك جبتها على الجرح
والله اني اشعر بالغبطه (((الغبطه مالت مطاوعه ترا مو الحسد :d)))


شهر 4\2010 ادفع آخر قسط في ببنكي الربوي
وان شاء الله اني تائب ومعاش شهر 5 باذن الله بينزل في بنك اسلامي والارجح بيت التمويل

ادعولي