معبوج أح ومعبوج آي للبيع

الموضوع في 'إعلانات المواد الغذائيه' بواسطة q8designer, بتاريخ ‏31 ديسمبر 2009.

حالة الموضوع:
مغلق
  1. q8designer

    q8designer عضو جديد

    التسجيل:
    ‏9 مايو 2009
    المشاركات:
    363
    عدد الإعجابات:
    0
    [​IMG]



    قصة المعبوج

    عباس رجل شايب ملحق على رحلات التجاره من ديره لي ديره يوم بزنجبار
    ويوم بجزر القمر يقول انه وصل لي مثلث برمودا وطاف من عنده من صغره واهو هاوي شغلتين الطباخ والسفر وصاحب عباس حجي مرزوق تاجر دايم يقول حق حجي عباس بعد كل رده من السفر شنو الطبخه اللي يايبها لي كان ذويق بشكل عجيب وعباس ما يقصر مع صاحبه يوم يايبله الهريس ويوم يايبه المموش ومجبوس الدياي واللحم بس كان في شغله دايم يتحلطم عليها حجي مرزوق كان ياكل ويقول يا عباس طباخك ناطع بس ناقصه التشلوط وعباس يقوله شلون ما في حروره وابهاراتي هنديه وعلوبي تايلندي ويرد عليه مرزوق تسلم ايدك بس حاول تزود الحراره عباس احتار باللي ناقص وقال لازم اوقف كل واحد يعلق على الطباخ بضيف على الطبخه الخلطه اللي تعطي للطبخ خنه وترضي كل واحد ياكلها .....قعد يفكر وسرح بافكاره تذكر الفاو كان في شايب اسمه حجي كاظم عايش مع بنته كوثر عندهم مطعم يطبخون فيه سمجه اسمها بني وعندهم طريقه خاصه بالطباخ يوقفون السمجه مبطلين بطنها ومره داهنينها بتمر ومره داهنينها ببهاراتهم وكانت حاره وموجهه للنار المولع بسعف النخل ولع السراي اللي فوق راس حجي عباس وقال بروح الفاو عقلها وتوكل وراح لاول محمل وصل للفاو وقعد بالمطعم ياله كاظم وقاله اطلب شتريد طلب المسقوف الحار وطلب طلب ثاني قال يا حجي كاظم ابي اتزوج بنتك على سنة الله ورسوله
    وتزوجها وجمع مهاراتهم الفلفل الحار التايلندي مع الخلطه الثوميه وطلع الصلصه اليديده وسماها معبوج أح وطبعا او ل المتذوقين حجي مرزوق .......... راح فيها
    ترقبوا الجزء الثاني انتقام حجي مرزوق

    [​IMG]


    قصة حجي مرزوق
    أحح حجي مرزوق تشلوط بس عبالكم التشلوط ياب راس مرزوق لا يبه لا هذا بورزيقه التاجر وكل تاجر كرشته تمشي قبله أير باق ضد الصدمات صار كل يوم يطلب من عباسو المعبوج ويقوله هل من مزيد ...... بيوم كان الغدا مطبق زبيدي ايام ما كان الزبيدي راهي ورخيص الحين الكيلو بـ 7دك جرب صوب جرام الذهب ويم الزبيدي سلة الخضره الجرجير والرويد والفجل والبصل وعلى السفره المعبوج شنو ...مصيبه المعبوج طلع فيه شوي يا دوب لقمتين ويخلص
    حالت استنفار حجي مرزوق قام ينفخ يصارخ يقول حق ولده تروح حق عمك عباس وتقوله ابي 5 علب من المعبوج وبعد قليل رجع الولد ومعاه البشاره يبه عمي عطاني العلب بس ترا عمي مريض تعومس ولبس بشته وراح حق عباس قاله اجر وعافيه شفيك قاله لا بس شويت برد قاله يا عباس خرعتنا خل الحق على الزبيدي بعد الغدا ومع استكانت الشا ي المخدر بوحر بافكاره مرزوق وقال اذا خلص المعبوج مره ثانيه وعباسو مو موجود شلون بتغدى اييييييييييه لقيتها ويروح حق عباس قاله لك عندي بشاره بس ابي موافقتك قاله شنو قال قول تم عباس على البركه ما يرد اخوه قاله تم قاله الشركه بركه يا خوي وانا قررت باجر نسافر ونروح حق الخبراء عشان نفتح المصنع يرد عليه عباس اي مصنع قاله امش معاي ومالك شغل وتوكلوا على الله وراحوا حق الخبير الهندي كومار وتم الاتفاق على انتاج سلسله من المعابيج الكويتيه والانطلاقه كانت من أحح ويليه المنتج اليديد آي خلطات معبوج كويتيه وخبير هندي كومار وما ننسى الخبير الاسباني المشرف على الاجهزه فيلا دو برجور كاتلونيا .... تمت بحمد الله
    العرض 4 علب 2 معبوج أحح و 2 معبوج آي بــ 4 دك
    اللي يبي حبه 1.750

    حطلي رقم تلفونك واميلك وقول الكلمه الشهيره شلوطني يا علاو

    او دزلي مسج وهم قول الكلمه الشهيره عشان اعرفك 55588025
     
  2. بدر 2009

    بدر 2009 عضو جديد

    التسجيل:
    ‏19 يوليو 2009
    المشاركات:
    89
    عدد الإعجابات:
    1
    اختصار وايد اشوف احسن
     
  3. q8designer

    q8designer عضو جديد

    التسجيل:
    ‏9 مايو 2009
    المشاركات:
    363
    عدد الإعجابات:
    0
    حياك الله اخوي بدر
     
  4. أبو عبد الرحمن

    أبو عبد الرحمن عضو نشط

    التسجيل:
    ‏21 مايو 2004
    المشاركات:
    413
    عدد الإعجابات:
    0
    مكان الإقامة:
    الكويت
    ههههه

    والله دمك خفيف أخوي وبسراحة هالقصة شوقتني أذوق المعبوج ، ما شاء الله عليك هالأسلوب دعاية واعلان

    إن شاء الله قريب اتصل عليك بطلب منك وبإذن الله ما أنسى كلمت السر ( شلوطني ) هههههههه ، والله إنك عبقري
     
  5. q8designer

    q8designer عضو جديد

    التسجيل:
    ‏9 مايو 2009
    المشاركات:
    363
    عدد الإعجابات:
    0
    مشكور بو عبدالرحمن على الرد الطيب
    مثل ما تفضلت بو عبدالرحمن الهدف من قصة المعبوج دعايه واعلان ورصيد اضيفه لاعلاناتي
    انشالله بيوم راح انزل اعلان بتخصص التسويق والتصميم والهدف منهم بغرض اني اوصل صوره
    لكل شخص يبي يتاجر اهمية الدعايه ومو اي واحد يسويلك الدعايه ولكم جزيل الشكر والاحترام كلامك وسام على الصدر يشرح القلب
     
  6. q8designer

    q8designer عضو جديد

    التسجيل:
    ‏9 مايو 2009
    المشاركات:
    363
    عدد الإعجابات:
    0
    بسم الله الرحمن الرحيم نرفع الموضوع
     
  7. الشقرددي

    الشقرددي عضو جديد

    التسجيل:
    ‏5 مارس 2008
    المشاركات:
    163
    عدد الإعجابات:
    0
    وتستاهل من يرفع موضوعك

    وتأخرت كثير في تكملة القصه:)
     
  8. sound blaster

    sound blaster عضو نشط

    التسجيل:
    ‏13 ابريل 2007
    المشاركات:
    1,004
    عدد الإعجابات:
    3
    مكان الإقامة:
    الكويت
    عشان هل قصه بطلب منك 2 معبوج اي وثنين معبوج اح هههه

    وراح اكتب راي بالموضوع لكل الأعضاء ..

    راح اطرش لك مسج وأبيهم على الاحد او الاثنين
     
  9. sound blaster

    sound blaster عضو نشط

    التسجيل:
    ‏13 ابريل 2007
    المشاركات:
    1,004
    عدد الإعجابات:
    3
    مكان الإقامة:
    الكويت
    متى ينتهي المعبوج؟ يعني تاريخ الانتهاء ياعلاوو
     
  10. sound blaster

    sound blaster عضو نشط

    التسجيل:
    ‏13 ابريل 2007
    المشاركات:
    1,004
    عدد الإعجابات:
    3
    مكان الإقامة:
    الكويت
    طرشت مسج ولم يصل اي رد
     
  11. sound blaster

    sound blaster عضو نشط

    التسجيل:
    ‏13 ابريل 2007
    المشاركات:
    1,004
    عدد الإعجابات:
    3
    مكان الإقامة:
    الكويت
    وين راعي المعبووووووووج .. بو علوا شكله خارج التغطيه ههههههههههههه

    طرشت مسج وطاف

    الي يلقاه يبلغني
     
  12. أبو عبد الرحمن

    أبو عبد الرحمن عضو نشط

    التسجيل:
    ‏21 مايو 2004
    المشاركات:
    413
    عدد الإعجابات:
    0
    مكان الإقامة:
    الكويت
    الغايب عذره معاه :)
     
  13. sound blaster

    sound blaster عضو نشط

    التسجيل:
    ‏13 ابريل 2007
    المشاركات:
    1,004
    عدد الإعجابات:
    3
    مكان الإقامة:
    الكويت
    الله يرده بالسلامه
     
  14. q8designer

    q8designer عضو جديد

    التسجيل:
    ‏9 مايو 2009
    المشاركات:
    363
    عدد الإعجابات:
    0
    سامحوني على التاخير مشكورين على الردود الطيبه وصج كانت عندي ظروف صعبه ورادلكم يا الطيبين شباب يا ليت كل واحد طلب يدزلي مسج على الخاص رقم تلفونه
     
حالة الموضوع:
مغلق