شنو قصة العقار العروض كبيرة ولا من شراية

[ezee]

السلام عليكم ورحمة الله وبركاتة

شنو القصة يا اخوان العقار العروض كثيرة ولا فية شراية

الموضوع اما ما فى سيولة ولا نزول حقيقى فى العقار

قبل 4 اشهر ما نحصل اى بيت او قسيمة الا بالتفق لا وغالية وما تتطوف

واللحين العروض كثيرة والناس تدلل وتختار وما تعجبها هالاسعار

وكل يوم عن يوم العروض فى ازدياد والطلبات قليلة لا تكاد تذكر​

 

[zidantheking]

يستاهلون الطماعين

علشان ما يبعون اراضي على 500 الف

وهي ما تسوه الف 200 !

 

[خسران جداً]

500 و200؟؟ شقصتك انت يا اخر واحد معلق على الموضوع؟
الاراضي سعرها العادل 50-70 واذا موقع حده قوي و500 متر 80 كحد اقصى. اما الاسعار الحاليه مبالغ فيها جداً

 

[محب جوجل]

مو 200الف ولا 80 الف الحسبه تقول أن سعر الارض هو نصف قيمت البنيان المعتدل
يعني دورين تشطبه ب 70 ألف الارض 35 ألف
أو 60ألف الارض 30 الف
وأنت ماشي على هذا المنوال
يشباب سعر الاراضي مبالغ فيه في الكويت حيلللللللللللللللللللللل​

 

[zidantheking]

انا اقصد محافظة العاصمة و حولي

ترى في ناس صار لهم اكثر من 20 سنة ايمعون (20 سنة صابر تبيه يفطر على مناطق اخر الدنية مع احترامي لسكان هذي المناطق بس ما يصير )

 

[ياسر الروقي]

المناطق اللي اخر الدنيا والديره كلها ابعد منطقه فيها 40 كيلو
وراح يجي الدور اللي الناس راح تهرب من العاصمه وزحمتها
بالذات حولي امه داعيه عليه اللي يروح لها حزة المغرب هههههه

 

[zidantheking]

40 كيلو

تفرق لما شغلك بلديرة

لما عيالك يدرسون اب مدرسة بعيده عن دوامك

يعني الابو يقط ولده المدرسة بلجابرية مثلا

الساعة 7

بعدين يطق درب ليه الديرة يوصل بعد ساعتين

 

[الوطن الاهم]

شباب والله النزول راح يصير بس شوى الصبر الحين الشراى عزيز يدورونه المكاتب.

 

[KUWAITFAHAD]

حسبي الله ونعم الوكيل على مكاتب العقار اهمه الي قام يسووون فيها جذيه - وانشالله الله ينتقم منهم - ويحلصنا من المصريين والسوريين الي في مكاتب العقار

 

[الوطن الاهم]

حسبي الله ونعم الوكيل على مكاتب العقار اهمه الي قام يسووون فيها جذيه - وانشالله الله ينتقم منهم - ويحلصنا من المصريين والسوريين الي في مكاتب العقار

الحين الوضع غير اخوى . وان شاء الله النزول قادم

 

[ورق خسران]

شباب انا ما راح اشتري الا لما اشوف العقار رجع نفس قبل كان البيت في بيان قسايم وعلى الشارع الرئيسي وبطن وظهر 750 متر والله العظيم ب 185الف مبني دورين ونصف وسرداب هذا الكلام بالضبط بسنة 2004 ان شاء الله ترجع هالايام

 

[fuphcr]

شباب انا ما راح اشتري الا لما اشوف العقار رجع نفس قبل كان البيت في بيان قسايم وعلى الشارع الرئيسي وبطن وظهر 750 متر والله العظيم ب 185الف مبني دورين ونصف وسرداب هذا الكلام بالضبط بسنة 2004 ان شاء الله ترجع هالايام

لا تصير طماع عاد لا حصلك ب200 الف لا تطوف

 

[general_q8]

والله ياأخوان أذوني المكاتب ألي قبل يالله يرد عليك والله ما قمت أرد عليهم قامو يغيرون بالأسعار للنزول

 

[لؤلؤة الخيران]

وين العروض؟!

 

[ورق خسران]

لا تصير طماع عاد لا حصلك ب200 الف لا تطوف

والله ب250 اشتريه بعد

 

[بودانة]

ما يصح الا الصحيح وكثرة العروض بوادر تصحيح سعر العقار فى نزوووول

 

[كنز المعرفه]

العروض في كل مكتب بالدفاتر وشكثرها
وبسانهم وخصوصا المصريين إن اغلب العروض اصاحبها شويه طماعين يبون أسعار قبل سنتين !!

ولما تسأل عن القوة الشرائيه يقوله " مافيش " طلبات شراء كل اللي يدور بيت وشاري يبي من 150 ألف وتحت


يعني نفس عروض الأسهم الشاري تحت وناطر والبياع فوق وكميات العرض كبيرة ولكن من يقط البياع الكبير راح ينهمر البيع على أسعار الطلب


ونرجع للأسعار القديمة .​

 

[الوطن الاهم]

والله ياأخوان أذوني المكاتب ألي قبل يالله يرد عليك والله ما قمت أرد عليهم قامو يغيرون بالأسعار للنزول

وهذا اللى صاير الحيييييييييييييين كثرت العرض فى كل المكاتب.

 

[بودانة]

انا ودى افهم ليش كل ما ادق على مكتب يطلعلى مصرى او ايرانى