أبي نصيحة وتوجيه منكم الله يحفظكم

[أبو عبد الرحمن]

السلام عليكم ورحمة الله وبركاته

أنا عندي مبلغ تقريبا 3000 دينار وأبي أصير مضارب فهل تنصحوني إني أدخل السوق في هالوقت ولا لأ وشنو الأسهم إلي متوافقة مع الشريعة الإسلامية

بسراحة يا أخوان أنا عندي ربع داشين السوق من زمان بس للأسف كل ما سألتهم يقولون إنحش عن السوق .... ما صارت وهم ما شاء الله شغالين يشترون ويبيعون ، صج كلامهم إنه في بعض الأسهم خسارة بس ما يصير أكيد في بعض الأسهم فيها ربح بإذن الله

علشان جذي أنا وجهت لكم السؤال وأبي النصيحة والله يجزاكم خير

فهل تنصحون بدخول السوق الآن وأي الأسهم الشرعية تنصحون بها​

 

[TAHOE]

اخوي بو عبدالرحمن نصيحه من اخو اذا كنت تبي تضارب فلا تدخل السوق حتى تقرأ وتتعلم فنون المضاربه والفر والكر ووقف الخساره ,, اما انك تدخل على توصيات مالها اساس من الصحه والمصداقيه فالافضل انك تمسك عليك نقودك وتتمتع بها انت وعيالك واترك عنك السوق حتى يعطي اشاره لدخول المستثمر وجمع قواك وادخل على اسهم منتقاة يكون الاستثمار بها مربح باذن الله ,, هذا برأيي والقرار قرارك

 

[أبو عبد الرحمن]

جزاك الله خير أخوي تاهو والله يعطيك العافية

طيب ما فيه اسهم متوقع لها الخير بإذن الله أقط أفلوسي فيها ، أحسن من ما إنها تروح بالمصاريف ، ولو إني أعلم إنها فيها ربح وخسارة وأنا متقبل الإثنين ، على الأقل أكون سويت شي ومو كل ساعة ألوم نفسي ليتني دشيت ومن هالكلام ..

عموما نصيحتك مقبولة وبتابع معاكم وأحاول أتعلم والله كريم

مشكور أخوي تاهو

 

[بني تميم]

مضارب ما اعرف شركات اما استثماري اعرف وهم


هم
كتبت هنا استثمار طويل وهي لكن لاينصح الدخول عليها الا وقت توزيع الارباح او عندما يتفصخ السهم
http://www.indexsignal.com/vb/showthread.php?t=167148

الاخر وهو بنك بوبيان استثماري
http://www.indexsignal.com/vb/showthread.php?t=194047

 

[أبو عبد الرحمن]

مشكور وما قصرت أخوي بني تميم
جزاك الله خير

 

[علي يحيي]

جمع لك بنك بوبيان على 500 فلس بالكسور لمن تكملهم 10 الاف سهم واسكت يالله روح نام

 

[q8_king1]

500 فلس وايد علية لا احسن سعر 450 فلس وتحت وحتمال ينزل بعد

 

[أبو عبد الرحمن]

500 فلس وايد علية لا احسن سعر 450 فلس وتحت وحتمال ينزل بعد

مشكور على النصيحة يالكنج ما قصرت

 

[مفتاح]

اخوي بو عبدالرحمن نصيحه من اخو اذا كنت تبي تضارب فلا تدخل السوق حتى تقرأ وتتعلم فنون المضاربه والفر والكر ووقف الخساره ,, اما انك تدخل على توصيات مالها اساس من الصحه والمصداقيه فالافضل انك تمسك عليك نقودك وتتمتع بها انت وعيالك واترك عنك السوق حتى يعطي اشاره لدخول المستثمر وجمع قواك وادخل على اسهم منتقاة يكون الاستثمار بها مربح باذن الله ,, هذا برأيي والقرار قرارك

أبو عبدارحمن الأخ تاهو قال نصيحة وعلمتها لك باللون الأحمر .... ياخوك والله البورصة حرب شوارع لازم تتسلح بأحدث الأسلحة وهي العلم والقراءة
أما بتدخل عمياني هذا أنتحار