i fone 3 G S 32 GB

الموضوع في 'إعلانات الهواتف والأرقام' بواسطة فودري, بتاريخ ‏3 يناير 2010.

حالة الموضوع:
مغلق
  1. فودري

    فودري عضو نشط

    التسجيل:
    ‏12 أكتوبر 2008
    المشاركات:
    610
    عدد الإعجابات:
    0
    مكان الإقامة:
    الكويت



    السلام عليكم


    بخصوص الآيفون


    ياريت اتفيدوني بمواصفاته وسعره ومن وين اخذها وشنو الاصدارات الطبيه

    لاني بصراحه ماعرف له ولا ادري عن اسعاره الي كل يوم تتغير من مكان لي مكان


    فيدوني الله يجزاكم خير
     
  2. فودري

    فودري عضو نشط

    التسجيل:
    ‏12 أكتوبر 2008
    المشاركات:
    610
    عدد الإعجابات:
    0
    مكان الإقامة:
    الكويت
    اللـــــــــــــــــه !!! 16 واحد دشوا شافوا الموضوع ولا واحد فيهم علق ولا فادني بشي ؟!؟!؟!؟!؟
     
  3. ابو عيسى

    ابو عيسى عضو نشط

    التسجيل:
    ‏6 يوليو 2004
    المشاركات:
    975
    عدد الإعجابات:
    0
    مكان الإقامة:
    عريفجان
    من ناحيتي دشيت وبرد عليك

    ماعرف :) وانا ادور نفسك وموضوعك بيفيدني بالردود

    ومايقصرون الشباب
     
  4. a7mdany

    a7mdany عضو جديد

    التسجيل:
    ‏30 ديسمبر 2009
    المشاركات:
    62
    عدد الإعجابات:
    0
    مكان الإقامة:
    فديتج ياكويت
    السلام عليكم

    شباب الاي فون من شركة ابل

    الجهاز يجي بدون كفالة

    يعني تقدر تستخدمه للنت

    يجي منه لونين الاسود والابيض

    طبعا انا بكلمكم عن اخر نوعين

    اخر نوع 3gs الذاكره 32 قيقه والنوع اللي قبله 3g الذاكرة 16 قيقة

    بس قبل لاتشترونهم لازم يكونون مبطلين من الشركه يعني يشتغل على طول ( تأكدوا من هالشغله ظروريه )

    وفي موضوع لاحد الاعضاء يقول اخر دفعه مايمدحونها ماني متاكد من الموضوع لو تتأكدون من صاحب الموضوع افضل

    وينباعون بيوريكا والغانم والمحلات الكبيره

    لو تروحون وتقارنون الاسعار انتوا بنفسكم افضل

    انا قبل فترة رحت الغانم ولقيت اخر واحد نزل ب290

    ويقولون بيوريكا اخر واحد ب 250 واللي قبله ب225 بس طبعا عرض مو سعره على طول


    سامحوني اذا في شي ناقص والاخوان مايقصرون

     
  5. kwaity1978

    kwaity1978 عضو نشط

    التسجيل:
    ‏8 يناير 2008
    المشاركات:
    1,109
    عدد الإعجابات:
    1
    مواصفاته دش شركه ابل بتحصلها
    نزل منه 3 انواع
    الاول
    2g = ومنه 3 انواع 4 قيقا و 8 قيقا و 16 قيقا وياتي بخلفيه رماديه مع اسود
    3g = ومنه 8 قيقا و16 قيقا وياتي باللون الابيض والاسود
    3gs = ومنه ياتي 16 و 32 قيقا وياتي باللون الابيض والاسود

    الاختلاف فقط بالشكل والحجم ونوع البروسيسر الاحدث هو الاقوى من نوع البروسيسر
    بالنسبه لنوعيه البرامج يعمل على البرامج جميعا بنفس التطوير
    التطوير متوفر من ال اي تونز وهو برنامج تشغيل ال اي فون على الكمبيوتر ويجب حين شراء التلفون ربطه ببرنامج ال اي تونز لاستخدام التلفون

    الاحدث يتوفر فيه اللغه العربيه من الشركه كذلك الكيبورد العربيه بالشاشه اللمس
    الاحدث ايضا يكون بشاشه لمس مضاده لطبعات الاصابع والخدش

    بالتوفيق للجميع
     
  6. فودري

    فودري عضو نشط

    التسجيل:
    ‏12 أكتوبر 2008
    المشاركات:
    610
    عدد الإعجابات:
    0
    مكان الإقامة:
    الكويت
    مممممم الله يرحم والديكم ماقصرتوا ...
    الحين شنو سالفة الجلبريك وانك اذا طفيته برامجه تنمسح ومادري شنو !!!
    واذا شريته طبعا بيكون فاضي . من وين اترسه برامج ! يعني اقدر اروح مثلا محلات شرق والغمه برامج كثر ما أبي بدون الخوف انه ينقفل او تنمسح هالبرامج ؟؟؟
     
  7. kwaity1978

    kwaity1978 عضو نشط

    التسجيل:
    ‏8 يناير 2008
    المشاركات:
    1,109
    عدد الإعجابات:
    1
    الجل بريك مسوينه الهاكرز عشان ينفتح قفل التلفون وتقدر تستخدمه لجميع الشبكات ايضا مسوينه عشان تقدر تنزل عليه برامج مهكره نعم اهيا بفلوس بس مسوينها الهاكرز ببلاش
    وعشان ال اي فون عليه حمايه من هل البرامج ف مسوين الجل بريك يكسر الحمايه وتقدر تشغل البرامج المهكره
    اذا شريته جديد نعم بيكون فاضي ما في الا برامج اساسيه وفي طريقتين تترسه برامج
    1- اما عن طريق ال اي تونز وبرنامج للابل فيه برامج مجانيه وفيه برامج بفلوس
    2- او عن طريق برنامج اسمه السيديا ولازم الجل بريك والبرامج هذي ينزلها ناس ومحلات بالكويت وفي منهم المهندس او الصراف او اكس بي الخ ومقابل مبالغ تقريبا 10 دنانير ينزلك 200 لعبه

    *********************************
    المشكلتين الحاليه الموجوده بال اي فون
    1- ان ينمسحون البرامج بسبب ان الجهاز يهنق وهذا بسبب فنيون اي فون حاطين فيه برنامج حمايه او شي جذي اذا نزلت برنامج مو اصلي يبدأ يهنق او يطفي وتحتاج انك تسوي الجل بريك مره ثانيه ! وترد تحط له البرامج مره ثانيه !
    2- المشكله الثانيه حتى لو لاغي اشتراك الانترنت فأن يحسب عليك داتا وهذا على حسب فنيون زين وردهم ان لا يمكن التحكم بقدرات التلفونات الذكيه خاصتا ال اي فونوذلك بسبب ان ال اي فون يقوم بتحديث نفسه اتوماتيكيا ف اذا عندك اي فون خذ بالك من هل النقطه ممكن يحسب عليك مبالغ بالمئات من الدنانير


    طبعا الجهاز محد يقدر يكفلك المشاكل او البرامج الي تنمسح فيه واحد اكبر المشاكل الي فيه ان اكسسواراته غاليه ومن غير السماعه الاصليه مشكله واذا اختربت التجاريه صوتها مو شي وتحتاج الاصليه قيمتها 16 دينا وتقريبا انا كنت اشتريها شهريا كما ان استحماله للسقوط والضربات اقل من باقي التلفونات لازم تحترم هل الجهاز وتدير بالك عليه :) خاصتا ان فتحه وتصليحه بيشوه الجهاز

    من عيوبه
    1- بلوتوث عقيم نوعا ما
    2- لايوجد مدخل لبطاقه الذاكره
    3- بطاريه مدمجه لايمكن تبديلها بسهوله


    نصيحه الجهاز ممتاز 100% لكن لازم تكون حريص ان يكون عندك اشتراك انترنت وشاحن سياره 24 ساعه ولازم تتعود على السماعات من غيرهم استهلاك البطاريات يزيد وتتحمل ما اييك مقابل التكنلوجيا الكبيره الموجوده بهذا الجهاز الملتي ميديا

    بالتوفيق
     
  8. فودري

    فودري عضو نشط

    التسجيل:
    ‏12 أكتوبر 2008
    المشاركات:
    610
    عدد الإعجابات:
    0
    مكان الإقامة:
    الكويت
    kwaity1978 كفييييييت ووفيييييت والله يرحم والديك على عالمعلومات الكبيره الي انشالله استفيد منها ويستفيد غيري منها ... ماقصرت ياخوي
     
حالة الموضوع:
مغلق