نزول السوق سببه صناعه بسبب اسقاط الفوائد حسب كلام المحلل الصقر

[راعي البويضة]

والله انهم حسودين يقول مو راضية المصارف وشركات الاستثمار بسقوط الفوائد وجلسة باجر مفصلية للسوق حسب كلامة

 

[هاربر2]

اسقاط الفوائد راح يأثر على قطاع البنوك بشكل كبير مما يسبب خساره كبيره للبنوك ومنها انهيار الاقتصاد انشاءالله ما يمر هذا القانون

 

[Q8 Stock]

مادري وين شايفك يالحبيب
مشبه عليك..!!!

 

[مضارب بورصوي]

انشالله تطيح الفوائد ويفتكون صغار المستثمرين والناس الي متوهقه بالفوائد خلو الحيتان الي يبون قانونهم مايمشي كل هذا حسد فيهم يبون كل شي لهم

 

[9hbhb9]

اسقاط الفوائد راح يأثر على قطاع البنوك بشكل كبير مما يسبب خساره كبيره للبنوك ومنها انهيار الاقتصاد انشاءالله ما يمر هذا القانون

البنوك راح تاخذ فلوسها من المدين شلون خساره ؟
وانهيار الاقتصاد ليش ينهار ودخل الدوله 96% من النفط والباقي رسوم وخدمات وضريبه من الشركات الغير وطنيه
وين الانهيار لوسمحت؟؟؟؟؟

 

[مفتاح]

بخصوص أسقاط الفوائد

حسب متابعتي للموضوع ... هناك سببين اهم أساس الأختلاف
1- الناحية الشرعية : القانون يسقط الفوائد على البنوك الربوية فقط ولايشمل البنوك الأسلامية لأنها تأخذ المرابحه بالأول
2- العدل والمسواه : وينشق لقمسين
أ- العدل والمساواه بين المقترض والغير مقترض
ب- العدل بين المقترضين واحد مقترض ألف وواحد مقترض خمسين ألف

 

[سهمك اخضر]

البنوك راح تاخذ فلوسها من المدين شلون خساره ؟
وانهيار الاقتصاد ليش ينهار ودخل الدوله 96% من النفط والباقي رسوم وخدمات وضريبه من الشركات الغير وطنيه
وين الانهيار لوسمحت؟؟؟؟؟

كلام سليم بصراحه

 

[هاربر2]

بخصوص أسقاط الفوائد

حسب متابعتي للموضوع ... هناك سببين اهم أساس الأختلاف
1- الناحية الشرعية : القانون يسقط الفوائد على البنوك الربوية فقط ولايشمل البنوك الأسلامية لأنها تأخذ المرابحه بالأول
2- العدل والمسواه : وينشق لقمسين
أ- العدل والمساواه بين المقترض والغير مقترض
ب- العدل بين المقترضين واحد مقترض ألف وواحد مقترض خمسين ألف

كلام سليم بس البنوك الاسلاميه الخدعه الكبرى المرابحه ولا كلها نفس الشي وانت اعلم مني بذالك يا اخوي

 

[مراسل الاقتصادي]

والله انهم حسودين يقول مو راضية المصارف وشركات الاستثمار بسقوط الفوائد وجلسة باجر مفصلية للسوق حسب كلامة

انا ما سمعته يقول هالكلام
بس ان قاله فهو ما يدرى وين الله قاطه

السوق نزل الى اقل من 6400 وماكان فى قانون قروض والنزول اليوم كان بسبب الاقفالات الوهميه للجلسه الاخيره

والسبب الحقيقيى فى نزول السوق اليوم وفى الايام القادمه
هى الشركات الورقيه والنصب والاحتيال ممن كنا نعتقدهم ناس محترمين والاعلام الفاسد الى خدع الناس بهالشركات

 

[ali kh]

اسقاط الفوائد راح يأثر على قطاع البنوك بشكل كبير مما يسبب خساره كبيره للبنوك ومنها انهيار الاقتصاد انشاءالله ما يمر هذا القانون

استاذي العزيز..عندك خبر ان البنوك عندهم ودايع من الحكومه تقدر ب8ألي15مليار علي 15سنه .السؤال شلون راح يتأثرون البنوك وحنا طول عمرنا ندفع فوايد والقرض مكانك راوح وين تروح هالفوائد ...ابي اعرف شلون راح تتاثر ؟؟؟؟؟؟؟؟؟؟...

 

[انوفستي]

البنوك راح تاخذ فلوسها من المدين شلون خساره ؟
وانهيار الاقتصاد ليش ينهار ودخل الدوله 96% من النفط والباقي رسوم وخدمات وضريبه من الشركات الغير وطنيه
وين الانهيار لوسمحت؟؟؟؟؟

انت قولنا وين الربح للبنوك
وبعدين النفط شكو البنوك تبيع نفط ولا قروض وتمويل اسلامي
يعني لو اقروا القانون الاضحوكة هذا ابشر باول مشكله بورصوية في 2010