اللى يطلع من السوق خسران

حقائق

عضو محترف
التسجيل
4 يوليو 2008
المشاركات
3,778
اللي يطلع من السوق خسران.. و اللي يدخل السوق خسران

معادلة صعبه, وينك يا آينشتاين؟!​
 

TAHOE

عضو مميز
التسجيل
7 يوليو 2008
المشاركات
4,260

بوسعود

عضو مميز
التسجيل
24 ديسمبر 2009
المشاركات
2,024
الإقامة
الكويت
حبيت اعلق على سالفة البورصه اليوم عقب خبر البلاغ الكاذب اول شئ اللهم اجعل هذا البلد آمناً واحفظ شعبه بأميره وقائد مسيرته بالاول تسربت عبر الموبايل المسجات تقول حريق وطبعاً مو صحيح هالخبر على شان ربعنا السباقين بتزهيب الدوا قبل الفلعه كالعاده وعقب تبين انه اتصال عن وجود قنبله اعتقد والله اعلم بأن اللى بلغ عن وجود هالقنبله هو واحد من رواد البورصه يمكن خسر وفقد سيطرته على مخه وحب ينتقم والدليل انه نطر لما سكر السوق يعنى بالعربى هالشغله مالها علاقه بالارهاب ولا كان بلغ والناس اتداول بالبورصه وجان صارت علوم الناس للى فيها مكفيها اللى شايب متقاعد وعلى طريف ياقلب يا ضغط وسكر الخ بس انا درى الحين اللى بلغ عاظ اصابع الندم لأن هالشئ مايمس البورصه وحدها لكن بالنهايه وين بيروح مصيره مو يصيدونه ان شاء الله هو اللى يبلغ عن نفسه ويتسكر الموضوع .
 

بوسعود

عضو مميز
التسجيل
24 ديسمبر 2009
المشاركات
2,024
الإقامة
الكويت
اول شئ الحمد لله ان البورصه افتحت اليوم للتداول ولو انها محمره من جنى الارباح والضغط على بعض الاسهم للتجميع وخاصة الاسهم الرخيصه او اميه وابو خمسين وتحت والملاحظ اليوم شئ غريب ان الؤشر ماقلص النول بالثوانى الاخيره كالعاده وهذا يدل على نزول البنوك كامله متضامنه بعالشئ لسبب والله اعلم تسريب الاعلانات لكبار الملاك وانا اقول هالسنه البنوك الله يعينها على ليش عانت من ثلاث انكشافات وابدى بالصغيره مثل لمجموعه سعد والقصيبى وبعض شركات الكويت وهم ازمة دبى وماخفى اعظم لكن اللى اشوفه السوق بيرتد الى 7500 اذا استمر على هالنمط يعنى من بدايه الاسبوع اللى طاف الى نهاية الاعلانات فى 15/2/2010 واللع اعلم وهم لاتنسون بعض الشركات تبى تحفظ ماى ويها بتلميع سهمها من اعلاتها بنتايح ربح ولو بالقليل وهى خسرانه وانا برايى هى فرصه للتبريد والمضاربه بحذر والصدمه راح تكون هالسنه ماكو توزيعات للشركات بنسبة 85 بالميه ولو اعلنو عن ارباح .
 

بوسعود

عضو مميز
التسجيل
24 ديسمبر 2009
المشاركات
2,024
الإقامة
الكويت
اليوم السوق شكله نازل بضغط متعند من صناعه وتعتقد لسبب فشل اكتمال نصاب جلسه امس مالت التنميه وبعدين ترى مالها تأثير بنضرى لكن ربعنا حنو لأخبار الازمات من عقب ازمة دبى ولو بأخبار صعيرونه كالعاده ويبون يلمون طشار الرزورى شكله موسم المهياوه هالايام المهم باجر اذا ماخاب ظنى جلسة التنميه من جديد وهم شكل السوق بيفتح مضغوط على شان اخبار اتمام الجلسه وعقب يرفعونه والدليل السيوله اليوم متدنيه ليش امس لو مو ماكو سيوله قويه جان نازل السوق مثل اليوم واعتقد باجر راح يعلنون شركات وايد عن اعلانات عقد جمعياتها العموميه للنتائج الربع الاخير وبأعتقادى ان احسن وقت للتجميع للاستثمار والمضاربه والتبريد هو من بدايه الاسبوع القادم الى نهاية شهر فبراير والله اعلم .
 

بوسعود

عضو مميز
التسجيل
24 ديسمبر 2009
المشاركات
2,024
الإقامة
الكويت
اللهما لاحسد
هالتجار لو يدرون بصعود السوق للايام اليايه ويدرون بيجنون وراه دبلات هم حاسدين صغار المستثمرين واقصد الناس اللى تحتفظ بالسهم يبون يطلعونهم منه يعنى مايبون خمول يبون الكل يا يروعونه ويقط اسهمه ولا تعال ضارب ودش ويانا لعبة توم وجيرى يعنى لايغرك اذا شفت سمهم معلق ترى صانعه هو اللى يعرض ويطلب وبالنهايه يدفع بس الدلاله وهذا مثل مااشوفه ببعض الاسهم وخاصة جم سهم اليوم يا عليه اخبار سلبيه ويرفعه ولا اجابيه وينزله وارد واقول منو يقول حنا بس نبيع نفط ترى ويه كل برميل النفط تنكة حسد .
 

بوسعود

عضو مميز
التسجيل
24 ديسمبر 2009
المشاركات
2,024
الإقامة
الكويت
اوباما صرح اليوم والريال حمقان على كل بنس يصرف مكافأه لروؤساء الشركات ويقول مو وقته يعنى رئيس وبحكم دولة سيد العالم وينضر لمثل هالمواضيع شئ طيب وحنا بالكويت ربعنا صارو مليونيرات من المكافأت على المكشوف ولا من تحت الطاوله والخافى اعظم .

انا متفائل ببداية الاسبوع الياى برتداد السوق الى الصعود الى 7250 وان شاء الله الى 7500 الاسبوع اللى عقبه الى نهاية شهر 2 والله اعلم .
 

بوسعود

عضو مميز
التسجيل
24 ديسمبر 2009
المشاركات
2,024
الإقامة
الكويت
اللهم امين ومشكور يالهامرز على مرورك وعلى هالاطراء الطيب

على قولة الميه تكذب الغطاس وباجر للبورصة امتحان لتصاريح الحكومه من الفهد والشمال وهم لاننسى السعدون وارجع واقول امتحان يعنى يكرم المرء او يهان وانا اقول هذا سيفوه وهذى خلاجينه دام الكلام ببلاش وصارت موظه دقرة الوزراء بعدم مصداقيتهم والبورصه محد يتحكم فيها غير السيوله يعنى نو مني نو فني
 

بوسعود

عضو مميز
التسجيل
24 ديسمبر 2009
المشاركات
2,024
الإقامة
الكويت
السوق اليوم وضعه خجول يعنى مثل المثل اللى يقول مشتهيه ومستحيه وده يكشر عن انيابه ويطير فوق بس ارجع واقول هناك ترقب عن كثب لمصداقية مشاريع التنميه او من عدمها المهم الحمد لله على كل حال ومافشلنا بارتفاعه اليوم ولو كنا نتوقع اكثر من جذيه وانا اقول لو يسوون بورصه خاصه لزين وشين عفواً اقصد زين واجيليتى واللى يبى يلحقهم من مايتهم ويفكونا من بلاويهم اللى ماتنتهى وصدق من قال ربك يجعل قوته فى اضعف مخلوقاته وهذا اللى اشوفه من اسهم السوق بو خمسين وميه هم اللى شايلينه .
 

بوسعود

عضو مميز
التسجيل
24 ديسمبر 2009
المشاركات
2,024
الإقامة
الكويت
حبيت انبه حسب اللى شفته مع نهاية الاسبوع الماضى بيوم الاربعاء والخميس بخصوص زيادة السيوله 100 / 78 مليون وهناك عدة اراء للبعض من عامة هالناس اللى يقول هناك نتائج جيده لبعض الشركات واللى يقول تجميع لأعتفاده للسوق او سهم ينفجر وانا اللى اشوفه برايى وهم انبه فيه ولايأخذ البعض رايى صحيح لان هذا بعلم الغيب والله اعلم بس رايى واتمنى يكون غلط وهو ان اللى اشوفه لبعض الاسهم اللى عليها خساير بثلاث ارباع السنه المنتهيه ويقوم صانع السوق وملاك هالسهم برفعه والناس تشترى وهو يقط عليهم ويغافلين لكم الله ولما يبين اعلان الربع الاخير بخساره ينزل السهم طبيعى ويقوم صاحبنا يتشرى اللى باعه واخص بالاسهم الرخيصه اللى هالايام شايله السوق ومو كلها وامتنع عن ذكر اساميها والشاطر يدش مع صاحبنا اذا عرف القمنده ويطرده لبيت القصيد .
 

بوسعود

عضو مميز
التسجيل
24 ديسمبر 2009
المشاركات
2,024
الإقامة
الكويت
الاقتصاد ممثل ببورصته يصرخ غريب فى ديرتى ؟!

اقتصاد الكويت والبورصه استنفذو كل الازمات العالميه والمحليه وهم كل الامثله اللى تنقال صوبهم وابرزها خيل بصره وديرة بطيخ ياترى الحين بزهبون دوا قبل الفلعه ولا شنو بالضبط لامصداقيه بالعهود ولاتنفيذ بالوعود البورصه تمثل اقتصاد بلد ونزيفها المستمر بيوديها للقاع والنتايج المره نزول العمله يعنى ياحكومه شناطرين ليما يوصل سعر البيضه بدينار ؟! وعقبها تسوون نوط بو خمسين واميه والف , البلا مو من مجلس الامه والدليل الحكومه تملك اكثرية التصويت بكل قانون ضدها يعنى شكو كل يوم وزير يطلعنا بتصريح لموضوع بالاساس انتهى من صوبهم ياترى اشغال الناس وتعطيل التنميه بالتازم ولا على قولة المثل القطو يطرد خناقه ! ارد واكرر واقول البورصه واجهة البلد لاقتصادها وعملتها خافو ربكم بالبلاد والعباد واتقوه بانفسكم واعملو على مااقسمتو عليه اذا ردت للنواب المستازمين همهم تلميع صورتهم لناخبينهم على حساب بلد ؟! افقر الدول واللى ثلاث ارباع اقتصادها من خير بلدكم دعمت بورصاتها بالازمات بساعة الاحداث وحنا عندنا البنوك وهى واجهة البورصه من اسوأ الى اسوأ وحسب معلوماتى المتواضعه ان عالمياً مايق سعر سهم بنك عن 4 دولارات وحنا وصلنا السعر الى اقل من دولار ودولارين واقوى سهم بنك ماوصل 4 دولار ! وين دعمكم ووين حفاظكم على قوة وسمعة هالبنوك اللى هى بالاساس مصدر السيوله واللى كانت بالسابق هى السباقه للاعلانات السنويه ولا ناطرين ليما على طريف تفلس وتعال شيله ترى جايده هالشعله وفيها حرق كرت وتردى سمعه مثل ماصار لبنك الخليج على العموم مااعتقد هاللى قلته وليد اللحظه وغيرى ثاله وكرره بس حبيت اذكر والذكرى تنفع المؤمنين .
 

الأسد11

عضو نشط
التسجيل
4 فبراير 2007
المشاركات
467
مانبي مساعده لي اي بنك او شركة محد طقهم على ايدهم وقالهم ياخذون
قروض حالهم حال المواطنين اذا في مساعدات للشركات يسااعدون المواطنين
ما في احد احسن من احد
 

ibrahimi

عضو نشط
التسجيل
4 سبتمبر 2005
المشاركات
1,463
كلامك صحيح بس المشكله اذا بدلت ابسهم ثاني وطلع اردا من الاولي
 

بوسعود

عضو مميز
التسجيل
24 ديسمبر 2009
المشاركات
2,024
الإقامة
الكويت
مانبي مساعده لي اي بنك او شركة محد طقهم على ايدهم وقالهم ياخذون
قروض حالهم حال المواطنين اذا في مساعدات للشركات يسااعدون المواطنين
ما في احد احسن من احد


شكراً للمرور اخوى وترى البنوك والشركات طبيعى اذا اقترضو ولكل جهه حسب نشطاتها التجارى الحكومة توفر اراضى او بى تى وعقب يعمرونها الشركات وترجع مرة ثانيه للحكومه عقب مدد من السنين وتقرضهم من البنك الصناعى وترى السالفه كلها فيد واستفيد وهم البنوك بس المشكله بحسن الاختيار وبعيد عن هذا ولدنا وهذاك رفيجنا وياكثر الشركات اللى ملتزمة بالسداد بحكم انها لها اصول وتدير مشاريع الخ بس العله بهالشركات الوهميه او الورقيه اللى شغلها بس استثمار بالبورصه مضاربه وجمبزه على العالم ويوم طاحت الاسواق العالميه بحكم الازمه خسرو وهذوله اللى مال تشهر فيهم وتحولهم للنيابه ويردون فلوس الناس ويعتبرون اسهمهم حالها مثل حال الشيكات اكلو فلوس العالم وبنو الابراج بالديره , وعن قروض المواطنين وفوايدها وتراكم الفوايد على قروضهم الى الدبل العله مو بالحكومة ولا بالبنوك العله بالاعضاء اللى يصارخون ليل نهار بأسقاطها ليش من البدايه مايستجوبون وزير الماليه مع محافظ البنك المركزى ويفكونا صارلهم سنين على هالسالفه اعتقد انهم جعلو هالموضوع عبور لهم للكرسى مثل مغازل قضية فلسطين لكرسى الرئاسه لروساء العرب ولايبون يحررونها يعنى السالفه كلها بد مصالحك على مصير شعب .
 

بوسعود

عضو مميز
التسجيل
24 ديسمبر 2009
المشاركات
2,024
الإقامة
الكويت
كلامك صحيح بس المشكله اذا بدلت ابسهم ثاني وطلع اردا من الاولي

شكراً لمرورك للموضوع اخوى ومايهم ان الواحد يغير من سهم لسهم وهنيه يحط قاعده ثابته وهى لاتبيت السهم اذا حسيت فيه نزول قوى راقبه عن كثب ولو تبيعه براس ماله وتخسر الدلاله وتروح لغيره يعنى على قولة المثل المشهور وبهالوقت هذا للبورصه شلك بالبحر واهواله وارزاق الله على السيف الحين محافظ الحكومه بكبرها تضارب وحاسده الاصغار على خسايرهم .
 

bunaser

عضو نشط
التسجيل
1 نوفمبر 2005
المشاركات
94
الإقامة
كويــــ الحـبـيـبـه ــــــت
.

مساء الخير

اكبر خطاء يقع فية المتداولين

  1. هو عدم اتباع التحليل الفنى
  2. وعدم تفعيل وقف الخسارة
  3. والطمع الزايد والاستعجال فى اتخاذ القرار
  4. واغلب المتداولين ليس لهم قرار كلمة أتودية وكلمة تجيبة
من أحلى الجمل لذو عقل كبير
نزيد عليهم عدم متابعة أخبار و نشاط الشركه مع عدم قرأة مزانية الشركه

دائما نكرر للجميع
"مع التحليل الفني : بإذن الله تعالى راح تشتري على الهدف و تبيع على الهدف"

موفقين خير.
 
أعلى