وين احصل هذه الاكسسوارات للرانج روفر

الموضوع في 'اعلانات المركبات' بواسطة Q8i11, بتاريخ ‏9 يناير 2010.

حالة الموضوع:
مغلق
  1. Q8i11

    Q8i11 عضو جديد

    التسجيل:
    ‏8 ابريل 2008
    المشاركات:
    736
    عدد الإعجابات:
    0
    مثل اللي بالصورة
    سله
    و
    دواسات running boards

    [​IMG]

    و سؤال للاخوان اللي جربوا الرنج روفر
    هل سيارة كرف
    و شلون قطع غياره
    هل يوجد ورش متخصصه بالرنج روفر سبورت
    هل هو سيارة كرف زيت و بانزين لسنوات بدون سيرفس مثل اللاندكروزر
    بالنسبة للي جرب الرنج خاصه هل تنصح بشراء الرنج أم اللاندكروزر
     
  2. Q8i11

    Q8i11 عضو جديد

    التسجيل:
    ‏8 ابريل 2008
    المشاركات:
    736
    عدد الإعجابات:
    0
    محد جرب الرنج ؟
     
  3. اطفائي محترق

    اطفائي محترق عضو نشط

    التسجيل:
    ‏14 أغسطس 2009
    المشاركات:
    343
    عدد الإعجابات:
    0
    هذي طال عمرك تلقاها عند محل على الغزالي مقابل سنتربوينت يم شركة عربي

    اسمه اوتو ديزاين
     
  4. heart

    heart عضو جديد

    التسجيل:
    ‏15 نوفمبر 2007
    المشاركات:
    341
    عدد الإعجابات:
    0
    [اخوي هذا الي حاط صورته رنج سبورت سمعت انه بالوعه بانزين ومكينته

    جاكوار وللامانه ماجربت استعماله بس الربع الي جربوه يقولون عنه جذي

    بس الرنج العادي انا مستعمله مكينته بي ام نفس الاكس فايف سياره روعه

    ممشى وثبات بس لازم سيرفس منتظم لانه انا طقت عندي المكينه بطريج

    سفر ولما شحنتها للكويت وبطلو المكينه قالولي هذا مصفي الدهن سكر

    عندك مو الفلتر المصفي يكون داخل المكينه بسبب اهمال تبديل الزيت

    يتسكر راعيها الاولي كان مهملها اذا تبي كرف لاندكروزر وبس فلوسه فيه

    وثاني شي يكرف اذا تبي تكشخ وفلوسك زايده الرنج سبورت حلو اذا تبي

    الكشخه وعملي اخذ رنج عادي مو سبورت ويفضل ماشي اقل من 100

    الف واذا كنت تبي تكشخ وتريح بالك وتكرف وتسافر وشي قيمته فيه اخذ

    لاندكروزر بلا تردد


    واسمحلي على القصه القصيره
     
  5. gulffalcon

    gulffalcon عضو جديد

    التسجيل:
    ‏10 ديسمبر 2009
    المشاركات:
    450
    عدد الإعجابات:
    0
    مكان الإقامة:
    عبدالله السالم
    الله يسامحك تقارن الرنج روفر باللاند واللاند قارنه بالسفاري النيسان والارمادا او التاهو واليوكن يكفي انك سايق رنج مو توتا انا جربت الاثنين بالسفر اللاند يقلب راسك بحنته ومافيه كروس كنترول لتحديد السرعه انا اتكلم عن gx 6 سلندر 2004واستهلاكه للبانزين والله مو شويه يعني ما فيه ميزة توفير الوقود نفس الرنج يعني لو تدقه سلف يبلش يحرق البانزين وهو واقف كنك دايس 200 بس عيب الرنج الهايدروليك وعلى الاستعمال يعني بتسويه حصان وتطق بريك عالمطب اكيد بيضرب لانه حمولة السياره عليه موشويه يعني والسياره من غير ذكر تفاصيل تعتبر من افضل سيارات 4x4بالعالم واللي تحتها لاتستانس مو اللاند يعني بالترتيب حسب الافضليه بالعالم
    1- الرنج روفر
    2- البورش كايين
    3-الاكس فايف
    4-الدسكفري
    5-q7الاودي
    6-الاندكروز
    7-النيسان السفاري والارماد
    8-الشفر التاهو والجيمس يوكن
    9-الطوارق

    وقاسوا الافضليه حسب مواصفات السياره والامان والجوده والرفاهيه

    بس تبي نصيحتي اذا ماعندك فلوس خلك على التويوتا والنيسان مع العلم ان التويوتا سعره وايد مبالغ فيه يعني انا عندي تاخذ يوكن او تاهو زيرو اصفار من الوكاله على ايدك مايطلع عليك 8500 اما اللاند فوصل متوسط سعره ال15 الف والمستعمل مو اقل من 11 الف وكلهم بنفس الغرض واسمحلي على الاطاله وفي الختام السلام
    اخوك مجرب الاثنين
     
  6. gulffalcon

    gulffalcon عضو جديد

    التسجيل:
    ‏10 ديسمبر 2009
    المشاركات:
    450
    عدد الإعجابات:
    0
    مكان الإقامة:
    عبدالله السالم
    اخوي لا انسى بالنسبه لكراجات الرنج روفر بعد الوكاله -
    كراج جوادين بالري غني عن التعريف متخصص بالرنج والجاغوار فقط وكل شغله من بريطانيا والمانيا من الدعاميه للدعاميه والقطع صارت متوفره وارخص بعد من قبل يعني اعطيك مثال قبل الهايدروليك بالوكاله الواحد 320 بدون تركيب الحين بره مع الكفاله 150 وفيه مكان يرقعه لك مع الكفاله ب50 والمكينه اهم شي عندها انك تبدل دهن مع فلتر كل 5 الاف وغير هذا ما يبي شي
     
  7. UNIX

    UNIX موقوف

    التسجيل:
    ‏9 ابريل 2007
    المشاركات:
    7,556
    عدد الإعجابات:
    1
    شلون صنفت الجيبات جذي؟؟

    عندك مصدر معين؟؟

    الأودي و الرينج صاروا أفضل من تويوتا و لكزس؟؟ وينك وين السيارات انت؟؟ و من متى البورش أفضل من بي أم دبليو؟؟ و من متى الشفر أفضل من الفولكس واجن؟؟

    حجي حلاتك ساكت والله.
     
  8. khaled6

    khaled6 عضو جديد

    التسجيل:
    ‏9 نوفمبر 2009
    المشاركات:
    281
    عدد الإعجابات:
    0
    مكان الإقامة:
    kuwait
    الجيب رقم 1 لكزس وبعده لاندكروزر الباجي الاودي والبي ام كلهم صالون مايعتبرون جيوب لاوحاط الديسكفري احسن من الاند كروزر ياعمي رووووووووووووووووووووووووووووووووووح بس :)
     
  9. gulffalcon

    gulffalcon عضو جديد

    التسجيل:
    ‏10 ديسمبر 2009
    المشاركات:
    450
    عدد الإعجابات:
    0
    مكان الإقامة:
    عبدالله السالم
    ياحلوين انا ماعندي وكالة الرنج او الدسكفري او الاودي علشان امدح هالسيارات ولو عندي وحده من هالوكالات ماجابلتكم وبعدين التصنيف جاي من برنامج top cars اللي يعرض على قناة bbc مو مكاتب بيع السيارات بالري ولا شريطية الحراج وبعدين الدليل بالمقارنه يعني اقل شي اقولكم السيفتي الامان الياباني بالامان زيرو والدليل روحوا سكراب امغره وشوفوا جيبات التيوتا والنيسان شكثرها هناك وصايره قواطي سردين وبالنسبه على الدبل الدسكفري ماخذ اكثر من 10 جوائز عالميه للعزم وقوة الجر ويعتبر القاهر الوحيد لسفاري كينيا تعرفون شنو سفاري كينيا هو سباق طوله اكثر من 3 الاف كيلو متر على اقسى الطرق على وجه الارض تدرون من السيارات اليابانيه الوحيده اللي وصلت للنهايه اللي مو عاجبكم المستوبيشي الباجيرو
    انا بس بقول حق الاخ اللي يقول الجيب رقم 1 اللكزس وبعدين اللاند ترى اثنينهم نفس المصنع نفس النيسان السفاري والانفنتني يعني خبره الاخ روح اجر وجرب اللكزس او اللاند وجرب الرنج وتعرف الفرق يا أخي روح شوف مراكز الحدود الجيبات اللي صافطه عند مراكز الحدود المبرقعه توتا ولا دسكفري وهجانة الكويت والسعوديه وشرطة البحرين ليش يستعملون الدسكفري تهقون علشان يكشخون فيه بس شقول اللي مايطول العنقود شيقول واللي مايعرف الصقر يشويه وبالنسبه للبورش اقصد الجيب الكايين افضل من الجيب x5لانه نظام الكبح فيه يعتبر افضل في العالم والفولكس اللي موعاجبتك تدري هي اصل البورش انته شايف سوبرمانات درعا الخضر اللي يكدون على خط سوريا الاردن ومستانس فيهم ياخوي انت وين والسيارات ويييييييييييييييييييين
     
  10. HBo0o0oB_q8

    HBo0o0oB_q8 عضو جديد

    التسجيل:
    ‏30 أكتوبر 2009
    المشاركات:
    17
    عدد الإعجابات:
    0
    معلومات حلوه ويعطيك الف عافيه يا gulffalcon

    وكنت متردد على الكايين بس الحين خلاص ناوي

    وفيفا يا دسكفري ;)
     
  11. بوخالد350

    بوخالد350 عضو جديد

    التسجيل:
    ‏9 فبراير 2009
    المشاركات:
    240
    عدد الإعجابات:
    0
    من باب نجربه الرنج كشخه وفياده وثبات الكلاسيك جربته 4 شهور وسافرت عليه العمره والدمام ثبات وممشا ماتحس فيه ويعطيك على الخط الي كان عندي 2004 مكينه بي أم وصيانته حليوه والهيدروليك خرابه قليل للي مايطق ارصفه والى يدقه بالبر ,,وبالنسبه للسبورت استعملته شهر كشخه ورزه ومشاي بس مطبه خشن سبورت جنه مطب كورفت وخراباته اكثر من الكلاسيك بس فيه شغله حلوه الهيدروليك مالع قطعتين مو نفس الكلاسيك كامل المعاون والكوره مالت الهيروليك وسعرها 270 دينار عند الملحم بس السبورت قطعتين الكوره ب70 والمعاون ب80 وقليل مايخرب المعاون ..واذا بغيت الجيب الي تشتريه وتدقه تنسا الخرابات وسعره قوي الاند كروزر 8 سلندر ال6 والى ببيزه ..اتمنا اني اكون فدتك وبالنسيه للاكسسوارات مالت الرنج عليك بالشارجه نص سعر الكويت
     
  12. بو فايز 78

    بو فايز 78 عضو جديد

    التسجيل:
    ‏17 يونيو 2009
    المشاركات:
    157
    عدد الإعجابات:
    0
    اي والله ياليت احد من الاخوان يفيدنا لاني محتار اشتري رنج كلاسيك ولاسبورت او لاند كروزرر الجديد وكاله والرنج باخذه مستعمل 2007 شتنصحونا يالربع فيدونا وان شاء الله ماتقصرون
     
  13. وايلي

    وايلي عضو نشط

    التسجيل:
    ‏8 ابريل 2008
    المشاركات:
    2,719
    عدد الإعجابات:
    2,905
    بالتوفيق ان شاء الله
     
  14. Rap Soul

    Rap Soul عضو جديد

    التسجيل:
    ‏2 سبتمبر 2007
    المشاركات:
    966
    عدد الإعجابات:
    0
    بسم الله الرحمن الرحيم

    السلام عليكم ورحمة الله وبركاته

    جزانا الله وياكم الخير والصحة والعافية وجميع امة المسلمين اللهم آمين

    واسأل الله ان يوفقنا ويرزقنا من حلال طيب وجميع امة المسلمين اللهم آمين

    في أمان الله
     
  15. mmf

    mmf عضو جديد

    التسجيل:
    ‏7 سبتمبر 2009
    المشاركات:
    82
    عدد الإعجابات:
    0
    السلام عليكم ورحمة الله وبركاته

    على حسب اذا كنت مقتدر ولالا؟؟

    اذا تبي تكشخ وعندك سياره ثانيه اخذ سبورت

    واذا على قد حالك لا والله اخذها نصيحه خلك على اللاند ولا اليوكن والتاهو

    لا تـفتح لك باب انت في غنااااا عنه ......
     
  16. LS__430

    LS__430 عضو جديد

    التسجيل:
    ‏15 أغسطس 2009
    المشاركات:
    218
    عدد الإعجابات:
    0

    إذا بخاطرك رنج روفر

    راح اوضح لك سعر قطعه وحدة

    طرمبة البانزين للرنج السبورت

    -- بالوكالة == 370 دك

    والمستعمل من السكراب

    == 190 دك

    طرمبة البانزين للرنج كلاسيك

    بالوكالة == 85 دك

    والمستعمل من السكراب == 30 دك

    وقيس على ذلك باقي القطع

    والله يوفقك لكل الخير
     
  17. am7

    am7 عضو نشط

    التسجيل:
    ‏6 فبراير 2006
    المشاركات:
    618
    عدد الإعجابات:
    3
    تعتقد الباجيرو اللي فاز بالسباق هو نفس اللي معروض عند الملا :)
    لا

    هذا باجيرو ايفولوشين سعره يفوق ال 1,000,000 مليون دولار
     
  18. Bo-SaNaD

    Bo-SaNaD عضو نشط

    التسجيل:
    ‏23 أغسطس 2007
    المشاركات:
    414
    عدد الإعجابات:
    0
    مكان الإقامة:
    الكويت
    السلام عليكم جميعا

    اخوي اخذ تيوتا وانت مغمض سواء كان جيب لكزس او لاندكروزر لان احنا جونا مو تكانه ومحد يقدر يمشي بهالجو الا التيوتا لاتنسى الصيف وناخوك وبعدين التيوتا سعره فيها مو حسافه والله اما الرنج بعد جم شهر قط ربع قيمته شلك بالطلايب اخذ سياره تريحك مو انت تريحها ( معنى الجمله سياره تقضي مشاويرك فيها وتكرفها كرف ولا تقول اح .. انت مرتاح = تيوتا ....سياره قطعها غاليه وكل شوي خربانه وموديها الكراج...اهي مرتاحه = رنج ) والله يوفقك ولد عمي
     
حالة الموضوع:
مغلق