عندي سوبربان جاماته تظليل حراري , شلون أبيمه

[Q8i11]

نفس اللي بالصورة هاذي

انا سمعت انه في محلات يبدلون الجام المظلل بعادي ليوم واحد على ما تبيمها و يرجعون الجامه المظلله مقابل 5 دنانير
و ين المحل اللي يسوي جذي


هل لازم ابدل الجامات كلها ولا بس الخلفيه
و الله يعيننا على هالقانون الغبي

 

[nokia*nokia]

الله بالخير أخوي

بالنسبه للجامات الحراري النظام الأمريكي

للجوانب مالهم شغل البيمه لكن الجام الخلفي لازم أنك تبدلها

واذا حاب تعرف المحلات إللى تأجر عليك بالمكاتب اللى يجيبون سيارات من أمريكا

وأهم يدلونك على المكان والنظام تأجير والله يكون بعونك

تحياتي لك

 

[ابو عذاب]

تحصله بنهاية شارع الزينه على اليمين محل زاويه

والله يعينك على سعر 40 او 30 او 20 دينار على حسب نوع السياره

انا وديت له جيب لكزس وارد امريكا وانت عارف تظليلهم وكاله
اخذ مني 35 دينار

وتحياتي لك

 

[ناصر الشريفى]

بلا اجار جامه بلا هم .... شوفلك واسطه و خالص موضوعك

 

[Q8i11]

بلا اجار جامه بلا هم .... شوفلك واسطه و خالص موضوعك

اييييييييييييييييييييه الحمدلله على كل حال
مشكور على النصيحه اخ ناصر

 

[Ahmad Farghaly]

مثل ما قال nokia*nokia

أنت محتاج تغير الجام الخلفي فقط

في محل في شرق الصناعية تحصل تأجير الجام بـ 10 د.ك. و أنت و شطارتك ممكن تسوم أقل

المحل على الناصية مباشرة و أنت داخل الصناعية و خلفك وكالة الغانم من الدوار

كان معي رقم النقال و ضيعته

 

[ابو فوزي]

لا تبدل ولا شي اخوي وينك عن فتامين واو ؟

واسطة الله لا يهينك

 

[q8ihome]

هذه الكويت صلي على النبي

 

[أبوسعد الخالدي]

الواسطه فوق القانون الله يعينك