طلاق بالثلاث

["عابر سبيل"]

السلام عليكم ورحمة الله وبركاته

أولا أسمحولى لانى ماأجيد فن كتابه الموضوع فأبى أعطيكم بالزبدة

قبل 11شهر دشيت السوق قلت بينى وبين نفسى هذا افضل وقت

الواحد يعووض عن الخساير اللى طافت ويعوض شوويةمن الخساير

القديمــه

وألحيين لحظه كتابه الموضوع الخساارة الفعلية 68بالميييه والحمد الله على

كل الاحووال وعلى نعمه الصحة والعافيه اى والله إنى صادق "

واليووم قررت قرار شجاااع بحياتى اللى أهو أبغض الحلال

وأطلق السووق بالثلاث وبلا رجعة

واسلم على باجى البيزات

شرايكم ياأخوانى وخواتى ترا مانى بغنى من رايكم ومن شاورك دخل ذمتك

ورجاء لا تقصروون

من شاور الناس شاركهم عقولهم ؟؟ ولا شرايكم


وشاكر لكم مقدما ​

 

[فنان999]

يعتمد يا عابر سبيل
اذا خسارتك الف او الفين او ثلاثه او اربعة
تري ما يسوي تطلع وتكون خسارتك محققه
وكونك خسرت 68 % من الرصيد تري ما بقي شيء
كمل وتوكل على الله
وعلى قولت القايل اذا اكلت بصل كثر منه
ودمتم

 

[3lgm]

يا خوي يا عابر سبيل لازم الواحد يحاول ويحاول ويحاول ليمن ينجح , ولازم في كل مرة يفشل يطبق نقد الذات , ويشوف شنو أخطاءه ووين أخطأ وشنو كان ممكن يصير لو ما أخطأ , وإنت بنفسك قلتها في مجمل موضوع الإخت عذوب يوم ردت بعد إيقافها , (المؤمن لا يلدغ من جحر مرتين) , لأن المؤمن كيّس وفطين , وهذي البورصة مثل النار بتستخف فيها بتحرق إيدينك , وبتدشها بدون سلاح بياكلونك الذيابه , وسلاحها التحليل الفني والأساسي , واترك عنك التوصيات اللي بدون شارت , ترا في ناس لا تحلل ولا تحرم ولا تخاف من الله , ولا تخليهم ياخذون منك 68% من فلوسك باردة مبردة (ولا تؤتوا السفهاء أموالكم التي جعل الله لكم قياما).

 

[bu_nawaf]

الله يوفقك اخوى عابر سبيل بس صدقنى ادمان السوق بترجع بترجع قلتها قبلك سنه 1997
ورجعت وقلتها ب2002 ورجعت وقلتها ب2008 وهم رجعت لا سلمت على بيت ولا معاش وقروض 12سنه قدام واللى يزيد الطين بله ما ينطبق على قانون المعسرين ؟؟؟؟؟ الله يوفقك وتكون ارادتك اقوى من الباقيين

 

["عابر سبيل"]

يعتمد يا عابر سبيل
اذا خسارتك الف او الفين او ثلاثه او اربعة
تري ما يسوي تطلع وتكون خسارتك محققه
وكونك خسرت 68 % من الرصيد تري ما بقي شيء
كمل وتوكل على الله
وعلى قولت القايل اذا اكلت بصل كثر منه
ودمتم

( وكونك خسرت 68 % من الرصيد تري ما بقي شيء )

هذا بلا ابووووك ياعقاااااب

والله من توصيه وحدة ويانا بالمنتدى بشركه هيتس تلكووم قبل 3

اسابيع من محلل مدرى قالوا محلله الله وأعلم ( الله يسامحها )

اكثر من 3 ألاف دينار خسارة بيوم ( من بنت الأكابر ماأدرى ولد الاكابر )

بس كان السووق تجميييع

والمسعدة داخله مع المحافظ والبابا قالهههها بيرفعوون السووق

طبعاا بعد ماخلصت Breakfast

ومشكووورين عالردود ​

 

[al7boob_77]

السلام عليكم ورحمه الله وبركاته
شلونك اخي العزيز ( عابر سبيل )
اولا ان شاء الله .. الله يعوض خسارتك ..بربح طيب
ثانيا انا برايي الشخصي مدام خسرت 68% من راس المال ..ليش تطلع ... يعني وين بتستمر الخساره اكثر من جذي .... وبعدين برايي السوق وين بينزل اكثر من جذي ... خصوصا انه اخر سنه 2008 و 2009 اغلبها نزول ... اتوقع قبل نهاية الربع الاول وبعد الاعلانات احتمال السوق يصعد ويرجع للافضل
ثالثا افضل لو يتم استبدال الاسهم مثلا تبيع السهم الخسران وتشوف لك بنفس قيمة سهم جيد وممكن خلال سنه 2010 يحقق نتائج جيده وتصبر عليه

ومن شاور الناس ما ضاع
شوف اراء الشباب واستخير وان شاء الله تكون ربحان

ملاحظه دايما اشوف اغلب الشباب يتحلطمون ويقولون لاغلب الاعضاء لا تدخلون السوق كله خساير ..... طيب من باب اولى ينصح نفسه ... ليش اهو داش وما يطلع ؟؟؟ هالسؤال دايما يحيرني وابي جوابه من هالاعضاء ​

 

[MidMorning]

أخي "عابر سبيل"

اقدم اليك ان شاء الله لك فائدة:-

"""حدثنا مطرف بن عبد الله أبو مصعب حدثنا عبد الرحمن بن أبي الموال عن محمد بن المنكدر عن جابر رضي الله عنه قال كان النبي صلى الله عليه وسلم يعلمنا الاستخارة في الأمور كلها كالسورة من القرآن إذا هم بالأمر فليركع ركعتين ثم يقول اللهم إني أستخيرك بعلمك وأستقدرك بقدرتك وأسألك من فضلك العظيم فإنك تقدر ولا أقدر وتعلم ولا أعلم وأنت علام الغيوب اللهم إن كنت تعلم أن هذا الأمر خير لي في ديني ومعاشي وعاقبة أمري أو قال في عاجل أمري وآجله فاقدره لي وإن كنت تعلم أن هذا الأمر شر لي في ديني ومعاشي وعاقبة أمري أو قال في عاجل أمري وآجله فاصرفه عني واصرفني عنه واقدر لي الخير حيث كان ثم رضني به ويسمي حاجته""

 

[انوفستي]

اطلع من السوق السهم براس ماله وسهم سهم مو مره وحده بس احلف يمين على نفسك ما ترد تشتري علشان لاتدور بدائره مفرغه
او اترك الاسهم اخر السنه لم ارباحهم اذا عطوك شي وهم لاترد تشتري

 

[المتوسم]

إذا تبي تعوض خساريك والمبلغ اللي عندك أكثر من 120 ألف اشتر أرض إجارة عن طريق بيتك وادفع مقدم 40 % وابنها بالباقي وأجرها تعوض خسارتك...
اسأل مجرب راح له في البورصة الشيء الكثير...

 

[التشارت]

السلام عليكم ..
تحياتي لك ياعابر سبيبل
68% شي كبير من راس المال ...
طيب ابي اسألك سؤال ليه ما تعلمت التحليل الفني والأساسي للحفاظ علي إموالك ؟ بالتوفيق لك ياعابر سبيل

 

[أبو عمر]

غلطان انك تطلع هالحين يا "عابر سبيل" وتخلى الخساره محققه .
السوق ان شاء الله وباذن الله مقبل على ارتفاع
انا أقول اصبر وقرر بعد أسبوع

موفق خير

 

[عبسي]

مبروك الطلاق......مقدماً

 

[TAHOE]

يا اخوي عابر انت دشيت السوق قريب من الارتداد بعد الانهيار ,, كان المحللين النزيهين متواجدين من ذلك الوقت مثل يونكس ولابتوب وبورش وميكانيكي ونفقيتر وغيرهم لاتحضرني اسمائهم حاليا وكانو يتابعون السوق اول باول وكانو يحذرون من المطبلين وكانو يضعون تحاليلهم ولكن للاسف الناس تتبع من يدغدغ مشاعرها ,, ما تدري اشكثر الواحد يركز ويجابل الكمبيوتر والميتا ستوك علشان يرفع شارت واحد به فائده للناس ,, من علشانه هذا ؟؟ علشان يبون دعوات الناس لهم بالخير وله ما يحصلون من وراء ذلك لا درهم ولا دينار فكان بامكان احدهم ان يحتفظ بتحليله لنفسه ,,* فاذا حصل مثل حالتك هذه الكثير فسوف يحبط من همم المحللين ويجعلهم يتقاعسون لانه يحس على قولة المثل كانه ينفخ بجربه مقظوظه ,, وهذا الكلام ليس عتابا لك ولكنه للقادم للمستقبل ولكي يتعلم الانسان من اخطاءه ويعلم الصادق من الكاذب ,,

الله يعوض عليك خسارتك ومادامك دشيت البورصه فما اعتقد انك تطلع منها لانها ادمااااااان مثل الافيون والعياذ بالله ,, ولكن راجع محفظتك واسهمك وشوف كيف تعيد ترتيبها وتشكيلها لكي تنهض بها مره اخرى وليس ذلك على الله بعزيز

وتقبل تحياتي

 

[Mr. Eng.]

الله يعوضك خير إن شاء الله
ابتعد عن المضاربه و استثمر المبلغ لين يرجع بالربح إن شاء الله
المهم لا تكتتب بزيادة رأس المال إن وجدت و لا تبرد على نفس السهم و لا تتنقل من سهم لي سهم و تزيد الخساير
و الله أعلم

 

[المستفسر]

عابر سبيل

جوابي في توقيعك

 

[bodawood]

السوق ادمان الله يثبتك

 

[صايد الفرص]

الله يعينك ويعين كل خسران و يعوضك كل خير .

اتوقع والله اعلم انك تركز على الاسهم الى قيمتها حول 50 فلس

ويكون تداولها عالى . وتدخل عليها في النزول . ممكن ترتفع كما حصل

في 2009 حيث ان الغالبيه ضاعفت اسعارها ثم رجعت مره اخرى .

مجموعة الصفاة . مجموعة المدينه. محموعة البدر ,مجموعة البحر.

ارجو عدم الاخذ بالراى الا بعد استشارة المحللين والاخوه الاخرين

 

[ابن عمير]

عفوا اخوي كيف خسرت 68% من راس مالك وانت داش في القاع 6347او قريب منه قبل 11 شهر يعني شهر 2/2009
ممكن توضح ؟ اللي مثلك للحين ربحان!

 

[برق الشرق]

( وكونك خسرت 68 % من الرصيد تري ما بقي شيء )

هذا بلا ابووووك ياعقاااااب

والله من توصيه وحدة ويانا بالمنتدى بشركه هيتس تلكووم قبل 3

اسابيع من محلل مدرى قالوا محلله الله وأعلم ( الله يسامحها )

اكثر من 3 ألاف دينار خسارة بيوم ( من بنت الأكابر ماأدرى ولد الاكابر )

بس كان السووق تجميييع

والمسعدة داخله مع المحافظ والبابا قالهههها بيرفعوون السووق

طبعاا بعد ماخلصت breakfast

ومشكووورين عالردود ​

خابرينها عدل
واسمها قريب من العذاب!!!​

 

[Legal]

اخوي عابر سبيل الاخوان ما قصروا ولكن احب اذكرك .


الصغوه 18 فلس واصبحت 96 فلس

المدينه 40 فلس واصبحت 134 فلس .

زين 630 فلس واصبحت 1600 فلس .

المستثمرون 16 فلس واصبحت 70 فلس .

في بعض الشركات ما اتذكرهم كانوا وين وشوفو وين صارو.

زبده الكلام اخوي عابر :-

انصحك بانك لا تبيع وان تصبر لعلى الله يجعل لك مخرجا بربح وفير وطيب باذن الله .

ولكن يتوقف كلامي على حسب شركتك

وموفق ان شاء الله