الرجاء المساعده في paypal :(

[kw_33]

اول شي آسف اذا مكان الموضوع غلط

بصراحه توهقت مع الـ paypal

اليوم اشتركت وسويت اكاونت عندهم

وحطيت رقم الفيزا وسحبوا مني مبلغ 570 فلس بالعمليه الاولى

ومبلغ 1 دينار بالعمليه الثانيه

ودقيت على البنك وقالولي العمليه تمت

دشيت على حسابي بالبنك ولقيت العمليتين بالحساب مال الفيزا

بس ما عرفت وين كود التفعيل المطلوب اللي مفترض يكونون دازينه لي

جربت مرتين احط رقم العمليه الاولي والعمليه الثانيه وكله غلط

وقالي الموقع اخر محاوله لادخال الكود الصحيح

وبصراحه موظف البنك ما فادني بشي

يا شباب اللي يعرف وعنده خبره لا يبخل علينا بالرد

ومشكورين مقدما ..​

 

[Balloons Shop]

انتظر لين توصل لك بالبريد الأربع أرقام وهي الباسوورد للدخول لحسابك

بالتوفيق

 

[kw_33]

يعطيك العافيه اخوي على الرد

بس اي بريد تقصد اخوي

ومتى توصلني بالبريد تقريبا ؟؟​

 

[اماني الكويتيه]

لا اخوي انت لما تحط رقمك بالبدايه يدقون عليك ويقولن لك بالصوت الالي الارقام
^_^
الله يوفقك يارب

 

[kw_33]

والله انا توني اليوم مسوي الاكاونت بالـ paypal

بعدين بالموقع اهم كاتبين انه الكود بيوصلك مع كشف الفيزا

والعمليه تمت والفيزا اللي مبين معاي حاليا انه ماكو كود نمبر

عموما انا حاط رقمي بدون فتح خط طبعا ننطر ونشوف

مشكوره على الرد واللي عنده خبره بعد يا ريت ما يبخل علينا​

 

[Balloons Shop]

عندي حساب ومحد دق من صوبهم علي
يوصل لك بكشف حساب الخصم من فيزتك ومعاها الأرقام الأربع
عليك بالصبر ، وتابع إيميلك .

 

[kw_33]

مشكور حبيب قلبي ما قصرت مالنا الا الصبر ​

 

[q8royale]

كما قال اخي بالونز شوب

في كشف الحساب - مع وصف العملية راح يكون فيه رقم من 4 خانات - تحتاج هذا ليتم تفعيل الحساب

بعض البنوك توفر كشف حساب الفيزا عن طرق النت ...

اي بنك ؟

 

[Jasim]

اخوي دش على موقع البنك ودش على كشف حساب الفيزا وشوف العمليات اخر عمليه او العمليه اللي سحب منها ال papal راح تلاقي كلام واخر شي اربع ارقام وسلامتك

 

[kw_33]

مشكور اخوي جاسم على الرد

الفيزا من بيت التمويل الموقر

فيزا الدفع المسبق prepaid

اللي يسمونها الخير

عموما انا دشيت على حسابي بالبنك

وهذا الكلام اللي موجود بتفاصيل العمليه

BASC 013993 MDSE GRANTED

هذي التفاصيل بس كشف الحساب مو راضي يطلع

يمكن لازم اراجع البنك

هل الكود موجود بالتفاصيل اللي فوق

ولا ما يطلع الا بكشف الحساب !!​

 

[أبوفلان]

تنظر اربع ايام حبيبي لين يتم اجراء العملية بالكامل ،، بعدين تنشال هذه الجملة وتتغير الى مثل هذه تقريبا : Paypal 3103 Transation او شيء من هذا القبيل وهذا يكون الكود ،،

اللي انت حاطة هو عبارة عن عملية اجراء السحب انها تمت وتم حجز المبلغ فقط ، ولكن العملية حتى الان لم تكتمل ، وهي تحتاج من 3 الى 4 ايام ، وراح تتغير الجملة هذه الى كلمة paypal وبعدها رقم الكود ،،

 

[kw_33]

يعطيك العافيه حبيب قلبي ما قصرت

اتوقع هذا الرد الشافي

لا هنت ولا هانوا الاخوان اللي شاركوا بالرد

مشكورين ما قصرتوا ​

 

[بوخالد الثاني]

زين يا اخوان انا عندي سؤال اذا يسمحلي صاحب الموضوع

انا سويت اكونت بعد بس لم كتبت الاسم كتبته مو مثل اللي مكتوب على الفيزا عادي ولا فيه مشكلة..؟؟

 

[kw_33]

خذ راحتك اخوي الموضوع للجميع والاستفاده من خبرات الشباب

اتوقع مفروض تكتب الاسم مثل ما هو موجود بالفيزا

عشان التحقق والسيكيورتي

يمكن يكون كلامي غلط لانه انا هم عليمي

وان شاء الله الشباب يفيدونك ​

 

[بو بـدر]

زين يا اخوان انا عندي سؤال اذا يسمحلي صاحب الموضوع

انا سويت اكونت بعد بس لم كتبت الاسم كتبته مو مثل اللي مكتوب على الفيزا عادي ولا فيه مشكلة..؟؟

لازم يكون نفس الاسم مكتوب بالفيزا ...

ولا ماراح يتفعل الحساب ... انظمة paypal صارمه جداً فلازم تكتب جميع معلوماتك صحيحة او ما تفتح حساب لانه سيتم اغلاقه .. وينحط بلاك لست على رقم الفيزا وتضطر تطلع فيزا جديده


الاخ كويت 33

راجع كشف حسابك الهاتف او عن طريق الانترنت واستخرج الارقام الاربعه باللون الاحمر للعملية وراح يتفعل حسابك

ELECTRON WITHDRAWAL Ref. 0000000000 -
00000001@0000PAYPAL--*EXPUSE

واي استفسار حاضر

 

[kw_33]

مشكور بوبدر

انا لقيت الاربع ارقام بعد يومين من العمليه

اخذتهم وحطيتهم بالتفعيل وما ضبط

لانه انا ذاك اليوم لما ما عرفت افعل الحساب

طلبت اعادة ارسال الكود ما فيني صبر

فـ الحين مضطر اصبر هم يومين على ما تتم العمليه

وتطلع الاربع ارقام مره ثانيه

مشكور مره ثانيه وما تقصر ​

 

[b07amod]

اخوى الاربع ارقام تتصل على البنك خدمه العملاء وهم يعطونك الكود

 

[kw_33]

مشكور اخوي

والله ما عرفنا الخواره من paypal

ولا من بيت التمويل

انا طلبت اعاده ارسال الكود امس

دخلت على حسابي ولقيت العمليه

وكان المبلغ محجوز

اليوم ادش على حسابي يقول ماكو عمليات !!

صبر جميل والله المستعان

​

 

[kw_33]

شباب الله لا يهينكم ابتلشنا بالـ paypal لا تخلونا

الحين وصلت الاربع ارقام وفعلنا الحساب وكل شي تمام

رحنا للموقع الامريكي نبي نطلب

حطينا معلومات الدفع ولما طلبوا العنوان حطينا عنوان ارامكس بأمريكا

بعدها رحنا لطريقة الدفع اخترنا الـ paypal

وبعدها حطينا الايميل والباسوورد ودخلنا الاكاونت

رفض الموقع العمليه وقال ما يصير تشحن لمكان انت مو ساكن فيه !!

وبعدين وياهم احنا سوينا الاكاونت عشان نتجاوز مكان السكن

في حل يا شباب ولا استسلم !!

​

 

[بو بـدر]

اخوي مثل ما قلت لك انظمتهم صارمة جداً قالو لازم عنوان بريدك يعني لازم عنوان بريدك ..

عنوان بريد ارامكس و paypal انسى تصير ويا بعض .... لازم بطاقة الفيزا تكون امريكية ومطابقة للعنوان في صندوق ارامكس ... عاد شلون ترهمهم الله اعلم .... او تحط عنوان بريدك الكويتي الى فعلا تستخدمة لان الفيزا صادرة من الكويت


بعض الباعه في ebay تقدر تفاوض وياهم وتقوله بدفع لك بس اشحن على صندوق بريد ارامكس وتقول اذا وافق وتدفع له عن طريق paypal وترسل له عنوان ارامكس وتمشي السالفة بس ان يكون الشراء دايركت منهم وعلى ارامكس مايصير

وكثر المحاولات ممكن تسبب لك مشاكل بحسابك واغلاقه

شخصياً استخدم paypal في رابيدشير و اشياء تكون على الانترنت فقط ونادراً اطلب مع انه ضروري بس شنسوي

وسلامتك