اللي عنده بيت للبيع يتوكل على الله ويبيع بالسعر اللي يوقف عليه لان البنوك ماعاد تمول المواطنين والبنك المركزي قيد الموطنين بال 40% من الراتب عشان جذيه ماراح تلاقي احد يشتري بالسعر القديم الا اللي يرغب بالبيت سواء من الجيران او عند بيت الوالد او بيت للايتام او او او غيره من الامور اللي تجبر الشاري بالزيادة والاهتمام بالبيت حيل . اللي يريد الشراء يتحمل شوى الزيادة اللي طالبها المالك عشان يشتري البيت اذا كان مضطر . السوق راكد والبيع ضعيف ولازم تتدخل الحكومة عشان تنقذ العقار من الغرق في وحل الانهيار . وشكرا للجميع ،،،،،،
طال عمرك السعر السابق قبل النزول مبالغ على حسب اعتقادي يعني بجنوب السرة و صلت البيوت - دورين و ربع على شارع واحد 240 الف بالسابق بغرب مشرف - نفس السعر و ممكن اكثر بشوي - قبل اشهر - 4 بيوت بطن و ظهر - انباعت الوحدة ب 400 الف ... بيان ق 13 - الاسوأ 280 الى 300 لبيوت على شارع واحد - و ما زالت الاسعار عالية و من الصعب الحصول على قرض بهذا الوقت ( خيران السكني الارض 44 الف .... - كانت 9 و 12 الف ... )
انت تشوف اصحاب السكن وماتشوف اصحاب بدلات الاراضي اللي كل واحد منهم طالب 40 الف و50 الف للبدل على ارض فضا الله العالم متى توصل خدماتها وكان اللي راح يبدله توه مقدم على طلب مو عارف انه مثله صارله 15 و16 سنه ينتظر وناسين المشاريع الجديده اللي راح تسكن حتى طلبات 2010 لكن مانقول الا عسالله يطول بعمر الشيخ احمد الفهد وينا كنا وكيف صرنا اللهم زيد وبارك بالمشاريع
حبايبى كلامكم صحيح العقار فى نزول والسبب الظروف الاقتصاديه والبنك المركزى وشروطه لكن السؤال هنا هـــــــــــــل تسمح الحكومه الموقره بسقووووط اسعار العقار حتى يتضرر التجار العقار ...؟؟؟ هنا السؤال.
