آنا كــويــتــي مــســلــم

[navy_man]

السلام عليكم ورحمة الله وبركاته ،

هذا فيديو شاب كويتي اسمه عبدالعزيز عبدالله مسويه عن الوحده الوطنيه واعتبروه اهداء مني للشعب الكويتي بسبب الفتنه
واتمنى انكم تنشرون الفيديو بقدر الامكان عشان الكل يعرف انه كويتي من اول ماتربينا على هالديره!


انا مو سني انا مو شيعي انا مو حضري انا مو بدوي آنا كــــويـــــتــــي مـــــســــــلـــم!

http://www.youtube.com/watch?v=kA2dsFO7w00

 

[ياسر الروقي]

والله انكم ذبحتونا بهسالفه لا تجيبون طاريها وهي تروح من كيفها
لكن كل يوم طالع واحد بجريده الوحده الوطنيه بخطر
والله ماني شايف خطر جيراني شيعه من 20 سنه ولابينا الا كل خير
زملاء العمل وزملاءالدفعه وبينا اتصالات ومسجات ولا بينا الا كل خير
لكن الاعلام وخاصه الصحافه مع العلم ان اغلب هالصحفيين هكره بدون وهم من عايش على
هذه الامور لان الجراثيم تعيش على الجروح
ولاانسى عاشور والمهري وتصرحياتهم الاستفزازيه كل فتره كأن لا يوجد في العالم شيعي الا عاشور

 

[acton]

ماودي ادخل بنقاش خاصه للمواضيع الدينيه لان الكويت خليط من مذهبين مسلمين وعشنا مع اخوانا الشيعه ولا نعرف الحقد ولا عمرنا تدخلنا بعقيدتهم لان القبله واحده والشهادتين مشتركه وبما ان الكويت لاتتحمل المشاكل خاصه ان الطائفيه لاتوحد المسلمين بل تفرقهم والاسلام دين يدعو الى المحبه والتسامح ويبغض الحقد
انا دائما اسأل لماذا في دول الغرب لايوجد عندهم حقد وطائفيه وتراشق لماذا دينهم يدعو الى الاحترام بينما نحن لانحترم الاخرين علما بأن شعوبهم عباره عن خليط من جميع الاديان والمذاهب ولايتدخلون بغيرهم
كلمه اخير
الكويت بلد صغير لايتحمل النزاعات والطائفيه ومن يعبث في هذا البلد فلا مكان له عندنا لاننا نحب الكويت ولانرضى بغير الكويت ​

 

[q8royale]

بارك الله فيكم

انا يا اخوان كبير بالعمر ( بس ها لا تروحون بعيد - بعدي شباب مو مشدق )
يا جماعة كلمة شيعة و سنة بتلك الايام ما كنا نسمعها نهائيا

فريجنا كان فيه :
بيت الكندري , بيت الصراف , بيت العصفور , بيت الشاهسوار , البلوشي
الدويسان , الشايع , دشتي , اشكناني , العازمي , الشمري

كانوا على قلب واحد

ليش نروح بعيد , بالغزو الكل كان معا

يا اخوان بالدنمارك لمن طلعوا البرامج الاستفزازية عن النبي - كانوا يقصدون من ؟ شيعة ام سنة ام كلنا المسلمين

سويسرا منعت المأذن على المساجد - اي مساجد ؟ للسنة ام للشيعة ام للكل

لا سنة و لا شيعة يرضون بما قاله العريفي - لكن ليش احنا نجيب الفتنة عندنا و لازم نحكم عيالنا و نعلمهم ان هذي فتنة و الحذر واجب

بدو - سنة - شيعة - حضر كلنا واحد و يا اخوان ديرتنا ما تستاهل اللي قاعد يحصل

و شكرا

 

[AL-MALGOF]

السلام عليكم

انا كويتي انا مسلم

اخواني خواتي الكويتيين

احب اقول ان كل من عاش على هذي الارض وعرف قيمتها اكيد راح يخلص لها من كويتي مسلم

وعن نفسي اكره بعض الجنسيات في تصرفاتهم ( مابي اتعمق بالموضوع اكثر )

خلونا انعيش مثل اجدادنا و ابهاتنا .. بدون واسطة ... بدون طائفية ... بدون قبائل ... نبي حرية لكل شخص كويتي .

ابي شغل بدون واسطة و ما يكون الراتبي راتب وافد او المدير غير كويتي إلخ.........

خلونا يد بيد ضد الفتنة

شوفوا هذا الرابط وسمعوا الكلمات عدل ...

http://www.youtube.com/watch?v=hlqcVneuBdI