اراضى لندن

[سمبره حسين]

اللى شراء اراضى بمنطقه سرى ببريطانيا من المكاتب الكويتيه بالكويت سنة 2004 ارجو الدخول للاهمية

 

[كيدي كاو]

قولي لنا شنو صار عسي ما انباقت الفلوس بس

 

[سمبره حسين]

والله عندى معلومات مهمة عن هذه الاراضى واقدر اساعد هالناس اللى شروا هالاراضى اللى عنده فكره عن هالناس يتواصل معاى واقدر انشالله افدم لهم مساعدة واختصر لهم الوقت والجهد وارجع لهم حقوقهم باذن الله

 

[الشرقاوي]

انا شريت ارض 500م زاويه مضرب شمس
بمنطقه ماني عارف اسمها بس اعتقد اسمها سانت بول
وبصراحه انا مو مصدق
احس انهم كلوا فلوسي
عطوني اوراق تقول اني المالك ويقولون انها رسميه

 

[سمبره حسين]

اوكى يعطونك اوراق بس تاكد انها مو من ضمن الحزام الاخضر وبكم شريت الارض ؟؟؟؟؟

 

[mishal-wu]

اللى شراء اراضى بمنطقه سرى ببريطانيا من المكاتب الكويتيه بالكويت سنة 2004 ارجو الدخول للاهمية

عسى ماشر شنو صاير انا معروض علي ارض 400 م بهذي المنطقة 3000 د.ك باليت اتنورينا جزاج الله خير

 

[سمبره حسين]

اذا بنفس المنطقة surry تعتبر الاراضى من ضمن الحزام الاخضر يعنى مستحيل يعطونك تصريح للبناء بالعربى اراضى ما منها فايده ولا عايدة وقبل لا تشترى دور بالنت عن المنطقة وراح تشوف انها اراضى زراعية . نصيحتى لا تشترى قبل ما تتاكد علشان لا تغلطون نفس غلطتى وتتوهقون .

 

[سمبره حسين]

ما قى احد شارى

 

[كيدي كاو]

لا والله قولي قصتج عشان نستفيد منها ولا نقع في الغلط والله يعوض عليج ان شاء الله

 

[q8_king1]

طيب في مجال تنباع الارض الي شريتها او تباع علي اساس انها مزرعة ؟

 

[دبس الرمان]

انا شاري من منطقة دايس ,نورفولك شنو وضعها ؟

 

[خسران جداً]

اراضي لندن ارخص من اللي عندنا ...شدعوه

 

[سوق خضرة]

واااعزاه اراضي ببريطانيا 400 ب 3000 دينار وحنا هني صبخة ومضرب شمس وسد لد جد خد مد كد وما تحصلها ب 150 الف دينار

 

[دبس الرمان]

للرفع

 

[general]

اراضي الي قاعده تسوقها الشركات العقاريه في معارض العقار هي اراضي green belt يعني الحزام الاخضر .
الاراضي في بريطانيا 3 انواع :
1- اراضي سكنيه : يتم من خلالها بناء البيوت والعمارات وقيمتها اغلى من اراضي الكويت .
2- اراضي الحزام الاخضر : اراضي كانت عباره عن ارض زراعيه كبييره وتم تقسيمها وتفكيكها الى قطع من قبل الشركات العقاريه ولترخيص الارض من زراعيه الى الحزام الاخضر قامت الشركاء (والاغلب فيكم شايف) مساحات كبيره تنازلت عنها الشركه من الارض للدوله وهي عباره عن خدمات وطرقات بما يؤهلها تصير سكنيه (مستحيل واقعيا) وملاحظة لايحق لك المطالبه بالكهرباء والماء والغاز مالم يمض على تاريخ شراءك للارض 80 سنه . فما بالك هل مره تبي تتحول الى سكنيه .
3- اراضي زراعيه : وهي عباره عن اراضي لن يتم تحويلها الى سكني حتى لو بأمر من ملكه بريطانيا .

اغلب الشركات العقاريه كانت توهم المستثمر (انتم) بأن الاراضي رخيصه ولها مستقبل وتعتبر فرصه استثماريه لكن في الحقيقه هي مجرد اوهام وتظليل لان اسعار اراضي بريطانيا السكنيه اغلى من اراضي العالم فلا تعتقدون انكم شارين اراضي على 5 و 6 الاف بأنها رخيصه , وبريطانيا اراضيها ارخص من الكويت .
في الختام اقول لكم انا عن نفسي شريت بلوك كامل (بعد ما انقص علي) لكن للأمانه مرتاح نفسيا عقب ما اقنعت نفسي وحطيت ببالي اني شاري مزرعه وما ابني اي احلام عليها والي منكم شرا عشان لا يضيق خلقه ويرسم المستقبل ويتوقع الارض راح توصل للملاين بعد كم سنه , خل يتخيل انه شرا مزرعه عشان ينسى الواقع . ورجاءا يا اخوان الي يشوف احد بيشتري اراضي في بريطانيا خل يمنعه ولايرضى الخساره لغيره .

وفي الختام اراضي الي شريتوها على 4 الاف دينار لو شارينها في بريطانيا جان السعر ماتعدى ال 2500 دينار لكن بالنسبه للبيع لكم الحريه في بيعها لكن السؤال يبقى هل هناك غشيم سيأتي يوم من الايام ويشتريها منك ؟ انا اجزم لو اتصلت على الشركه الي شريت منها وتعرض عليهم اعاده شراء ارضك ولو بنص السعر (يغلقون السماعه بوجهك) . وبالنسبه للملكيات هل هي مزره وحقيقيه ام لاء فيمكنكم اخذ الوثيقه وادخال رقم الملكيه في موقع الالكتروني لدائرة العقارات البريطانيه http://www.landregistry.gov.uk ادخل رقم وثيقه الملكيه وادفع رسوم 4 باوند وتطلع لك بيانات صاحب الارض (مفروض اسمك) او اخذ الوثائق لسفاره البريطانيه

 

[قباء العقاري]

الله يجزاك خير اخوي ابو عقيل .............
والشكر موصول للأخت سميرة على التوضيح
ربعنا الله يهديهم ينقص عليهم بسرعة .....مايعرفون شيء اسمه استشارة​

 

[Abdulla990]

اللي اعرفه ان ملاك الأراضي يدفعون ضرائب للدولة و يتم تحديد الضريبة حسب نوع الأرض و مساحتها و مكانها ,,, الخ
و اللي ما يدفع ياخذونها منه

 

[general]

اللي اعرفه ان ملاك الأراضي يدفعون ضرائب للدولة و يتم تحديد الضريبة حسب نوع الأرض و مساحتها و مكانها ,,, الخ
و اللي ما يدفع ياخذونها منه

مايدفع ضريبه ولا فلس دام سعر الارض السوقي اقل من 60 ألف باوند والجماعه اراضي حدها واصل 7 الاف باوند . خل يوصل 60 الف احنا نبيع قبل ماندفع ضرايب لاتخاف , وبالنسبه لسحب الارض ان مادفعوا الضرايب كلامك صحيح 100% لكن مو بيوم وليله بش المشكله الحكومه البريطانيه تواجه مشاكل في كيفيه الاتصال بأصحاب الاراضي , وتضطر تحكم غيابي

 

[سمبره حسين]

انا شريت ارضين سنة 2004 يعنى اول ما بدوا يروجون للاراضى بالكويت يعنى كنت من اول ضحايا النصب لا ومن شركة كبيرة لها سمعتها وصاحبها مليونير ،اتصدقون ان الارض الوحدة شريتها ب 260000دينار كويتى يعنى 50000باوند استرلينى يعنى اجمالى الارضين 52000دينار كويتى !!!!!!! يعنى لو كانت قيمتهم ست او سبع الاف كانت المسالة تهون ، لكن بعد سنتين اكتشفت السالفة ،ورفعت قضية ضد الشركه وربى ما قصر ربحت القضية والحمد لله ،علشان جذى ودى اساعد الناس اللى شرت هالاراضى بهالاسعار الخياليه .
ف اللى يعرف احد شارى الرجاء ابلاغه حتى اقدم لهم الاوراق اللى تثبت عمليه النصب وان هالاراضى زراعية .والرجاء لا احد يشترى اراضى ببريطانيا مثل ما قال اخونا بوعقيل .

ارجو المساعدة من الاخوان علشان اخلى موضوعى مثبت بالمنتدى لانى ما اعرف اسويها . علشان يستفيدون الناس من غلطتى واعلمهم على الطريقة اللى يرجعون فلوسهم من هالناس اللى ما يخافون الله وحسبى الله ونعم الوكيل .
مع تحياتى وشكرى لكل واحد شاركنى بموضوعى

 

[سمبره حسين]

ابى مساعدة بكيفية تثبيت مشاركتى شكرا