خطوات شراء ارض

[buhamood]

السلام عليكم
انا بشتري ارض و ماني عارف الاجراءات ولا الاوراق. شنو لازم اسوي او اتاكد قبل ما اوقع عقد مبدئي مع المكتب؟ و شنو لازم اشيك قبل وعقب؟

جزاكم الله خير

 

[ودي اربح]

لازم تشوف الوثيقة الاصلية مو الصوووووره

ولا تدفع عربون كبير

 

[المنظور الشامل]

ازيد على الغالي ودي اربح التالي :

- معاينة الارض معاينه نافيه للجهاله ( يعني على طبيعتها ) حتى تتأكد من ارتفاع الارض او انخفاضها ممن حولها .

- الذهاب للبلدية ادارة الخرائط والتأكد من رقم القسيه وارتدادتها وابعادها ومساحتها والمطلوب صورة الوثيقه والبطاقة المدنية لصاحب الطلب .

- السؤال عن المنطقه من اهل الخبره اذا كانت الارض مهدومه سبب البيع ؟ أو عن جيران الارض .

- السؤال عن سعر المتر للارض حسب الوقع والمنطقة بالوقت الراهن وعدم الرد على الناس الفاضيه .

- التأكد من القدرة الشرائية لديك اذا كان مرابحه او قرض اذا الفلوس غير حاضره وليس كاش قبل توريط نفسك ويروح العربون عليك .

- والاهم من صلاة الاستخارة ورضاء والديك