عليمي محتاج مساعده

[saadsad]

السلام عليكم

الصراحه مادري وين اكتب هالموضوع بس من خلال قرايتي لكلامكم مشالله شفت وايد ناس فاهمه وتدري شقاعده تقول

انا مالي شغل لا بتجاره ولا بسوق ولا بغيرا على الله ثم عالمعاش

وميمع مبلغ 5000 دينار بفضل من الله وودي استثمرهم قبل الزواج
بربح يطلعلي بالشهر عالاقل 100 دينار فوق المعاش
مادري هل هالشي مستحيل ولا لا ؟

جان زين تفيدوني وين احطهم مع العلم ان في ناس انصحوني بالبورصه قالولي يعطون دورات شلون اتابع حركة الاسهم وجذي

شرايكم ؟​

 

[aclient]

و عليكم السلام و رحمة الله

اخوي سعد البورصة فيه خير و لاكن لمن يتقن المضاربة و وقت الدخول و الخروج

انصحك بان لا تستعجل و اخذ وقتك بقرائة كتب التحليل الفني مع جم دورة و متابعت السوق و حركة الاسهم و مع الوقت ان شاء الله راح تتعلم الشي الكثير و لا تحاتي الفرص دائماً موجوده.
عسى الله يوفقك و يوفق الجميع

 

[Bo_NaJeM]

نصحيتك لك اسلم على فلوووسك


والله ترى ما راح اتشووف لا زواج ولا اتحصل فلوووسك

 

[مفتاح]

و عليكم السلام و رحمة الله

اخوي سعد البورصة فيه خير و لاكن لمن يتقن المضاربة و وقت الدخول و الخروج

انصحك بان لا تستعجل و اخذ وقتك بقرائة كتب التحليل الفني مع جم دورة و متابعت السوق و حركة الاسهم و مع الوقت ان شاء الله راح تتعلم الشي الكثير و لا تحاتي الفرص دائماً موجوده.
عسى الله يوفقك و يوفق الجميع

أولا للأخ aclient لاكن تكت لكن
وللسائل .... رد الأخ aclient هو الرد الصحيح والكل بيقول نفس الكلام
تعلم وأسأل نفسك ليش السهم الفلاني صعد وليش السهم الفلاني نزل ,,,,, والقراءة والحمد لله كل شي متوفر بقوقول بس اكتب فيه للي تبيه
زنصيحة لوجه الله تعالى تعلم قبل لاتصير ال 5000 دينار 500
والسلام عليكم ورحمة الله وبركاتة /

 

[alshamk]

السلام عليكم

الصراحه مادري وين اكتب هالموضوع بس من خلال قرايتي لكلامكم مشالله شفت وايد ناس فاهمه وتدري شقاعده تقول

انا مالي شغل لا بتجاره ولا بسوق ولا بغيرا على الله ثم عالمعاش

وميمع مبلغ 5000 دينار بفضل من الله وودي استثمرهم قبل الزواج
بربح يطلعلي بالشهر عالاقل 100 دينار فوق المعاش
مادري هل هالشي مستحيل ولا لا ؟

جان زين تفيدوني وين احطهم مع العلم ان في ناس انصحوني بالبورصه قالولي يعطون دورات شلون اتابع حركة الاسهم وجذي

شرايكم ؟​

الله يوفقك ويرزقك ويغنيك بحلاله عن حرامه

لاتستعجل تعلم التحليل وان شاء الله بتلقا منجم ذهب قدامك

 

[سهمك اخضر]

نصحيتك لك اسلم على فلوووسك


والله ترى ما راح اتشووف لا زواج ولا اتحصل فلوووسك

كلام عين العقل وصدقني اخونا بو نجم نصحك بنصيحه الحلوه

اسلم على فلوسك وتمتع بزواج

 

[الجابر]

الله يوفقك ويهنيك بزواجك ويرزقك ببنت الحلال اللى تسعدك وتنسيك البورصه وسنينها

والله يا ولد عمي الشباب ما قصروا وعطوك الزبده

عليمى بالسوق تضييع ..... ومو بعيد تضيع الـ 5000 دينار وتتسلف فوقهم على بو إنك بتبرد على سهمك

ما قول غير اشتر راحة البال ..... وخلك مستريح

وعسى الله يوفقك في دنياك وآخرتك

 

[saadsad]

جزاكم الله كل خير على هالنصايح والدعاوي الطيبه وبارك الله فيكم
واشكر من ارسلي رسايل خاصه وباخذها بعين الاعتبار ان شالله
وهم يبيله الواحد يتعلم اكثر واكثر قبل لا يقدم على اي شي
وبنام بالمنتدى واتعلم من نقاشاتكم لما تتضح الصوره عندي شوي

 

[بو عبدالله 007]

اخوي زيدهم جم بيزة وتوكل على الله وتزوج واترك عنك البورصه وبلاويها

 

[aclient]

أولا للأخ aclient لاكن تكت لكن
/

يا مرحبا اخوي مفتاح

ان شاء الله طال عمرك