خدامتي فيها ايدز

الموضوع في 'الوظائف والأعمال التجاريه' بواسطة ابوبدر33, بتاريخ ‏25 يناير 2010.

حالة الموضوع:
مغلق
  1. ابوبدر33

    ابوبدر33 عضو جديد

    التسجيل:
    ‏13 أكتوبر 2005
    المشاركات:
    153
    عدد الإعجابات:
    0
    ماكتبت هذا الموضوع الا لمصلحت الجميع

    يا اخوان وأخوات طلبت خدامه نيباليه من المكتب طلب جديد وبعد حضور الخدامه للكويت جابها المكتب للبيت من بكره وبعد يومين اتصلت علي المندوب عشان يفحصها وبعد عشر ايام طلعت النتيجه انه علينا مراجعة الصحه العامه في برج الأوقاف وتصلت علي المندوب ومر علي بيتي وأخذها ووداها لهم وخذو منها دم وبعد اسبوع راجعتهم وقالولي خدامتك فيها ايدز لازم تجيبها عندنا ناخذ بياناتها وبعدين سفروها ؟؟

    طبعا انا انصدمت وسألت الدكتور عن احتمال تأثرنا بمرضها وقالي .

    انت عاشرتها معاشرت الأزواج قلتله لا والحمدالله

    قال استعملتو ابره هي استعملتها قلتله لا

    قال اخذتو منها دم قلتله لا

    قال خلاص توكل علي الله مافيه الا العافيه والحمدالله ان الأمراض هذي ماتنتقل عن طريق اللمس او الكلام

    لكن سؤالي من هو المسؤؤؤؤؤؤؤؤؤؤؤؤؤؤل عن هذا الشي

    يا اخوان لنفرض انه عندي ولد مراهق كما هي حال كثير من البيوت وعاشرها هذا المراهق ؟؟ ماهي العواقب

    انتبهو من يا اخوان انتبهو
     
  2. سعيد الحظ

    سعيد الحظ موقوف

    التسجيل:
    ‏8 نوفمبر 2009
    المشاركات:
    42
    عدد الإعجابات:
    0
    العواقب ان مافي شي اسمه ولد مراهق مثل ما كل طفل يحس ويعرف ان النار تحرق لازم يكون عند عيال وعيالنا وعي بالامراض هذي ونحذرهم من الوقوع بالمحرمات مثل مانحذرهم من الرسوب وقت الامتحانات وتنتهي المشكلة وحاول


    وربك ستر وجات سليمه والله الموفق
     
  3. typhoon

    typhoon عضو جديد

    التسجيل:
    ‏9 ابريل 2009
    المشاركات:
    172
    عدد الإعجابات:
    0
    مكان الإقامة:
    الكويت
    معه احترامي لك يا بوبدر هذا مو مثل تقوله فرضا عندك ولد مراهق وعاشرها .......... انا اقول بعيد الشر ان شاء الله .....

    بس اذه عاشرها انا اقول يستاهل لأنه ارتكب الزنا ولازم ياخذ حقه ... يعني حلال عليه وحرام عليها ....... صل على النبي يا ابوبدر واذكر الله انه ما حاشكم شي وادفع دفعت بلى .. صدقه .
     
  4. ح.الموسوي

    ح.الموسوي عضو نشط

    التسجيل:
    ‏17 يوليو 2009
    المشاركات:
    272
    عدد الإعجابات:
    0
    مكان الإقامة:
    الكويت
    سفرها وفك عمرك خل تولي الله لا يبليك يارب ويكفيك شر الامراض انت وعيالك
     
  5. خالـــــد

    خالـــــد عضو نشط

    التسجيل:
    ‏12 مايو 2004
    المشاركات:
    756
    عدد الإعجابات:
    0
    انا خدامتي قعدت عندي سنتين يوم رحت المطار بسفرها قالولي بالكمبيوتر عليها منع صحي

    يعني بالعربي فيها شي واحنا اخر من نعلم

    طبعا اخذت ورقه من داخل ومشت وسافرت وطبعا ما سألت شنو فيها خفت اسأل واخاف و اوسوس مو ناقصين

    عاد الله يستر علينا ويعافينا قولوا امين
     
  6. hguadv

    hguadv عضو نشط

    التسجيل:
    ‏5 نوفمبر 2007
    المشاركات:
    619
    عدد الإعجابات:
    0
    الله يستر مو المشكلة اننا نفحص الخدامة ونخليها بالبيت عند اليهال هاذا غلط المفروض يسون حجر صحي وفحص سريع ودقيق احنا بديرت خير وراداتنا كثيرة والحمدالله والله يفكنا من المناديب والموضفين المرتشير دمرو البلد
     
  7. ناصر فيصل

    ناصر فيصل عضو نشط

    التسجيل:
    ‏15 نوفمبر 2005
    المشاركات:
    433
    عدد الإعجابات:
    0
    مكان الإقامة:
    الكويت
    ايدز

    المكتب يرجع لك فلوسك لانه يتوجب عليه عمل الفحص قبل دخول الكويت .
     
  8. بحريني1972

    بحريني1972 عضو نشط

    التسجيل:
    ‏26 مايو 2009
    المشاركات:
    3,222
    عدد الإعجابات:
    1
    مكان الإقامة:
    الكويت الحبيبة
    يا جماعه انا ودي اقول لكم شيئ من واقع تجربه

    اول شيئ الفحص الطبي اللي تسويه الخادمه في بلدها ما تقدر تعتمد عليه حتي 1 % لان الاكثريه مسوين فحص بالواسطه وباي طريقه عشان بس تطلع تشتغل

    ثاني شيئ والاهم انت لازم اول ما توصل الخادمه ثاني يوم توديها فحص طبي لا تقول مشغول وكذا وكذا لالالالالا علي طول الفحص ولغاية ما تحصل علي النتيجه حاول ان شغلها بالبيت يكون خفيف جدا يعني التنظيف فقط وتبعدها عن الاطفال والاكل لحين التأكد من النتيجه

    كفاكم الله شر الامراض
     
  9. المنظور الشامل

    المنظور الشامل عضو نشط

    التسجيل:
    ‏30 مايو 2009
    المشاركات:
    1,161
    عدد الإعجابات:
    0
    الحمدلله على كل شئ وقل أنا لله وأنا إليه راجعون والحمدلله أن ربك سلمك أنت وعيالك المشكلة أكبر من أن شخص مراهق يعاشرها للمعلومه ممكن المريض بالأيدز يكون مريض نفسي يمكن من استلامه للمرض يدور مضرة الناس ويحب ينقل لهم المرض مثل تشرب عيالكم اليهال الدم الملوث وهذي شئ من لا شئ خليكم من كلمه الرجل المعاشره في بلاوي .

    أنا من راي الشخصي أنا المكتب ما يسلم الخدامة للناس إلا بعد فحصها وضهور النتيجه وتحياتي
     
  10. الغريب العجيب

    الغريب العجيب عضو جديد

    التسجيل:
    ‏12 ديسمبر 2009
    المشاركات:
    507
    عدد الإعجابات:
    0
    الرأي الصحيح

    نستغني عن الخدامه

    وليش الخدامه

    عندي زوجه تطبخ وتنظف

    حالها حال جميع الزوجات بالعالم العربي والغربي

    مو دايخه يوم بالكوافيره ويوم بالسوق ويوم مدري وين

    هذا الحل

    ويقولون ليش الغرب متقدم علينا !!
     
حالة الموضوع:
مغلق