افيدوني اثابكم الله - عامل ممسوك بلجنة ثلاثية؟

حبر و ورق

عضو جديد
التسجيل
23 أكتوبر 2009
المشاركات
7
السلام عليكم ،،

مرحبا بعيال الديره ،


شباب اثابكم افادكم الله ، اتصل على المندوب

قال: انا ممسوك في لجنة ثلاثية وانا بالباص الان

حاولت اكلم احد رجال الامن اللي معاه لكن ماينلامون لرفضهم

الزبده يا اخوان قلت له اذا وصلت المكان اللي يبيونه دق علي
للاسف تم اغلاق جهازه ولا من خبر ولا من جواب

الان اللي عنده سابق خبره ياشباب يفيدني ،،،

وين احصل العامل اي اداره من ادارات وزاره الداخليه ؟

ماهي الاجراءات المطلوبه و ماهي الاشكاليه اصلا؟؟

للعلم امسكوه في خيطان في مكتب تاجير سيارات كان يخلص شغل عندهم


شكرا للتعاون
 

general

عضو نشط
التسجيل
1 أغسطس 2009
المشاركات
1,510
الإقامة
بلاد الله الواسعة (الكويت)
اخوي , المندوب تم القاء القبض عليه من لجنه الثلاثيه (يا اما ماعنده اقامه صالحه يا اما عنده اقامه على شركه اخرى وصادوه بمكتب سيارات (شركه ثانيه) بأنه قاعد يشتغل عندهم (ممنوع يشتغل بشركه غير شركه الي كافلته ) على العموم دام خذوه ماينفع الحجي (كان يخلص لهم شغله ومايشتغل وكان قاعد يشرب شاي) اهم خذوه لسجن الابعاد الي فيه الشويخ (تقريبا عند سجن الاحداث) بجانب دوار امم المتحده , ويدلونك ياه وين بالضبط . لكن روحتك لهم مامنها فايده لان لازم تروح لإداره مباحث الهجره الي مقابل يوريكا القديم الشويخ . وتصعد الدور الاول وتقول لهم اسم المندوب ومكان القبض عليه ويطلعون لك الملف وتقول لهم شسوي عشان اطلعه واهم يقولون لك يا تسوي له اقامه (ان ماكان عنده اقامه) او اذا كان عنده اقامه لازم تحول اقامته على الشركه الي صادوه فيها , وبعدها ترجع لهم ويعطونك كتاب افراج وتروح سجن الابعاد وتطلعه .

ملاحظة : ماينفع تروح لسجن الابعاد ماراح يفيدونك بولاشي بدون ماتبيب كتاب افراج من مباحث الهجره . قبل كل شي روح لمباحث الهجره وقول لهم يطلعون ملفه وقول لهم شنو المطلوب عشان تعطوني كتاب بإفراجه
 

حبر و ورق

عضو جديد
التسجيل
23 أكتوبر 2009
المشاركات
7
مشكور ويعطيك العافيه

نورتنا نور الله قلبك بالايمان
 
أعلى