وهذي قصيدة في سموووووووووووووه
سلام يانسل الحرار الحلاحيل
سلام ياشيخ يساوي قبيله
شيخ تعلا مطلع الجدي وسهيل..
من روس قوم العاديه والنفيله
يامروري العطشان يامزبر الهيل..
ياللي مواكيرك براس الطويله
ملكتني بالطيب ياشيخ بالحيل..
ولو مامدحتك يالسنافي فشيله
تعطي ولا تبغى مدايح وتبجيل..
متواضع ياطيب بنفس عليله
فيك افتخر يابن الشيوخ المشاكيل..
دمث الحلق مافيك كود الفضيله
قلبك وبيتك للخلايق مداهيل..
مفطور من صغرك لكسب الجميله..
ماتعتذر بظروف والا مشاغيل
طيبك فلا عينت طيب مثيله..
وليا ادلهم الهم ثم اعمس الليل
تاقف ياشيخ سالم..وهمي تزيله..
لله درك .. ياغناه الرجاجيل
لله درك ..ماوطيت الرذيله..
تفخر بك الاجيال جيل ورى جيل
زيزوم وفعولك نوادر اصيله..
منهو برك للحمل ملزوم بالشيل
وانا اشهد ان الحمل كله تشيله..
ياعزوتي ومركاي في ساعه الميل
ومن ضامته دنياه تشفي غليله..
واللي يقول ابغى على القول تدليل
ينشد ارامل مالقت من يعيله..
وينشد يتامى حدها الجوع والويل
وينشد ضعيف مالقا من يجيله..
عسى بحياتك ماتشوف البهاديل
يامسند ما ابغى سناد بديله..
علمتني ان المصاعب تساهيل
وان اجزل اشعاري بحقك قليله
(( منقوووووووووووو ل ))
دعاء لسمووووووووه
http://www.youtube.com/watch?v=5l6E-3H5j7s
الشاعر بدر ناصر المورقي
http://www.youtube.com/watch?v=b6HBJIj2bUs
