هل هناك طريقه لأبدل الى لوحات سعودية بالخفجي أو الرقعي

[am7]

علشان الواحد ما يحس بالغربه هناك ؟
هل في طريقة عندهم أغير لوحات سيارتي الكويتية الى سعودية و بالرجعه يردون لي لوحاتي الكويتية

حتى لو في رسوم ؟ و كم ؟

 

[نسناس الشمال]

هههههههههه مافيه ياخوي

 

[رشيد]

غربة! ترى رايح السعودية مو ايران

 

[560SEL]

اي غربه والله ما عمري حسيت اني غريب بالسعوديه والكويت كانك بديره وحده يبه والله ما احد يمك

 

[am7]

انا معاكم تمام مع أخواننا السعوديين ما تحس بغربه
لكن من الاجانب أمثال اليمنيين و غيرهم

انا انسرقت سيارتي بالدمام
كسروا الجام و سرقوا جنطه
طرارين اذا شافوا لوحه كويتية يكبسلك بالشارع و يوقفك و يشحذ

 

[أبوفلان]

انا والله بعد كسرو سيارتي بالخبر ، وسرقوا كل الاغراض الله لا يوفقهم ، حتى دشداشتي وغترتي سرقوها ،،

ولما رحت البحث الجنائي ، الله يعزكم حمير ما يفهمون ، ولا احد مهتم لك ولا يشتهون يشوفون وجهك ،،

وآخر شيء يقولي الظابط ( انت المفروض تشيل لوحاتك لأن اللي رقمة كويتي يسرقونة ) قلت له يخالفوني ، قالي احسن من يسرقونك ،،

 

[نسناس الشمال]

انا اسافر وياك اذا بغيت تروووح ولا يهمك ..

 

[يوسف الشمرى]

يأخوانى السرقات بكل مكان بالدمام والخبر والكويت بجميع مناطقها لما تروح تشتكى من سرقه سواء بالكويت والسعوديه يكون الرد حادث ضد مجهول لذلك انا انصح اخوانى انهم مايخلون اى اوراق رسميه او جوازات داخل السياره 0 والله الموفق وسافر ياراعى الموضوع ولاتخاف

 

[بوسعد@]

أما بالنسبه للمضايقات تلقاها بكل دوله ..... وبالنسبه للسعوديه صار معي أكثر من موقف لأني كثير السفر للسعوديه ... مره لقيت قاطين على سيارتي كياس الزباله أعزكم الله ومره أمسكرين على سيارتي أكثر من يومين ومره حاديني بالشارع فقلت الحل الوحيد أني أحول اللوحات سعوديه وحولتها وكأن لم يكن ... ما أقول غير الله يهديهم أهل العقول الرديئه

 

[bo hazm]

اخوي الحل الوحيد انك اتشيل اللوحه الي ورا
وتحطها قدام والي قدام تحطها ورا واهنيه محد
يفكر يسرقك

 

[Maxima]

والله يا اخوان دايم اروح السعوديه ولا لقيت الا كل الخير من اخواني السعوديين

 

[Bo-SaNaD]

المضايقات موجوده في كل مكان ومثل ماقال الاخ صاحب الموضوع اليمنيين يوقفونك بالشارع ويطرون... في طريقه انا اسويها دايما لي رحت اي دوله بالسياره

اول ما اطوف الحدود انزل وافك اللوحات وخليهم وياي بالسياره واخلي السياره بدون لوحات واي دوريه توقفك قوله اللوحات طاحت وانا بالدرب واللحين بروح اركبهم وبس

 

[Winchester]

اخواني انا نفس السؤال ولكن :

عندي وانيت لوحاته كويتيه وابي احولها سعوديه على طوول ماني مغيرها شلون الطريقة ؟ ​

 

[am7]

اخواني انا نفس السؤال ولكن :

عندي وانيت لوحاته كويتيه وابي احولها سعوديه على طوول ماني مغيرها شلون الطريقة ؟ ​

Winchester ذكرنا


ياخوان ترا نسينا عنوان الموضوع
اقدر ابدل لوحات سيارتي للوحات سعودية و لما أرجع يردون لي لوحاتي
حتى لو فيه رسوم أدفعها ؟

 

[الاماكن]

ما يصير تحول لوحاتك من كويتيه الى سعوديه الا في حال تحطها باسم سعودي او مقيم كويتي بالسعوديه او يكفلك واحد سعودي هناك تقدر تحول

ثانيا انا اشوف الاخوان يتكلمون عن السعوديين من عمرنا نسافر مالقينا الا العلم الغانم من اخوانا السعوديين وهم في نعمه واخلاق العرب الصحيح والله لو تصير لك مشكلة مايقصرون وماتحس بالغربة وامان الله لا يغير علينا وعليهم

 

[بو صالح }~]

انا وانت ابناء الخليج مجلس التعاون الله لايغير علينا الله هم امين

 

[ال ثنيان]

فكره حلوه توحيد لوحات الخليج مع العمله مره وحد

 

[560SEL]

يبه انا طلعت الصبح ولقيت السياره مدعومه بنفس البلد اللي عايش فيه ولوحات سيارتي لوحات الدوله يعني مالها شغل اللوحه لكن الدني دني
يا يبه اللي ينزل من سيارته ولا يطلع من بيته ولا يسافر عن اهله
يقول اللهم اني استودعك هذا الشي سواء سيارتي ولا بيتي ولا عيالي والله حتى لو اللي يبي يضرك ويوصل لحلالك واهلك في شي يمنعه ولا يقدر يسوي الا وهو حفظ الله

 

[SAUDY2006]

السلام عليكم .

احس اكثر الشباب الي تكلمو كذابيين لأن انا عندي ثلاث سيارات كويتيه واكثر وقتي بالرياض وجده والحفر وما شفت شي هذا اولاً .

ثانياً الي مسمي نفسه ابوفلان اضن لو انك رجل وقد كلمتك كان قلت للبحث الجنائي حمير عشان تعرف شنو بكون قدرك عندهم ويعلمونك كيف شكل الحمير .
وشكري موصول للناس المحترمه فقط .

 

[am7]

Saudy2006

يعني انا لما قلت اللي صار معاي كنت أكذب !
الله يسامحك