شلون الاودي a4 موديل 2009؟

[المهندسـة]

السلام عليكم
حبيت استفسر عن الاودي A4 1.8 Turbo موديل 2009 ،شفت وحدة اليوم ماشية 10 الاف ، كاملة المواصفات وعليها كفالة 3 سنين من الدعامية للدعامية و 5 سنين سيرفس مجاني

شلون الاودي بشكل عام؟
وشلون الـ Turbo صج ما تحن ونفس 6 سلندر والا لا ؟


مع العلم ان انا عندي BMW 328Ci ، يعني نوعي ادوس
​

 

[ابو_نايف]

حياج الله يا المهندسه بين اخوانج وخواتج

والله الاودي سياره لا يعلا عليها

وماعرف موصفاتهم بس الاودي بشكل عام ممتازه والكل يمدحها

وتقبلي مروري

 

[يعقوبيان]

الاودي سيارة وايد حلوة وما عليها كلام
وان شاء الله واحد من الاخوان يفيدج

 

[LEXUS]

الاودي حلوه بس بعد سنتين اطيح بجبدج

ماكو على اللكزس

 

[Bo-SaNaD]

الاودي سياره عجيبه وافضل من البي ام والمرسيدس واهي السياره نمبر ون في اوربا والمانيا بوجه الخصوص بس عندنا بالخليج مو مفضله انا شخصيا ما انصح فيها لسببين الاول لان الاودي تقريبا كل 3 سنوات تغير الدزاين مال البدي كت والثاني سعرها بسرعه يطيح بس اذا انتي تدوسين وتحبين السرعه اخذي لكزس is.Fs1 Sport حجمها نفس الادوي واسرع من الاودي واقتصاديه وسعرها معقول ويكفي انها ياباني وفخامه في نفس الوقت
ان شاء الله اكون فدتج وبالتوفيق

 

[الصقري 1]

السلام عليكم
اختى الصراحة ما انصحج فيها و السيارة اتحن وما تمشي وانا اكلمج عن خبرة ومجرب السيارة نصيحة لا تاخذينها

 

[maz149]

يا ختي أنا ما عندي معلومات عن od
بس , اش حادك على السرعه. ترى ما وراها الا المصائب
و هذي عن تجربه
بالتاوفيق

 

[fahed.111]

حرام تحطينها قدام بيتك

 

[abu yousef]

ما شاء الله صج سياره اخذيها ولا تفكرين وبالنسبه للسرعه السياره قويه وثابته (اودى ) ما عليه كلام

 

[bomalch]

يعني خل تخلص الكفاله وبيعيها وريحي رووحج
محد له خلق اجاابل سياره مستعمله وخصووصا بنييه
ولحد اقوول عندنا وحده
الدنيا حظوووظ شوفي شي تستعمليينه ولا بغيتي تبيعيين تييبلج جم دينار
ترى بسرعه يطييع سعرها شوفي شي الناس كلها تستعمله عشان ينصحوونج وقت التصلييح وبالبيع تييب سعر

والسمووحه على الاطوااله الزايده

 

[anonymes]

اعرف 4 عندهم أودي وأنا الخامس

a4 تيربو تمشي زين وما فيها حنه وسريعة وخفيفة

ونصيحه طلبي إتجربينها وإتسوقينها قبل لا تشترينها

السيارة حلوة بس قطع غيار نااااااااااااااااااار وايد غالية القطع عالطل

انا اقول شوفي الإنفينيتي (السيارة بالنسبة لي أحسن سيارة كشخة بالعالم من ناحية جودة وسعر) بس سعر السيرفيس مالهم مو رخيص