استشارة بخصوص شراء ايفون غير مفتوح

[bo zaid]

جميع الاخوة الاكارم السلام عليكم ورحمة الله

نبي منكم مشورة بارك الله فيكم انا صايرلي فرصة لشراء جهاز ايفون من امريكا بس غير مفتوح وانا سمعت بانه يمكن فتحهم هني بالكويت
فالسؤال هل هذه المعلومة صحيحة و اذا كانت صحيحة كم يكلف فتح الجهاز
وهل يعمل بشكل طبيعي مثل المفتوح رسمي ولكم جزيل الشكر على النصيحة

 

[IPROBIG]

وعليكم السلام ورحمة الله وبركاته

اخي الكريم اللي اعرفه ان في اصدار قديم وجديد الجديد ما تقدر تكسر حمايته

اما القديم تقدر واذا كسرتها يصير نفس المفتوح بالضبط

وبالنسبه للسعر والله ماعندي خبر

وان شاء الله باقي الاخوان ما يقصرورن معاك بالمعلومات

تقبل مروري

 

[عادل العماش]

اخوي جمعه مباركه مافيه فرق بين المفتوح والمقفل كلها تقدر تسوي لها الي تبيه من محلات يعرفون للايفون مثل اكس بي الي في حولي وفيه محل قريبه منه والله مدري شنو اسمه لكن الي فيه باكستاني
وايفون كلها نفس بعض مافيه فرق بينهم كلها كلام تجاريه الي يقول قديم والي يقول جديد لكن فيه 2 جي و3جي وفيه اوفشينال البرنامج الي تنزل البرامج موجوده فيه من الصنع والثاني انت الي تنزل له برنامج التنزيل ويصير نفس الثاني
ولك والجميع الشكر

 

[IPROBIG]

عادل العماش

المقفول يشغل بس خط الشركه اللي مقفول عليها مثل at&t اذا حطيت خط من الشركات الكويتيه

الجهاز ماراح يشتغل الا في حاله وحده واهي انك تكسر حمايته اللي يسمونها جلبريك

طبعا اذا كسرت حمايت جهازك وابل نزلت تحديث حق السوفتوير ماراح تقدر اطور جهازك المقفول اللي كسرت

حمايته لأنك اذا طورته راح يقفل مرا ثانيه وتنطر فريق المطوري لين ينزلون جلبريك متوافق مع

السوفتوير اللي عندك

هذا على حسب تجربتي مو كلام تجاري وعلى فكره انا لا ابيع ولا اشتري اي فون ولا اتاجر في

انا شغلتي اكسسوارات

وان شاء الله كلامي يكون نفع صاحب الموضوع

واسف على الاطاله

فمان الله

 

[عادل العماش]

اخوي مشكوور على الكلام الي تقوله
وانا عند كلامي والجهاز الي عندي شغله على اي كرت بالكويت وانا اتكلم عن شي مجربه
وكم جهاز شريته 3جي اس او 3جي
لو تقول الصاحب المحل وشلون فك القفل قال لك عادي
ماهو مشكله لكن اذا قلت له كيف الطريق قال والله صعبه
وهو يطالع الجيبك انت معاك ايفون ولاالا
انا يوم قلت له هذا ايفون 3جي اس وهذا 3جي عادي
وهذا غير مقفول وهذا تقول انه مقفول قال والله عادي يالطيب مافيه فرق حتى لو قفل شغل النت وفكه قلت انت تقول انه صعبه وهذا الكلام اكس بي الي في حولي
وهو افضل شي

 

[N7eeS]

الايفون بدون كسر حماية jailbreak يعطيك 25 % من قوته فقط واذا سويت له جيل بريك بتعرف انك كنت في سابع أرض و بعدين صرت في سابع سما

1- الضمان يسقط اذا اكتشف انك كسرت حمايته تعمل له ريستور )) , نعم الريستور كفيل بالغاء جميع المشاكل ( جهازك بيرجع جديد )
2- اذا تم عمل ريستور للجهاز وهو في وضع DFU يرجع جهازك جديد ولن يتمكن أحد من معرفه اذا ما تمت عملية كسر الحماية له
3- كسر الحمايه بحد ذاتها عمليه امنه 99,9999999%
ظهور المشاكل في الجهاز يكون بسبب تركيب برامج غير كاملة ( نسخ تجريبيه ) وفي بعض الاحيان بسب تعارض البرامج مع بعضها البعض


بالعربي كسر الحمايه شي امن والمشاكل من البرامج وتقدر ترجعه في اي وقت الى وضعه الاصلي في حاله ظهور مشكله

 

[IPROBIG]

اخوي العماش كلامك وتجربتك علي راسي من فواااق

بس ابي اسألك هل عندك اي فون مقفول ؟؟

اذا كان الجواب نعم كيف عرفت انه مقفول ؟؟؟

وهل اذا كان جهازك مقفول تقدر اطوره وتشغله علي خطك من غير ماتسويله

(( جلبريك )) ؟؟

واسف علي الاطاله