شكوى الى بنك التسليف فرع الصليبخات

[بيبلوس]

الكشف على القسيمة يستمر اسبوعين من بعد مدينة سعد او جابر ومن ثم تأتى الى البنك وتاخذ رقم وتنطر بالدور ساعة ساعتين وبكل برود يرد عليك الموظف ماكشفو على بيتتك حط موعد جديد ولا حول ولا قوة الا باللة

 

[مارس1]

عمك اصمخ

 

[طارق55]

مره من المرات رحت لهم وقلت لهم ابي كشف ... بعد اسبوعين .. قالوا ماكو شئ سويته انت أي لاجديد عندك في القسيمه !! قلت لهم التغيرات صارت داخل القسيمه ومافي احد دخل داخل القسيمه لاني سألت الحارس .. وقال لي مافي احد دخل داخل وطالع القسيمه ... سألتهم : ليش المفتش مالكم يطالع القسيمه من برا ؟؟ حطيت موعد ثاني .. وبعد اسبوعين ايضا قالوا ماكو شئ جديد .. رحت اخذت من البنك الرئيسي ال 3 الاف استمراريه عمل .. واشتغلت في البيت .. وبعد شهر رحت لهم .. ايضا طلبت كشف .. وأستملت الفلوس الحمد لله بعد شهر تقريبا من طلب الكشف !! الناس تبي افلوسها والعمال كل يوم يتصلون يبون حلالهم .. وانا كل يوم اقولهم بعد اسبوغ تجي الفلوس .. والموظف بكل برود يقول .. ماكو شئ تعال بعد اسبوع !! شوفوا حل يابنك التسليف .. غيروا الاليه وقلصوا المواعيد تري الناس ملت .. وقاعد انا احط من معاشي .. والحاله اصبحت ضنك .. والسبه روتينكم القاتل .. وبعدين شنو قصه .. انت انجز وبعدين احنا نعطيك الفلوس ؟؟ والي ماعنده افلوس اشلون .. يأخذ قرض ربوي علشان ترتاحون يعني ؟؟ سهلوا علي الناس الله يسهل عليكم ..

 

[بو صالح }~]

وسع صدرك مع البنيان
والله يوفقك

 

[العاشق]

للعلم بس ان فرع بنك التسليف اللي بالصليبخات

اسمه بنك التسليف فرع الجهراء

فرع الجهراء وموجود
بالصليبخات شكووووووووووووووووووووووووووووووووووووو

يعني من الاساس موقعه ومكانه غلط وشنو ترجون منه غير البهاذيل

الله يكون بالعون​

 

[طارق55]

هذي القصه صحيحه .. قبل رمضان الي فات .. جاني المقاول يبي باقي افلوسه وهي تقريبا 700 دينار .. قلت له بنك التسليف مواعدني بعد اسبوع .. فأبيك تنطر اسبوع واحد بس .... قال والله انا قاعد بالكويت علشان هالفلوس لاني ابي أقضي رمضان مع عيالي في سوريا .. المهم بعد اسبوع رحلت للبنك وكالعاده تعال بعد اسبوع ثاني ! قلت للمقاول تري هذوله سالفتهم طويله .. لهذا انت روح سوريا وطرش احد من طرفك اعطيه الفلوس وهو يحولهم لك ... وافق المسكين .. راح سوريا لقه بنته الكبيره امس متوفيه .. طبعا الاعمار بيد الله ولكل أجل كتاب .. لكن فعلا انا اخرته ولو كنت معطيه الفلوس لربما شاف بنته .. استغفر الله احنا مانعترض علي حكمه الله وكلمه لو تفتح عمل الشيطان .. لكن القصه هذي اثرت فيني وايد بصراحه .. وليلحين اتذكرها .. الله يرحمها ويرحمنا جميعا .. ولاأعتراض للامر الله

 

[فريج الكويت]

ياجماعه انا موظف فى بنك التسليف بس بالعاصمه والله ماتتصورين شكثر ضغط علينا تخيلوا اقل من 380 موظف ماسكين الكويت كلها صج ضغط مو طبيعى وانتوا روحوا اى فرع سواء الصليبخات او الاحمدى وشوفا ضغط المراجعين شى مو طبيعى ومعاشات نفسها نفس وزاره وهالشى يأثر فى الانتاجيه تعالوا شوفا المراجعين كلام ماينقال اكثر نسبه استقالات فى بنك التسليف على مااظن

 

[المتفوق]

الكشف على القسيمة يستمر اسبوعين من بعد مدينة سعد او جابر ومن ثم تأتى الى البنك وتاخذ رقم وتنطر بالدور ساعة ساعتين وبكل برود يرد عليك الموظف ماكشفو على بيتتك حط موعد جديد ولا حول ولا قوة الا باللة

وسع صدرك اخوي بيبلوس بس الا لفظ الجلاله سبحانه وتعالى
بالله

 

[ابوو عبدالله]

الله يكون بالعون ان شاءالله