BMW والا Audi ؟

[المهندسـة]

السلام عليكم
حبيت اعرف رأيكم بسيارتين محتارة فيهم
bmw 330
موديل 2008
ماشية 45 الف
كاملة مواصفات
كفالة من الوكيل سنة
سيرفس منتظم

او

audi a4 1.8 turbo
موديل 2009
ماشية 10 الاف
كاملة المواصفات
كفالة من الوكيل 3 سنين على السيارة و 5 على السيرفس (مجاني) طبعا الكفالة بدت من العام

مع العلم ان سيارتي الحالية bmw 328ci واني احب السيارات السبورت
شنو الافضل وليش؟​

 

[عاسف الأصايل]

في البدايه الله يرزقك اختي الكريمه

اما المشوره

استاجري كل سياره يومين وعقبها احكمي لى الي ترتاحين على سواقتها

موفقه

 

[حيدروف]

البي إم في حالة إعادة البيع لها قيمة أكبر بالسوق من الأودي. ولكن الأودي عنده جاذب وهو الكفالة والسيرفس لفترة طويلة.

بالنسبة لي أنا من محبي البي إم. ونفس ما قال الأخ قبلي أجري السيارتين وإحكمي عليهم لأن بالنهاية الناس أذواق.

 

[G900]

طبعا الكوبيه أحلى

 

[LS__430]

السلام عليكم
حبيت اعرف رأيكم بسيارتين محتارة فيهم
bmw 330
موديل 2008
ماشية 45 الف
كاملة مواصفات
كفالة من الوكيل سنة
سيرفس منتظم

او

audi a4 1.8 turbo
موديل 2009
ماشية 10 الاف
كاملة المواصفات
كفالة من الوكيل 3 سنين على السيارة و 5 على السيرفس (مجاني) طبعا الكفالة بدت من العام

مع العلم ان سيارتي الحالية bmw 328ci واني احب السيارات السبورت
شنو الافضل وليش؟​

بالنسبه للbmw 330 سيارة رياضيه أنيقه وحلوه وشبابيه درجه اولى

وخصوصا بعد ماتغير شكلها وصار أحلى من الموديل إللي عندج

تم تعديل أغلب المشاكل إللي بالموديل السابق مثل الأبواب بعد مده قصير يطلع لها صوت
والجامات تدخل صوت الهوا
والكراسي الخلفيه ضيقه وغير مريحه
وبعض مشاكل الماكينه
وخصوصا الدينمو يشكل ويضعف ويسبب تلف بالظفيرة ( الدائرة الكهربائية )

وبالنسبه لسعرها مبالغ فيه نوعا ما لأن على حسب إطلاعي على أسعارها

ci330 2009 سعره يتراوح بين14500 دك الى 16000 دك على حسب المواصفات والممشى

i330 2009 سعره يتراوح بين 12500 الى 14000 دك
على حسب المواصفات والممشى

وبالنسبة للقطع الغيار سعرها مناسب بعض الأحيان على حسب القطعه

اما الأودي a4 2009

منافس قوي لل ci330 من ناحية الأداء والثبات بالطرق وسرعة إستجابة الناقل الحركة

وسعرها يقارب سعر ال ci330 bmw

ولكن بالنسبه للشكل ci330 أفضل من a4 بدووووون وجه مقارنه

ولكن الأودي a5 الكوبيه أفضل منهم لأنها تجمع بين الشكل الأنيق والسرعه والمواصفات القياسية والمقصورة الداخلية الواسعه

وإذا حيرتج إنحصرت بين ci330 ووو a4

يعتمد على إمكانيتج الماديه ال ci330 راح يتم دفع لها السيرفس وأي مشكلة تتم بالمحركات

اما الأودي a4 عليها كفالة شاملة وسيرفس مجاني لمدة 5 سنوات

وهذا أفضل حتى لو كانت أكثر من ناحية السعر ( تريحين راسج من دفع تكاليف تصليح إضافيه )

ولكن أنتبهي وإسألي على موضوع السيرفس المجاني هل يشمل اي عطل يحصل للسيارة بدون تحمل سعر القطع !!!

لأن بعض الشركات تقدم عروووض للمستهلك وإعلانات بسيرفس مجاني لمدة سنه او أكثر

ولكن تشمل العروض على تبديل الزيت والفلتر والسفايف والبلاكات التصفيه فقط وأي عطل ثاني يتحمله العميل

والله يوفقج بالإختيار الزين​

 

[ابو سالم1]

ال بي ام لها سوق ومرغوبة
بس الاودي مالها سوق وبيعتها صعبة

بالتوفيق للجميع

 

[heart]

Bmw وبس عن تجربه

الاودي مهاما كان ممتاز ماله سوق وبيعته ثقيله

 

[خسران جداً]

في بي ام جديد 2010...توه نازل يشابه البورش بانيميرا...انصحج تشوفينه قبل لا تشترين. اما السيارات اللي قلتي عنهم انا اقول ان مالهم داعي...اخذيلج لكزس كد ومد وسعرها فيها.

 

[q8ty_azgarty]

وانا اقولج مثل ما قال اخوي خسران وانشاءلله تكون خسران بالدنا وفايز بالاخره
اخذيلج لكزس ابصراحه ينافس الالماني ابقوه
من جميع النواحي

 

[Rap Soul]

بسم الله الرحمن الرحيم

السلام عليكم ورحمة الله وبركاته

اسأل الله ان يوفقكم ويرزقكم بما فيه الخير والصلاح
ويوفقنا ويوفق جميع امة المسلمين اللهم آمين

بالنسبة للأودي مثل ما قالوا الاخوان بيعتها ثقيلة

لكن صلي استخاره يا اختي وعسى يوفقكم اللهم آمين

في أمان الله

 

[بو يويو28]

من ناحيتي
افضل الــ BMW
وعن تجربة
نظره وخاصتا موديله يديد توه نزل من 2007
وسبورت ممشاه حلو وانسيابي
واذا انتي من هواة السرعه اخذيلج 335CI عليها تيربو من الوكالة
الله مبطله الكشف وبهالجو الحلووو .. روعه .. والله يوفقج ..​

 

[Winchester SX3]

بطلع بره الموضوع شوي

شوفي z4 اليديده ماشاء الله خوش تصميم وحلوه

أو اللكسز باب واحد ( تصلح للبنات )

 

[اسير الشوق1]

يعطيكم العافيه يا شباب ما قصرتو ...

يا معوده كل هذا ومحد اعجبج رايه ....


جـــــــــــــــامليهم علي الاقــــل ....​

 

[يوسف الشمرى]

بالتوفيق أن شـــــــاء الله

 

[المهندسـة]

يعطيكم العافيه يا شباب ما قصرتو ...

يا معوده كل هذا ومحد اعجبج رايه ....


جـــــــــــــــامليهم علي الاقــــل ....​

عفوا منو قالك ان محد عجبني رأيه؟
يا ريت تقول شي فعلا صاير والا مقيول

 

[المهندسـة]

مشكورين جميعا اخواني ردودكم فعلا فادتني ما قصرتوا

 

[الحريه وطن]

حتما الbmw افضل مليون مره

 

[الأرستقراطي]

bmw 5 series موديل 2011 على الأقل يكون عندك آخر موديل و نظرته بالشارع خلال سنتين ما تتغير لأنها سيارة جديدة و أعتقد سعرها راح يكون بحدود ال 15 الف منتصف 2010 بالتوفيق
http://www.youtube.com/watch?v=AlUm7EBCbaw&feature=channel

 

[troy1]

عن تجربه للسيارتين ..
البي أم اكشخ نوعا ما من الاودي ولها سوق عند البيع
لكن صيانتها مزعجه ومشاكلها وايد ومعقده ..
الاودي اقوى وامتن كـ استخدام .. واذا بتستخدمين راح تعيش وياج وما تأذيج
انصحج بالاودي واستخيري

 

[M7med]

انا اقول الاودي بالنسبه للبي ام ٣٣٠ افضل مليون مره
الاودي عطية الله وانا مجرب مواصفات واستعمال وخدمه
انا املك 1.8 turbu صج سياره
وللعلم الاودي افضل تكنلوجيا باالعالم هذا طبعا مو كلامي هذا كلام الخبرا
وخصوصا الشكل الجديد رهييب وماله منافس
أسأل مجرب ولاتسأل طبيب

اما اذا ترغبين الكوبيه انا انصح بال A5 سياره عجييبه وحجمها كبير ورزه وهذا غير المواصفات
وشكرا​