أسئلة من عليمية أسهم (بيت التمويل الكويتي)

الموضوع في 'السوق الكويتي للأوراق الماليه' بواسطة الشجرة, بتاريخ ‏3 فبراير 2010.

  1. الشجرة

    الشجرة عضو نشط

    التسجيل:
    ‏3 فبراير 2010
    المشاركات:
    128
    عدد الإعجابات:
    0
    الســــــلام عليكـــــــم.

    أنا عضوة يديدة وأتمنى إني ما أكون مزعجة .. لأني عليمية وأسئلتي وايد فتحملوني. :)

    باختصار أبي أدش البورصة بإذن الرحمن ... وعيني على شي واحد بس اهوه اسهم بيت التمويل .. مو مفكرة اخاطر بشي ثاني


    فأسئلتي اهيه:

    1- شلون بالضبط أفتح حساب بالبورصة علشان أقدر أشتري أسهم. شنهي المستندات والأشياء المطلوبة. وين أروح بالضبط؟


    2. شلون أقدر أشتري أسهم بيت التمويل؟ يعني أنطر لما أحد يبيع؟ يعني في أسهم معروضة للبيع الحين مثلا ولا انتظر الدور لما أحد يبيع؟
    ما أدري ليش أحس انه محد يبي يبيع اسهم بيت التمويل .. بس قلت بما انه الارباح نازلة هالسنة .. يمكن في ناس يبون يبيعون أسهمهم.


    3- جم سعر سعر السهم اليوم لو بشتريه؟ وهل في حد ادني للشراء ولا أقدر اشتري بأي مبلغ؟
    يعني على جم أحسب حسابي لو كان في حد ادني للشراء.


    واذا في أي نصايح ثانية اتمنى انكم ما تبخلون علي.

    وشكـــــــــــــرا جزيــــــــــــــــــــــــلا :eek:

    وسؤال خارج السياق:
    هل ودائع بيت التمويل يطلعون عليها زكاة؟ ولا العميل مسؤول انه يطلع زكاتها كل سنة؟
     
  2. azeez78

    azeez78 موقوف

    التسجيل:
    ‏22 ديسمبر 2009
    المشاركات:
    125
    عدد الإعجابات:
    0
    نصيحة من مخلص لا دشين البورصة خالص
     
  3. سهمك اخضر

    سهمك اخضر عضو جديد

    التسجيل:
    ‏22 أكتوبر 2009
    المشاركات:
    9,425
    عدد الإعجابات:
    8
    مكان الإقامة:
    الكويت
    اولا" ما انصحج تدشين البورصه

    ثانيا" اذا معزمه تاخذين بطاقتج المدنيه

    وتفتحين حساب تداول بالسوق الرئيسي الدور الاول

    ب3 دنانير وتشترين عن طريق شركه وساطه تحت

    شوفي العرض والطلب واشتري

    وسوي ايداع من حسابج

    بحساب شركه المقاصه عن طريق بنكج

    ولازم تزكين كل سنه عن اسهمج

    ونصيحه تواصلي من الاخت ساره ام ضاري

    دقي عليها وتفيدج ولازم تشترين على الدعم الي يمسك السهم ماينزل تحته بسهوله والمقاومه الي مايصعد السهم منها السهم بسهوله

    دشي دورات وتعلمي بس نصيحه نصيحه لاتدشين البورصه لا يغرج كلنا خسرانين
     
  4. الفارس الذهبي

    الفارس الذهبي عضو جديد

    التسجيل:
    ‏12 أكتوبر 2009
    المشاركات:
    1,320
    عدد الإعجابات:
    1
    مكان الإقامة:
    الكويت الحبيبة

    ممكن تروحين بيت التمويل بكيفان .. في ديوانية اسمها ديوانية المتداولين قسم النساء ... هناك ستجدين اجابة عن كل هذه الاسئلة وهم بعد يفتحون لكي حساب تداول مع الشرح والتدريب البسيط وممكن تأخذين الابتوب افضل حتي ينزلون لكي البرنامج مباشرة

    لكن الحذر كل الحذر ... التدوال في البورصة سفينة في وسط موج عالي

    والله اعلم


     
  5. الشجرة

    الشجرة عضو نشط

    التسجيل:
    ‏3 فبراير 2010
    المشاركات:
    128
    عدد الإعجابات:
    0
    ما تقصر اخوي ... بس ليش يا حافظ؟
    لانه عندي مبلغ صغير ... كنت أفكر اسوي فيه وديعة ببيت التمويل بس ارباحهم كلش مو شي .. يعني ما تغطي حتى الزكاة السنوية على الوديعة (إلا إذا اهمه يدفعون الزكاة وإحنا ما ندري)

    والصناديق الاستثمارية الإسلامية جربتهم مرة وما كانت النتايج مشجعة :(

    فقلت اهو المبلغ موجود ومبلغ صغير ... فقلت اشتري فيه اسهم بيت التمويل وانساهم ... اربحوا خير وبركة ... ما ربحوا خلهم سنة سنتين ثلاثة ... لي ارتفع السهم ابيعه ....

    لأن الحل الثاني أني أروح السوق وأفسفس المبلغ على هدوم ومكياج .... فالبورصة أسلم :)
     
  6. الشجرة

    الشجرة عضو نشط

    التسجيل:
    ‏3 فبراير 2010
    المشاركات:
    128
    عدد الإعجابات:
    0
    مشكور اخوي على النصيحة وما تقصر وعساك عالقوة ...
    انا مفكرة اجرب بمبلغ صغير جدا ... بس عندك فكرة جم سعر السهم وجم اقل مبلغ اشتري فيه ؟

    ويزاك الله كل خير
     
  7. الشجرة

    الشجرة عضو نشط

    التسجيل:
    ‏3 فبراير 2010
    المشاركات:
    128
    عدد الإعجابات:
    0
    خوش... وهذي الديوانية تابعة يعني لبيت التمويل؟ يعني ألقاهم داخل الفرع نفسه؟
    عندك فكرة شلون مواعيدهم؟
    مشكووور وايد على المعلومة المفيدة. ربي يبارك فيك.

    بس قبل ما أروح أبي اعرف جم اقل مبلغ اقدر اشتري فيه اسهم في بيت التمويل ؟ وجم سعر السهم اليوم؟

    شكـــــــــــــرا
     
  8. الفارس الذهبي

    الفارس الذهبي عضو جديد

    التسجيل:
    ‏12 أكتوبر 2009
    المشاركات:
    1,320
    عدد الإعجابات:
    1
    مكان الإقامة:
    الكويت الحبيبة


    لا اذا جذي .. تدشين البورصة ابرك من الهدوم والمكياج... اكيد الهدوم والمكياج مكودة بدون استخدام

    ممكن هذه الفترة تصعد الاسهم خلال شهر والنصف القادمين ... واذا المبلغ صغير فالتجربة قد تكون مفيدة

     
  9. الفارس الذهبي

    الفارس الذهبي عضو جديد

    التسجيل:
    ‏12 أكتوبر 2009
    المشاركات:
    1,320
    عدد الإعجابات:
    1
    مكان الإقامة:
    الكويت الحبيبة


    اقل سعر تقدرين تشترين فيه اسهم يعتمد على اقل كمية واقل كمية تعتمد على سعر بيتك خلال التدوال فمثلا اليوم

    اقل كمية هي 2500 وسعرها بسعر 1.060 للسهم الواحد هي 2650 دينار كويتي

    ولكن لازم تفتحين حساب في التداول تقريباً 500 دينار مودعة في حساب بيتك للتداول وفي نفس الوقت ممكن تشترتين فيها اسهم

    ملاحظة يجب ان يكون عندك حساب في بيت التمويل ايضاً وفي هذه الحالة تفيدك كثيراً ... لأنه عن طريق حسابك في بيتك تستطيعين ان تحولي المبالغ من والى حساب بيتك للتداول والعكس صحيح اذا ربحتي ممكن بكبسة زر تحولين الربح الى حسابك

    الله يفتح عليج ويرزقك ...

     
  10. الفارس الذهبي

    الفارس الذهبي عضو جديد

    التسجيل:
    ‏12 أكتوبر 2009
    المشاركات:
    1,320
    عدد الإعجابات:
    1
    مكان الإقامة:
    الكويت الحبيبة


    مواعيدهم من التاسعة صباحاً وحتى 12.30 ظهراً

    داخل الفرع من خلف المبنى



     
  11. الفارس الذهبي

    الفارس الذهبي عضو جديد

    التسجيل:
    ‏12 أكتوبر 2009
    المشاركات:
    1,320
    عدد الإعجابات:
    1
    مكان الإقامة:
    الكويت الحبيبة



    ملاحظة اخيرة وللعلم حساب بيتك للتداول لا يسمح في التداول إلا للأسهم الشرعية والاسلامية

     
  12. dr.moon77

    dr.moon77 عضو جديد

    التسجيل:
    ‏20 مارس 2009
    المشاركات:
    529
    عدد الإعجابات:
    4
    اذا ناويه اضيعين افلوسج دشي البورصه
    لان الانسان طماع
    والبورصه مثل القمار بس بشكل اسلامي
     
  13. أوتاد

    أوتاد عضو نشط

    التسجيل:
    ‏20 يناير 2006
    المشاركات:
    537
    عدد الإعجابات:
    0
    مكان الإقامة:
    الكويت

    وعليكم السلام ورحمة الله وبركاته ...

    العميل هو المسؤول عن الزكاة .

    ومن وجهة نظري ..
    اذا المبلغ قليل ... ماراح تكون الارباح مجزيه .
    يعني راح تحاتين ع الفاضي .

    بالتوفيق
     
  14. yasalam

    yasalam عضو نشط

    التسجيل:
    ‏25 أكتوبر 2007
    المشاركات:
    477
    عدد الإعجابات:
    45
    أخ لوماخذ الوطني 1060 وبايعة اليوم 1140 بعدها اشتري بيتك 1080
     
  15. azeez78

    azeez78 موقوف

    التسجيل:
    ‏22 ديسمبر 2009
    المشاركات:
    125
    عدد الإعجابات:
    0
    خلج على السوق والمكياج ابرك باجر تبين تروحين عرس ماعندج فلوس المكياج اسأل مجرب
     
  16. سوالمي

    سوالمي عضو نشط

    التسجيل:
    ‏3 يناير 2010
    المشاركات:
    259
    عدد الإعجابات:
    36
    اختي انا لسه داخل البورصة منذ شهرين واشتريت بيتك ايضا ذهبت لاقرب فرع بيت تمويل قلتلهم ابي افتح حساب بالبورصة كتبوني عقد وارسلوه لشركة المثني وبعديها بثلاث ايام ارسلوا لي رسالة ببينات الدخول ودخلت عن طريق النت واشتريت وانا بالبيت وممكن تشتري بالتليفون لو شراء كسور
    ملاحظة:يجب لن يكون لك حساب ببيت التمويل اذا اردت دخول البورصة عن طريقهم
     
  17. نبيه خضر

    نبيه خضر عضو نشط

    التسجيل:
    ‏5 ديسمبر 2009
    المشاركات:
    1,460
    عدد الإعجابات:
    455
    مكان الإقامة:
    الكويت-العاصمه
    نصيحة من اخوج لا تدشين البورصة لانه بعدين راح تبجين دم
     
  18. ديوان الباشا

    ديوان الباشا موقوف

    التسجيل:
    ‏12 يوليو 2009
    المشاركات:
    175
    عدد الإعجابات:
    0
    دشي الفوركس اضمنلج بس لازم تكونين ملمه بالتحليل الفني والاهم هو التحليل الكلاسيكي ...


    موفقه !
     
  19. dr.moon77

    dr.moon77 عضو جديد

    التسجيل:
    ‏20 مارس 2009
    المشاركات:
    529
    عدد الإعجابات:
    4
    بعد لو بايع الصينيه ب 128 فلس كان احسن من بيتك
     
  20. bobader77

    bobader77 عضو نشط

    التسجيل:
    ‏12 يوليو 2004
    المشاركات:
    142
    عدد الإعجابات:
    0
    مكان الإقامة:
    الكويت
    نصيحة في الاستثمار

    بالنسبة للاستثمار في البورصه هو طريقة إدارة الأموال
    يجب ان يكون هناك هدف للوصول إليه وفترة زمنية
    سهم بيتك من الاسهم الممتازة والقيادية
    لكن شلون طريقة الادارة حتى الوصول للهدف
    بالنسبة لي أنا اشجع الدخول للبورصه وإن كنت معرض للخساير إلا انها تساعد رؤوس الاموال الصغير للبداية غير المشاريع الثانيه
    وبالنسبه لنا كموظفين اسهل من ناحية الادارة ولا تحتاج أوراق ومتابعة وموظفين
    وكذلك تستطيع الخروج بجزء من فلوسك ما احتجت لها غير العقار ان كنت راح تحط كل فلوسك فيه ولا تقدر تستقطع جزء وتبيعه ان كان مبلغك على قدك او ان كان مشروع محل او خلافه.
    نرجع للموضوع
    بالنسبه للاستثمار في البورصه (هذي احدى الطرق والطرق كثيرة)
    فتح حساب عن طريق بيتك للتداول (500 دينار)
    يجب يكون هناك حساب في البنك للتحويل ما بين حساب البنك وحساب التداول
    ليش ما يصير تجميع للسهم من ناحية المستثمر من سوق الكسور حتى لو عشر اسهم معروضه اخذهم وأبدأ التجميع بجميع الاسعار ان كانت فوق او تحت ان كان الهدف طويل مثل ثلاث او خمس سنوات وخاصه ان السوق نازل من 15 ألف نقطه الى 7 الاف نقطه والسهم ممتاز وليس احدى الشركات الورقية. وان كان السوق راح ينزل الى 4 الاف نقطه لا سمح الله، اظل اشتري بالسهم بأي مبلغ يكون عندي وان صعد السوق مره ثانيه يكون عندي اسهم ويكون عندي منح واكون اشتريت بالارباح النقديه اسهم واظل اخزن فيه حتى وصولي للهدف.
    على أن ابتعد عن المضاربة وتقييم سعر السهم وانتظر أي نزول قوي للسوق أو خبر سلبي واعتبره فرصه للشراء ان كان هناك وجود كاش تم تجميعه,
    لا تحبطك قلة الاموال فلها بركة بإذن الله
    ولكن قلة الحيلة هي التي تؤدي للاحباط