أسهم الجمعية

[الشجرة]

الســـــلام عليـــــــكم


السؤال الأول:
إحنا مساهمين بالجمعية ... وكنت بعرف هل عدد الاسهم يفرق في الارباح اللي ناخذها ؟ ولا بس إجمالي المبالغ اللي نشتري فيها؟

سالتهم في الجمعية .. وما عطوني رد محدد .. شكل اللي سألته أصلا مو عارف .. قالي راح تفرق بس مو وايد .. وما وضح لي شلون.

يعني خلنا نقول عندنا 10 أسهم
وشريبا بمبلغ ألف دينار بالسنة
وأرباحهم هالسنة كانت 2 %

يعني الأرباح اللي ناخذها راح تكون المفروض 200 دينار (حسب فهمي)

انزين لو شرينا اسهم زيادة 20 أو 30 سهم ... هل راح تزيد ال 200؟

شلون الحسبة؟

تنصحونا نشتري أسهم زيادة ولا لأ؟


السؤال الثاني:
زكاة الاسهم احنا نحسبها على اساس المبلغ اللي شرينا فيه الاسهم أول مرة (مثلا دفعنا 100 دينار مقابل ال 10 أسهم) نطلع عليهم 2.5 دينار كل سنة.

هل هذي الحسبة صحيحة؟ ولا لازم ندخل المبالغ اللي نشتري فيها بالحسبة بعد؟

احنا نسوي الطريقة الأولى .. بس ما ادري شفيني قمت أهوجس

 

[LUVKUW]

 

[الشجرة]

يا ريت اللي يعرف لا يبخل علينا ...

 

[m.h.a]

يبا الجمعية مافيها عدد اسهم
تبطل رقم حساب
تصبح مساهم
الارباح حسب ماتعلن الادارة
يعني
7% مثلا من قيمة مشترياتك
7*1000/100=70 دينار

 

[azeez78]

الســـــلام عليـــــــكم


السؤال الأول:
إحنا مساهمين بالجمعية ... وكنت بعرف هل عدد الاسهم يفرق في الارباح اللي ناخذها ؟ ولا بس إجمالي المبالغ اللي نشتري فيها؟

سالتهم في الجمعية .. وما عطوني رد محدد .. شكل اللي سألته أصلا مو عارف .. قالي راح تفرق بس مو وايد .. وما وضح لي شلون.

يعني خلنا نقول عندنا 10 أسهم
وشريبا بمبلغ ألف دينار بالسنة
وأرباحهم هالسنة كانت 2 %

يعني الأرباح اللي ناخذها راح تكون المفروض 200 دينار (حسب فهمي)

انزين لو شرينا اسهم زيادة 20 أو 30 سهم ... هل راح تزيد ال 200؟

شلون الحسبة؟

تنصحونا نشتري أسهم زيادة ولا لأ؟


السؤال الثاني:
زكاة الاسهم احنا نحسبها على اساس المبلغ اللي شرينا فيه الاسهم أول مرة (مثلا دفعنا 100 دينار مقابل ال 10 أسهم) نطلع عليهم 2.5 دينار كل سنة.

هل هذي الحسبة صحيحة؟ ولا لازم ندخل المبالغ اللي نشتري فيها بالحسبة بعد؟

احنا نسوي الطريقة الأولى .. بس ما ادري شفيني قمت أهوجس

لا ما يفرق عدد الاسهم بالارباح تحسبين النسبة جم تكون بمشترياتج مثال اذا كانت النسبة 10% كل 100 دينار لج 10 دنانيير

 

[الشجرة]

مشكوريـــــــــــــن جـــــــدا
لكن احنا لما فتحنا رقم بالجمعية عطونا وصل مذكور فيه عدد الاسهم ... ولما سألت الموظف اللي بالجمعية قال ممكن تشترون زيادة أسهم اذا في احد يبي يبيع بس ما راح تؤثر وايد بأرباحكم

على العموم عساكم عالقوة ويزاكم الله خير ....

 

[خبير النفط]

عائد المشتروات ماله شغل بعدد أسهم الجمعيه اذا شارين ب 1000 دينار و العائد 2% راح يكون عائد المشتروات 20 دينار فقط اما عائد الاسهم فهو 5% على سعر السهم حسب قانون الشئون والله اعلم يعنى كل دينار من قيمه الاسهم يعطى 50 فلس عائد سنوى يعنى اسهم قيمتها 100 دينار راح يكون ربح الاسهم 5 دينار فقط .
فى بعض الجمعيات تعطى الى 100 سهم للفرد وبعضها أقل او أكثر واذا اردت التحويل من جمعيه الى جمعيه أخرى ممكن تتنازل عن اسهمك حق والديك او أخوانك وأخواتك اذا كانوا مساهمين فى الجمعيه و القيمه الاسميه للسهم ممكن تكون 10 دينار للسهم
أن شاء الله اصبح الامر مفهوم

بالمسبه للزكاة لما كانت اسهم الجمعيه لا يمكن المضاربه بها فهى اسهم استثماريه تدفع الزكاة على الارباح اذا حال عليها الحول والله اعلم ( هذا جواب مبدئى لاكن يمكن لكم الاستفسار ممن ترونه ثقه من اهل العلم)

نصيحه اذا جمعيتكم تعطى عائد مشتروات 2% قد يكون من الافضل الشراء من الاماكن الاخرى الارخص مثل لولو هايبر ماركت وستى سنتر وامثالهم لان اسعارهم اقل من السعر المعلن لأغلب الجمعيات بأكثر من 5% وعليه بالنسبه لكى أخت شجرة تكونين مستلمه عائد المشتروات كاش كلما شريتى منهم