آخر قصيدة قالها الشاعر مرشد البذال وهو في المستشفى

الموضوع في 'إستراحة المنتدى' بواسطة Day_trading, بتاريخ ‏7 يناير 2005.

  1. Day_trading

    Day_trading موقوف

    التسجيل:
    ‏28 أغسطس 2004
    المشاركات:
    1,931
    عدد الإعجابات:
    0
    مكان الإقامة:
    kuwait
    --------------------------------------------------------------------------------

    يحول أشول الحق جتني طروشه ـــــــــ جتني مطاليبه وانا عنه منحاش

    اليوم كن بداخل الصدر هوشه ـــــــــــ مثل اختراش الريم في داخل الجاش

    يالله عسى عطفك ولطفك نحوشه ــــــــــ يالله بحسن الخاتمه عند الاقراش

    دنياك لو تعطيك زين المعوشه ــــــــــــ تالي سوالفها تعود على ماش

    ياما خذينا بأول العمر شوشه ــــــــــــ وياما مشينا في مظاهير وأدباش

    في خايعٍ وبل الثريا رشوشه ـــــــــــ نجن الزبيدي في صحاصيح ودشاش

    وياما جلسنا مع مرودع نقوشه ـــــــــــ في سهلةٍ ماحدرنا زل وفراش

    في وسط روضٍ مخضراتٍ خفوشه ــــــــــ نبته جديد ومبعدينٍ عن الطاش

    نبنوب لا خبله ولا أهي مخروشه ــــــــــ عنق الفريد ان ذيره زول حشاش

    قامت تخاطبني بنفسٍ هشوشه ــــــــــــ بس الكلام وعرضه أبيض من الشاش

    بسرار في وسط القلوب مخشوشه ــــــــــ بين الثنين ولا درى عنهن الواش

    ربعة وفا ولا السلب ماننوشه ـــــــــــ ماني لوجه معذب الحب خماش

    واليوم مالي مع هل الصيد نوشه ــــــــــ عطيتها غيري بلاسوم ببلاش

    عند الطبيب وصار عندي وحوشه ــــــــــ ومن الإقامة صابني خوف وخراش

    ذالحين شفني جالسٍ عقب دوشه ــــــــــ أصلب عضاي وكن بالجسم هشهاش

    خليت ديواني ومجلاس حوشه ــــــــــــ عقب المعزة ساكنٍ دار الإنعاش

    والنفس ضاقت عقب ماهي بشوشه ــــــــــ مثل المقيم اللي على نو مطراش​
     
  2. عارف الحال

    عارف الحال عضو متميز

    التسجيل:
    ‏26 سبتمبر 2003
    المشاركات:
    704
    عدد الإعجابات:
    0
    قصيدة فعلا ورعة ....!!! والله يرحمك يا مرشد البذال ..!!