تنظيم عدد الاولاد

[مشعل الطاهر]

عندي سؤال ارجو الاجابه عليه مع الشكروارجو لحد يتكلم بالدين لان الدين فيه عشرين الف راي .ارجو الكلام بشكل واقعي
هل بات تنظيم عدد الاولادبعددلايتجاوز3 اطفال واقع بسبب صعوبه الحياه واحتياجاتهم الكثيره اللتي اصبحت ضروريه في هذا الزمان اللتي اذا كنت حريص عليهم لايمكن ان تحرمهم منها.

 

[general]

قال الرسول صلى الله عليه وعلى اله وسلم (تزوجوا الودود الولود فإني مكاثر بكم الامم) وشخصيا ماعترف في شي اسمه تنظيم عدد الاولاد

 

[مفتاح]

فيه ناس تنظم عدد الأولاد لأسباب معينة
مثلا
1- صعوبة التربية
2- تكلفة المصاريف
3- أنشغال الزوج والزوجة بدراسة أو وظيفة

فسالفة لاتدخلون الدين بالموضوع فهذا غير صحيح
كل مانفعلة بالدنيا لأجل الدين
قال الله تعالى ( نَّحْنُ نَرْزُقُكُمْ وَإِيَّاهُمْ )
قال الرسول ( ص) تزوجو الودود الولود ) + والرسول ( ص ) (( تكاثروا فإني مباه بكم الأمم يوم القيامة))
والرأي الشخصي جدا
دام المرة مايمنعها شي من الانجاب فتنسق الأنجاب كل 3 سنوات مولود
يا أخي تاكد ان الأخ يحب يشوف اخوانة كثيرين والبنت كذلك
وهذا راي الشرع وأيي الشخصي وأنت حر

 

[Abdulla990]

موضوع مهم بس مو شايف له علاقة بمنتدى العقار
إلا اذا كنت ساكن في شقة صغيرة و مو ناوي تغيرها

 

[ابوعامر]

عندي سؤال ارجو الاجابه عليه مع الشكروارجو لحد يتكلم بالدين لان الدين فيه عشرين الف راي .ارجو الكلام بشكل واقعي
هل بات تنظيم عدد الاولادبعددلايتجاوز3 اطفال واقع بسبب صعوبه الحياه واحتياجاتهم الكثيره اللتي اصبحت ضروريه في هذا الزمان اللتي اذا كنت حريص عليهم لايمكن ان تحرمهم منها.

الدين واضح يالطاهر الا اذا عندك راي ثاني

لايجوز لك ان او لأي كائن من كان ان يوقف نسله

وبخصوص الاحتياجات ذكر الله في القران ان الرزق هو كافله لكل نفس

بشريه

 

[خالد خالد]

اخوى دام الواحد بصحة وعافية لا يوقف 0هذا كلام فاضى وبدع من بدع الغرب ومن نظام الاتيكيت عند بعض الناس 0ياعمى احمد ربك على النعة ولايردك شى والرزق علىاللة 0كل من على الارض رزقة موجود على رب العالمين اترك هالسوالف الاقاويل عنك هذى نعمة والدولة جزاهاة اللى خير مو مقصرة والحمدللة على النعمة والعافية

 

[الجود الاول]

الماسونيه الصهيونيه تسعى لتقليل عدد المسلمين

من خلال اضحوكه تحديد النسل وتقليل عدد الاطفال

حامض على بوزهم والله

لا يوقف لا يوقف لا يوقف

 

[مشعل الطاهر]

الي يقول ياعمي جيبه والاكل موجود ليش علي اساس جايب ارنب
والي يقول هذه خطط الماسونيه تبي تضر المسلمين كلشي عندكم مؤامره

 

[الاستوائي]

الماسونيه الصهيونيه تسعى لتقليل عدد المسلمين

من خلال اضحوكه تحديد النسل وتقليل عدد الاطفال

حامض على بوزهم والله

لا يوقف لا يوقف لا يوقف

لا يوقف لا يوقف لا يوقف لا يوقف لا يوقف

 

[kaled9977]

السلام عليكم
ياخوى لاتقول انا اللى يحدد اثنين او ثلاثه او خمسه
هذا شى بيد الله هو الذي يقول كن فيكون
انا راح اقولك واقعه وارجو ان نعتبر منها جميعا
واحد اعرفه واهلى يعرفون اهله عنده بنتين وثلاث اولاد وقال كافى ماعاد ابى عيال خلاص اكتفيت وهم زوجته كانت تقول نفس الكلام وراحت لمستشفى خاص وشالت الرحم عشان ماتولد خلاص اكتفيت
وصارله حادث قبل ثلاث سنوات كانت رايحه للبر مع اعيالها وتوفو كلهم واللحين عقيمه وبدون عيال والحمد لله
وارجو الاعتبار من هالواقعه

 

[kobr]

حبيبي لا يوقف لايوقف لايوقف

 

[بو رسام]

خووووش موضوع

ابقولكم قصة شخصين من ربعي الخاصين
الأول --- زوجته تاكل حبوب مانع (فقط مؤقت) ومع هذا حملت. سبحان الله
الثاني --- يلبس واقي ومع هذا انشق في احد المرات وحملت زوجتة،، سبحان الله.

أحيانا اقول بس ابوقف من الأولاد بس لما اشوفه اقول لا يالله ارزقني. يا حلوهم وياحلو قعدتهم على السفرة.
خلونا نتكلم عن بعض الأسباب الي تخلي الواحد ينجب 2-3 أولاد.

الرزق : صدقني لا انت يا الأب ولا الأم ترزق المولود بل منو الله عز وجل، نعم واجب عليك يا الوالد وياالوالده تلبسهم اللبس الزين - موشرط من زهرة ولا الأفنيوز الأسواق بالديرة شكثرة- واجب عليك يا الوالد وياالوالده ان تطعمهم الطعام الزين - بس مو شرط كل يوم مطعم قيصر ولا ميس الغانم - أفضل مطعم عندي بالكويت- روج شبرة الخضرة بعد صلاة الفجر والله تترس الثلاجة خضار وفواكهة حق شهر ما وصلت 20 دينار. يالله من فضلك

السكن ::: السكن شي مهم وواجب عليك - والكويت ماقصرت - ياااا حلوج ياديرتنا عسى الله يحفظج ويحفظ اميرج وشعبج- تعطي أرض وقرض - تعطي بدل إيجار - تعطي بيوت- بس موشرط تبني حق كل واحد غرفة ماستر وغرفة وملابس - انا والله غرفتي كنت انا واثنين من اخوانب ننام فيها - لين الله وسع علينا والحمدلله.

التعليم::: أةأة أة اة من التعليم وما أدراك ما التعليم - ومع هذا كويتنا وفرت التعليم مجاناً - أدري التعليم بالقطاع الخاص أفضل لكن على الاقل هناك تعليم وليس يسئ مجاناً. يااااااريت حكومتنا تنتبة للتعليم أكثر وتفكنا من مصاريف المدرسين الخاصيين ،،، وتجلب لنا مدرسين ممتازين يخافون الله في مهنتهم.

شنو بقى !!!!!!!!!!!!!!!!!!!
أعتقد ان هذه أهم الأشياء الي الواحد يخاف عليها ،،، تذكرت شي واحد عندنا حنا يالكويتين وأعدينا في جيراني الخليجين - يا حلو جيرانا- ألا وهو شنووو

فكر
|






فكربعد


فكربعد اشوية






مليت


الإجابة سفرة الصيف ،،،،،،، اخوي موشرط أسافر كل صيف اجمع افلوسي واسافر كل 3-5 سنوات
او اخذ عيالي واروح العمرة وأروح المدينة أزور رسول الأمة علية الصلاة والسلام،،، وصدقني روحة العمرة شي خيالي مع العيال خاصة الجلوس في الحرم بعد صلاة الفجر ياااااااااااااااسلام.


أخي الطاهر ،،، حاولت في مشاركتى ان ما اجعل للدين مدخل ولكن اعلم ان كل شي في حياتنا فهو من الدين السليم.

 

[Fire MaN-]

الله سبحانه وتعالى يرزق النمله وهى فى صخره صماء 000فمابالك بطفل !!! لاحول ولا قوة الابالله !!!كل طفل ورزقه يسبقه 000اقول كثر عيالك والباقى على رب العالمين 00 والعيال عزوه عالطربيزه على قولة المصريين 00 ومثل ماقال الجود الاول 00 لايوقف لايوقف لايوقف لايوقف

 

[خالد خالد]

وانا بعد وياكم ااقول لايوقف لايوقف لايوقف لا يوقف

 

[مشعل الطاهر]

لا يوفف لايوقف لايوقف
احنا نتكلم عن اولاد بشر امانه مو وجبات طالبينها من مطعم
لي متي تكررون بكل المواضيع الي تسمعونه والي يمليه عليكم الغيرومحد فاهم شي نظام مع الخيل ياشقرا
فكر بالموضوع وبعدين حط رايك

 

[hamadxp]

رد خاص لك يالطاهر

اول شي اعتقد من العيب انك تقول لاخوانك مع الخيل يا شقراء

لانك لو تعرف ماذا يقصد هذا المثل ما قلته

افهمك هالنقطه اول واكمل معاك الهدف المقصود من موضوعك

كان فيه مزارع عنده ثلاث من الخيل وبقره حمراء مسميها شقرا

وكانت الخيل تلعب كل يوم الفجر وتعرف الخيل شنو لعبها تهذب يمين ويسار وتركض

ومع الايام تطبعت البقره الحمراء من اطباع الخيل لانها ما عندها غير هالخيل وقامت تركض ويا الخيل كل يوم الصبح وفي يوم من الايام شافها المزارع واستغرب يمكن فيها شي وبعد كم يوم تاكد انها تطبعت بطبع الخيل وكل ما ركضت الخيل ركضت معها شقرا

وكان كل يوم يشوفها تركض يقول لها (((( مع الخيل يا شقرا ))))


ثانيا والاهم انت لازم تجاوب على هالاسئله عشان نعرف المغزى من موضوعك الا اذا كنت حاط الموضوع بدون هدف هذا شي ثاني

انا اعرف واحد حارس مدرسه عياله 18 ولد والله اعلم كم بنت يعني اكيد يطوفون الثلاثين مع البنات

وكانوا عياله يلعبون كرة قدم فريقين والله العظيم ومعروفين في الكويت واذا تبي الاسم موجود والقبيله

شنو المانع اللي يخليك ما تزيد عيالك على 3 ؟ البيت ببلاش من الحكومه وكل طفل خمسين دينار كل شهر

وما اعتقد فيه كويتي راتبه يقل عن 350 دينار غير بدل الايجار وراتب الزوجه اعتقد السالفه مبطنه

اخيرا ياليت تجاوب عشان ما نفهمك غلط خصوصا بعد قولك ان كل شي بالنسبه لنا مؤامره

ارجع الى اهداف الماسونيه وتعرف ان كل شي مؤامره من اسهل اهدافهم ادخال المال الى كل بيت مسلم حتى يختلفون الاخوان على المال بينهم


بانتظار الجواب ............................. آسف على الاطاله

 

[Fire MaN-]

الله عليك ياحمداكس بى الله على هالمعلومات الطيبه وبارك الله فيك على هالمداخله والله يرزقنا ويااااك جيش من العيال الصالحين اللهم امين 00 وارجع واعيدها لايوقف لايوقف لايوقف

 

[الحزام2007]

الي يقول ياعمي جيبه والاكل موجود ليش علي اساس جايب ارنب
والي يقول هذه خطط الماسونيه تبي تضر المسلمين كلشي عندكم مؤامره

عني انا مدري شنو اللي يدور براسكـ....واذا متضايق ليش من مسألة تحديد النسل شحقى تتزوج ....وتبي تحدد النسل حدد كيفك محد قاضبك.......
بس امتثل لقول الرسول صلى الله عليه وسلم ((تزوجوا الودود الولود..فإني مباهي بكم الامم يوم القيامه))
عني انا متزوج ثنتين.......والحمدلله...ولا ادور الثالثه

ومثل ماقاوا الشباب ..اضم صوتي للشباب (( لايوقف لا يوقف لايوقف ))

 

[مشعل الطاهر]

ذكرت الامثله الجيده وفي الاف الامثله السيئه عن كثره الاولاد وعدم الاهتمام واذا تقول في واحد قبل 30سنه كان عنده درزنين هادهم بالشارع فالوضع تغير الاحتياجات تغيرت والشارع مونفس الشارع القديم الامن
الااذاكنت بتجيب وتقط بالشارع يربي ويتابع
والحديث (تزوجوا الودود الولود..فإني مباهي بكم الامم يوم القيامه)
هذا حديث وليس قران ممكن يكون ضعيف وهل المباها تكون بعدد المسلمين مع العلم فيهم الكثيرمن العصاه والمجرمين والزناه والمرابين واكلين مال اليتيم..........الخ

 

[ابوعامر]

تفكيرك عقيم يالطاهر

عارفين الموضع زين

الظاهر انت اللي مو عارف الموضوع بس كتبته وتوهقت