سؤال عن بيتك للتداول

[hsn]

السلام عليكم ورحمة الله وبركاته

شباب ما عليكم أمر اللي عنده فكرة عن برنامج بيتك للتداول

عندي سؤال عن العمولة اللي ياخذونها على الصفقة

إذا عطيت أمر لشراء وحدة واحدة سعرها 2040 ليش يحط علي عمولة خمسة ونص دينار

مو المفروض دينار وربع على كل ألف بالإضافة إلى نصف دينار للعملية يعني المجموع 3 دنانير شلون صارت خمس دنانير ونصف

 

[BARKAWI]

سؤالك بمحله ، لأنه هذا مو بوسيط عادي هو ياخذ خدمة مال التداول الالكتروني والله أعلم

لكن بالمقابل هو يقدم هذه الخدمة مجانا!!

 

[عبدالله 2]

السلام عليكم ورحمة الله وبركاته

شباب ما عليكم أمر اللي عنده فكرة عن برنامج بيتك للتداول

عندي سؤال عن العمولة اللي ياخذونها على الصفقة

إذا عطيت أمر لشراء وحدة واحدة سعرها 2040 ليش يحط علي عمولة خمسة ونص دينار

مو المفروض دينار وربع على كل ألف بالإضافة إلى نصف دينار للعملية يعني المجموع 3 دنانير شلون صارت خمس دنانير ونصف

نعم كلامك صحيح العموله هي دينار وربع بالالف
ولكن يجب ان لاتقل العموله عن خمسة دنانير ونصف

 

[بدون مجامله]

ياغالي حتى الوسطاء بالبورصه ياخذون 5 ونصف وسالت الوسيط مره عن هذا الامر قال اذا قيمة الصفقه تقل عن 4000 تكون الرسوم 5,5

 

[UNIX]

سؤالك بمحله ، لأنه هذا مو بوسيط عادي هو ياخذ خدمة مال التداول الالكتروني والله أعلم

لكن بالمقابل هو يقدم هذه الخدمة مجانا!!

يا حجي ترى مو شي إجباري انك تشارك على كل موضوع و تحط لك مداخلة. يعني انت عضو مميز كثر لك كم شارت و تاخذ الاحتراف ان شاء الله. بس انك تقول معلومة مغلوطة بس على سبيل المشاركة؟؟ مادري شلون الله يرضى عليك.

القانون يقول دينار و ربع على كل ألف + 500 فلس لكل صفقة و الحد الأدنى للعمولة 5 دنانير + 500 فلس.

و القانون يقول 1 دينار على كل ألف + 500 فلس اذا كان قيمة الصفقة 50 ألف دينار و طالع.


عضو مميز و تحلل شارتات و ما تعرف عمولات السوق ؟؟

 

[hsn]

مشكورين شباب على الرد

 

[BARKAWI]

يا حجي ترى مو شي إجباري انك تشارك على كل موضوع و تحط لك مداخلة. يعني انت عضو مميز كثر لك كم شارت و تاخذ الاحتراف ان شاء الله. بس انك تقول معلومة مغلوطة بس على سبيل المشاركة؟؟ مادري شلون الله يرضى عليك.

القانون يقول دينار و ربع على كل ألف + 500 فلس لكل صفقة و الحد الأدنى للعمولة 5 دنانير + 500 فلس.

و القانون يقول 1 دينار على كل ألف + 500 فلس اذا كان قيمة الصفقة 50 ألف دينار و طالع.


عضو مميز و تحلل شارتات و ما تعرف عمولات السوق ؟؟

هلا باليونكس والله

مادري شنو العلاقة بين تحليل الشارتات وعمولات السوق صراحة! يعني إذا بحلل مؤشر الناسداك الحين يعني لازم أعرف كم عمولتهم هناك؟؟

وصدقني لا يهمني عضو مميز ولا عضو محترف كله بلوط بنظري ، أنا يهمني أتعلم وأساعد الشباب لا أكثر ولا أقل ، وقولك اني أقول معلومة مغلوطة بس على سبيل المشاركة ضحكتني الصراحة وكلام ما ينرد عليه!!

انا قلت اللي أعرفه وأبديت رأيي وقلت الله أعلم ، لأني اطلعت على الرابط هذا http://kse.com.kw/PORTAL/A/KSE/Trading.aspx من البورصة اللي مايشير فيها إلى الحد الأدنى من العمولة، يعني أعطيت معلومة بناء على موقع رسمي ، أما إذا قد اجتهدت وكان كلامي غلط فلي حسنة إن شاء الله!!

أنا لأني أعرفك ماضايقتني مشاركتك ، لكن الله يرضى عليك ، انت عضو مميز لكن اسمحلي اقلك وبكل محبة وأخوية انه اللي ما يعرف طبعك وقصدك ممكن يتضايق من أسلوب كلامك ، ومشكور على إضافاتك في المنتدى

تحياتي لك

 

[UNIX]

هلا باليونكس والله

مادري شنو العلاقة بين تحليل الشارتات وعمولات السوق صراحة! يعني إذا بحلل مؤشر الناسداك الحين يعني لازم أعرف كم عمولتهم هناك؟؟

وصدقني لا يهمني عضو مميز ولا عضو محترف كله بلوط بنظري ، أنا يهمني أتعلم وأساعد الشباب لا أكثر ولا أقل ، وقولك اني أقول معلومة مغلوطة بس على سبيل المشاركة ضحكتني الصراحة وكلام ما ينرد عليه!!

انا قلت اللي أعرفه وأبديت رأيي وقلت الله أعلم ، لأني اطلعت على الرابط هذا http://kse.com.kw/portal/a/kse/trading.aspx من البورصة اللي مايشير فيها إلى الحد الأدنى من العمولة، يعني أعطيت معلومة بناء على موقع رسمي ، أما إذا قد اجتهدت وكان كلامي غلط فلي حسنة إن شاء الله!!

أنا لأني أعرفك ماضايقتني مشاركتك ، لكن الله يرضى عليك ، انت عضو مميز لكن اسمحلي اقلك وبكل محبة وأخوية انه اللي ما يعرف طبعك وقصدك ممكن يتضايق من أسلوب كلامك ، ومشكور على إضافاتك في المنتدى

تحياتي لك

حقيقتين أنا أكتشفتهم...

1- أنت فعلاً إنسان مميز بكل ما تعنيه الكلمه.
2- أنت فعلاً بركاوي، عسى الله يطرح فيك البركة أنت و والديك و أهلك.

و لك مني أحلى استكانة شاي مقدمة من ستاربكس مشرف أنت و بو داوود و بو عبدالله! بس اختار الوقت

 

[BARKAWI]

حقيقتين أنا أكتشفتهم...

1- أنت فعلاً إنسان مميز بكل ما تعنيه الكلمه.
2- أنت فعلاً بركاوي، عسى الله يطرح فيك البركة أنت و والديك و أهلك.

و لك مني أحلى استكانة شاي مقدمة من ستاربكس مشرف أنت و بو داوود و بو عبدالله! بس اختار الوقت

الله يبارك بعمرك وأهلك وولدك ، ومشكور على المجاملة الطيبة من شخص طيب مثلك

واستكانة الشاي أتشرف بشربها معك ومع الإخوان بالوقت اللي يناسبكم

(p.s أنا اسمي برقاوي )

 

[بو هادي.]

الحسبة بسيطة
إذا شريت بأقل من 4000 دينار باليوم من السوق الرسمي راح ياخذون 5.5 دينار.

إذا شريت مرة ثانية بنفس اليوم راح يخصمون الفرق..

مثال : شريت وحدة ب3000دينار يعني العمولة المفروض 3.750+0.500=4.250
لكن راح ياخذون 5.500 دينار
لما تشتري مرة ثانية بنفس اليوم
راح يكون عندك رصيد كردت بالفرق
لو تشتري مثلا وحدةثانية بنفس اليوم قيمتها 4000 دينار بدل لا تكون عمولتك 5.5 دينار راح تكون 4.250دينار

 

[الفارس الذهبي]

يا حجي ترى مو شي إجباري انك تشارك على كل موضوع و تحط لك مداخلة. يعني انت عضو مميز كثر لك كم شارت و تاخذ الاحتراف ان شاء الله. بس انك تقول معلومة مغلوطة بس على سبيل المشاركة؟؟ مادري شلون الله يرضى عليك.

القانون يقول دينار و ربع على كل ألف + 500 فلس لكل صفقة و الحد الأدنى للعمولة 5 دنانير + 500 فلس.

و القانون يقول 1 دينار على كل ألف + 500 فلس اذا كان قيمة الصفقة 50 ألف دينار و طالع.


عضو مميز و تحلل شارتات و ما تعرف عمولات السوق ؟؟

كبير الحِجاَجّ ... يالطيب ... احترامي لك... انتا كل واحد يشارك تقوله حجي ... تكون مركب كامرة سرية عند باب مكة ... ما يندرا؟؟؟!!

وبعدين ... ولا مرة شفتك تشارك وتقدم معلومة إلا وتذل وتشرشح إلي قبلك

اقعد عوج وسولف عدل


انتظروا الرد الصاروخي

 

[UNIX]

كبير الحِجاَجّ ... يالطيب ... احترامي لك... انتا كل واحد يشارك تقوله حجي ... تكون مركب كامرة سرية عند باب مكة ... ما يندرا؟؟؟!!

وبعدين ... ولا مرة شفتك تشارك وتقدم معلومة إلا وتذل وتشرشح إلي قبلك

اقعد عوج وسولف عدل


انتظروا الرد الصاروخي

ههههه

الله يطول بعمرك

 

[الفارس الذهبي]

ههههه

الله يطول بعمرك

عمرك الطويل... الظاهر عدت سلامات... حبيب