شركات النفط

[ام سلطان]

السلام عليكم خواني...
بغيت استفسر من العاملين بالنفط هل يقبلون سعوديين ؟؟بس ماعندهم شهايدووسمعت عن شركات نفط بالمنطقه المحايده بالوفره او الخفجي ياليت تساعدوني بأي معلومه عنها ممكن تفيدني وشنو شروط قبولهم واوراقهم وهالسوالف اسفه طولت عليكم ويعطيكم الف عافيه

 

[engineer99]

السلام عليكم
التقديم لغير الكويتي ابشركات النفط اتروحين ابنفسج اتقدمين السيره الذاتيه والشهاده وحسب الخبره على اي شركه نفط
وبخصوص شركة النفط المحايده اهي شركة نفط الخليج و عمليات الخفجي
اتمني التوفيق

 

[ام سلطان]

يعطيك العافيه اخوي بس ممكن اعرف وين مكانهم بالضبط يعني بالوفره ولا الخفجي واذا شهادته متوسطه وماعنده خبر في امل يقبلونه ومشكور اخوي

 

[الشكوىى لله]

http://q8ow.com

 

[بالغلط]

هلا يا أم سلطان ..
النفط فيه قسمين .. قطاع حكومي وقطاع خاص
القطاع الحكومي يتطلب شهادة .. اما القطاع الخاص
فلا يتطلب شهادة .. والتوظيف فيه طبيعي ..
قبل كان التوظيف عن طريق الشركات الخاصة ..
اما الآن فهي عن طريق شركة النفط وموقعها في الاحمدي ..
تقدرين تستفسرين هناك .. ويعطونك المعلومات كامله !
أتمنى أني أفدتك



​

 

[ام سلطان]

هلا فيك اخوي بالغلط يعطيك العافيه عالتوضيح ماقصرت وياليت اذا احد من الاخوان يقدر يفيدني باي معلومه بكون شاكره الله يوفقكم يارب

 

[amsha]

اختي العزيزه الخفجي - الوظيفه فيها مثل الحلم لاي جنسيه ان كان كويتي او سعودي عندي واحد من الربع كويت ما خلا عضو بالكويت اهو واخوانه لكن بدون فايده اكو هناك شي اسمه المقاول ما له علاقه بالشركه اهو شخص يوفر وظايف او افراد حق الشركه مثلا الشركه تعطيه راتب حق كل موظف مثلا 8000 ريال سعودي اهو ياخذ من كل موظف للشركه عن طريقه حوالي النصف او اكثر يمكن مع سرقه بعض البدلات ويمكن ياخر الراتب على كيفه هذا اذا ما كان يخاف الله وفيه شباب الله يوفقهم من المقاول الى توظيف - لكن بالنسبه للسعوديين التقديم لهم يكون بالسعوديه عن طريق تقديم الاوراق المطلوبه في فتره تقديم الاعلانات . وشكرا

 

[amsha]

ام سلطان خل يشوفون محطات الوقود انا اعرف واحد من الشباب سعودي كان يشتغل كاشير والحين مسؤول محطه

 

[ام سلطان]

هلا فيكم ماقصرتوا بس شلون اخليهم يغسلون ايديهم من النفط بالعربي بعدين حتى المحطات يبيلها واسطه والله ملوا من كثر مايدورون خلوها على الله الله يرزق الجميع بس حبيت اذا احد يقدر يفيدني بشركة الاحمدي لان خواني قدموا من 3شهور تقريبا محد رد علهم

 

[engineer99]

? شركة نفط الكويت www.kockw.com
? شركة البترول الوطنية الكويتية www.knpc.com.kw
? شركة صناعة الكيماويات البترولية www.pic.com.kw
? شركة ناقلات النفط الكويتية www.kotc.com.kw
? الشركة الكويتية لتزويد الطائرات بالوقود (كافكو) www.kafco.com.kw
? الشركة الكويتية للاستكشافات البترولية الخارجية (كوفبك) www.kufpec.com
? شركة البترول الكويتية العالمية www.q8.com
? الشركة الكويتية لنفط الخليج www.kgoc.com
? شركة التنمية النفطية www.kuwaitproject.com
? شركة خدمات القطاع النفطي www.ossc.com.kw

 

[ام سلطان]

يعطيك العافيه اخوي