مواقف حصلت فى عالم التجارة -- 10

الموضوع في 'إستراحة المنتدى' بواسطة abdullah6868, بتاريخ ‏7 فبراير 2010.

  1. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,220
    عدد الإعجابات:
    163
    مكان الإقامة:
    kuwait
    فى سنه 2004 تقريبا رحت لاندونيسيا وسنغافورة وهونج كونج -- ادور على استوكات بالمصانع بس للاسف مالقيت شى وبعدها توجهت للصين وقعدت اسبوعين وشريت استوك شنط مدارس ومطارات شاى --- بس مو هذا السعر اللى ابية بس علشان ما ارد الكويت وانا ماشريت شى -- وانا فى مطار اقوانزو بالصين معاى موظفة مكتبى بالصين -- مونيكا -- ناطر موعد المغادرة لانى جاى للمطار قبل الرحلة 4 ساعات تقريبا -- دقيت على اعيالى وقلت ابى امر بوكت 4 ايام للغوص -- بعد التعب شهر افتر على اغلب المصانع - قالوا لا تعال للكويت الله يخليك قلت انشاء الله -- فية شخص صينى اذى الموظفة بالاسئلة من وصلنا وهو لازق فينا -- سئلت مونيكا شيبى هذا -- قالت يقول عنده ستوك ملابس كمية ضخمة بسعر ممتاز -- قلت قوليلة ما نبى مليت انا شهر ونص وانا برة الكويت -- ماراح الصينى يترجى الموظفة تقنعنى بالروحة للمصنع --- التفت للصينى قلت تتكلم انجليزى قال نعم -- قلت شنو بضاعتك -- قال ملابس -- بسعر رخيص -- واوديك لشنغهاى انت وموظفتك تذكرة وسكن يوم واحد على احسابى -- بس كنسل الرحلة -- قلت انا اسعارى 20 فلس او 30 فلس للحبة قال اوكى -- كنسلت الرحلة لبانكوك وقصينا تذاكر لشنقهاى العظيمة --مع العلم انا اكرة هذى الحركة رايح لعيالى وبعدين اكنسل ما احب بس هذى مصلحتى ادوس على النفسية الله المستعان -- توكلنا على الله شنقهاى وسكنا بارقى فندق وثانى يوم الصبح رحنا للمصنع مصنع ضخم جدا لصناعة ملابس الرياضة -- اديداس وفيلا ونايك وكل الماركات العالمة -- جانى احد الموظفين وفتشنا البضاعه ولقيت فيها خراب 10 % البضاعه بحدود 10 كونتينرات -- بضاعه مرمية بزاوية مخزن مهملة لمدة سنتين تقريبا بس فوق الممتازة جاكيتات وملابس رياضيه حلوة -- كم السعر -- قالوا 30 الف دينار التفت للدلال الى جابنا وقلت انا حذرتك -- اسعارى من 20 الى 30 فلس ليش تجيبنا وانت مو متأكد من السعر قال كم سعرك قلت 4 الاف دينار بس -- ملاحظة : انا ميت بالبضاعه وسعرها -- بس حطيت نفسى متضايق وزعلان ( حركات تجار ) قال الموظف خلاص توكل ماراح نبيع -- رحنا للفندق وجانا 100 اتصال للدلال من المصنع قالوا الكويتى كم يدفع -- طبعا من 30 الف دينار نزلوا الى 6000 دينار -- بعدها ردينا الظهر للمصنع -- وسجلنا العقد -- وقالوا ان البضاعه بحدود 7 كونتينر -- قلت شريت كل الاستوك يطلع 5 او 10 كونتينر انا شريت كل البضاعة المرمية على الارض قالوا اوكى -- قلت للموظفة اطلبى 10 تريلات -- قالت سيد عبداللة هذى البضاعه 7 كونتينرات -- قلت مو شغلج اطلبى 10 تريلا مع عمال وبس --- بعد ساعتين اوصلوا العمال وحملنا حلالنا وطلعوا 10 تريلات وزادت البضاعه شوى قلت للدلال اخذ الباقى اكرامية لك --انجن الدلال والموظفة ومسؤل المصنع اشلون عرفت انها 10 تريلات -- قلت لمسؤل المصنع اعلمك بس تعلمنى ليش بعتوا بهذا السعر -- اوكى -- قلت بسيطة -- اضرب ارتفاع الكراتين فى عرض الكراتين يطلع الناتج 10 الاف كرتون وكل تريلا تشيل 1000 كرتون -- يعنى احتاج 10 تريلات --- قال الموظف اعلمك ليش بعنا بهذا السعر -- 1 - ممنوع نبيع البظاعه فى الصين هذى احد شروط انتاج البضاعه للتجار الصينيين -- 2 - اذا التاجر طلب 2000 جاكيت نصنع 2200 جاكيت بزيادة 200 جاكيت على حساب التاجر اذا صار عيب مصنعى بأى جاكيت نبدل -- والبضاعه بالكامل -- طالعه علينا بلاش -- قلت الحين فهمت .
    صدرت البضاعه لدبى وبعت 5 كونتينرات بربح دبل 5 مرات لله الحمد
    وخمس تريلات صدرتها للكويت
    لما وصلت بضاعتى للكويت -- ثمنها الاخ يوسف الكندرى بجمارك الصليبية 50 الف دينار قلت يا ابو يوسف يشهد الله انى شارى البضاعه 6000 دينار 10 تريلات وهذى نصها يعنى 2500 دينار حرام تثمنها بهذا السعر -- تشترى البضاعه منى 6000 دينار انصدم الكندرى -- كان جالس موظف جمارك الاخ العزيز صلاح اسد -- قال شريت يا بو على بس ما تزعل ( يعتقد انى اكذب بالسعر ) علشان الجمارك قلت مبروك عطنى فلوسى وفعلا راح للبنك وسحب 6000 دينار وقال تفضل -- ( بس طالعه من خاطرك) قلت الف مبروك انت تعرفنى عدل واسعارى -- طلعت من الجمارك-- والا الاهوازيين الدلالين -- خوش بضاعه يابوعلى قلت بعتها لصلاح اسد -- قالوا روح لة نعطيه 18 الف دينار ويخليها -- ( قالى المخلص كنسل البيعه يابو على ) قلت والله لو يدفعون مليون دينار -- كلمتى وحدة بعت خلاص بعت رجعت لصلاح وقلت 18 الف بعت قال اسمحلى يا بو على ابى اكثر قلت الله يرزقت كيفك انشاء تبيع بمليون دينار
    بعد سنه اتصل فينى صلاح اسد وقال يابو على البضاعه ما انباعت -- قلت اهم من الشراء -- التصريف -- يا صلاح
    تبيعنى 2000 دينار قال بعتك -- البضاعه مخزنه فى الاحمدى فى مخازن عمى العم الكبير المعروف -- السيد سلطان اسد اول راكب سيكل هارلى فى الكويت من الخمسينيات
    قلت خلاص تفضل 2000 دينار وراح احمل البضاعه
    طبعا ثانى يوم بعتها على عراقيين 16000 دينار
    ورحنا للمخزن نحمل وسئلنى صلاح يابو على وراس اعيالك كم بعت البضاعه قلت 16000 دينار -- انصدم صلاح اسد -- وقال الخبرة لها دور الله يرزقك يابو على -- نيتك صافية -- جبتلى ربح 12000 دينار وما سمعت كلامك -- وانت لو واحد غيرك كان غير نيتة والغى البيعه
    قلت الرزق على الله انا ربحان ما يهمنى اللى بعدى انشاء الله يربح مليون دينار هذى طريقى فى عالم التجارة
    ( اوصيكم ونفسى بان تجعل الله بينك وبين حلالك وزباينك )
     
  2. العاشق

    العاشق عضو مميز

    التسجيل:
    ‏18 يناير 2009
    المشاركات:
    14,324
    عدد الإعجابات:
    557
    مكان الإقامة:
    هنا

    الله يوفقك بوعلي

    وانت رجال قنوع والقناعه زينه

    الف شكر ​
     
  3. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,220
    عدد الإعجابات:
    163
    مكان الإقامة:
    kuwait
    الله يجزاك خير
    مشكور على مرورك
     
  4. khalid592

    khalid592 عضو نشط

    التسجيل:
    ‏2 مايو 2005
    المشاركات:
    700
    عدد الإعجابات:
    44
    مكان الإقامة:
    kuwait
    ماشاء الله عليك .. فعلا انت صاحب قرار .. والله يوفقك ورزقك من حيث لا تحتسب ..
     
  5. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    ماشاء الله


    موفق خير :)
     
  6. maz149

    maz149 عضو نشط

    التسجيل:
    ‏6 ديسمبر 2009
    المشاركات:
    1,025
    عدد الإعجابات:
    14
    مكان الإقامة:
    الكــويـت
    مشكور يا بو علي ,

    و الله يكثر من امثالك ....شوقتني يا اخوي اقدر السفر معاك ؟
     
  7. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,220
    عدد الإعجابات:
    163
    مكان الإقامة:
    kuwait
    الله يجزاك خير
    ومشكور على مرورك

    الله يجزاك خير
    ومشكور على مرورك

    الله يجزاك خير حياك الله تشرفنى اى وقت
    ومشكور على مرورك
     
  8. محب المصطفى

    محب المصطفى عضو نشط

    التسجيل:
    ‏6 فبراير 2010
    المشاركات:
    327
    عدد الإعجابات:
    29
    مكان الإقامة:
    q8
    ماشاء الله تبارك الله عليك أخوي...
     
  9. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,220
    عدد الإعجابات:
    163
    مكان الإقامة:
    kuwait
    الله يجزاك خير
    ومشكور على مرورك
     
  10. الاحمـد

    الاحمـد عضو نشط

    التسجيل:
    ‏16 يونيو 2008
    المشاركات:
    1,425
    عدد الإعجابات:
    2
    والله ان نيتك صافيه يابوعلي

    الله يوفقك شاء الله
     
  11. و111حد

    و111حد عضو جديد

    التسجيل:
    ‏9 يوليو 2010
    المشاركات:
    139
    عدد الإعجابات:
    0
    مكان الإقامة:
    الكويت
    عساك ذخر اخوى