في ظل ايجابية السوق - هل تبحث عن سهم في القاع ؟

[Abdullah Alhajeri]

السلام عليكم

اسمنت فجيرة -807

وقف الخساره اغلاق اقل من 148
المقاومة 160
الاهداف 188 - 214

ملاحظة: ليس بالظرورة تحقيق الهدفين على التوالي

الشراء والبيع مسؤوليتك انت وحدك فأرجو ان تخطط لمحفظتك جيداً​

 

[sporty72]

تسلم أخوي عبدالله موضوع ممتاز
لكن لو تكرمت تعطينا أسهم أخرى نكون لك شاكرين

 

[rahaly]

بارك الله فيك

بس ياريت تطلب من المشرفين يحطولك عصايه

اقصد عصى لكلمة ظل .. وليست ضل .. مو عصى لك .. انت تستاهل ورده

 

[Abdullah Alhajeri]

تسلم أخوي عبدالله موضوع ممتاز
لكن لو تكرمت تعطينا أسهم أخرى نكون لك شاكرين

ان شاء الله في اذا استمر السوق في مناطق جيده سوف اذكر اسهم اخرى تعطي ربح طيب ان شاء الله

بارك الله فيك

بس ياريت تطلب من المشرفين يحطولك عصايه

اقصد عصى لكلمة ظل .. وليست ضل .. مو عصى لك .. انت تستاهل ورده

وفيك يا مستشارنا

العصى لمن عصى وانا ما أُمرت عشان اعصى

كل ما ابتغيه هو اخلال قانون توزيع الثروه في سوق الكويت

اما الغلط في العنوان الاخوان يسمعونك وماراح يقصرون

اسعدني مرورك

 

[أبو عمر]

أخوي Abdullah Alhajeri

شنو اللي يخلينا نشتري هذا السهم واليوم بعد مكون نافذه ساقطة ؟
وشلون نعرف انه قاع ؟
ممكن توضح جزاك الله خير

 

[CHILI_Q8]

بارك الله فيك فعلا ممكن يرتد
بالنسبه لي ممكن يرتد من 146
واغلاق اسفل منه سلبي

 

[أبو عمر]

يمكن
144
140

 

[بن عدوان]

السلام عليكم

يمكن
144
140

اسمحلي استخدام شارتك ياكحيلان

ومشكور يالتلميذ على جهودك المميزه

اعتقد ان الشكل استمراري للنزول والله اعلم وابعد مما حددتوه !!

اما اخوي الهاجري كله خير وبركه (( وترى الرسام مازال له بالذاكره رسمه جميله )) ، ومشكور ياعبدالله الهاجري .

 

[أبو عمر]

اسمحلي استخدام شارتك ياكحيلان

ومشكور يالتلميذ على جهودك المميزه

اعتقد ان الشكل استمراري للنزول والله اعلم وابعد مما حددتوه !!

اما اخوي الهاجري كله خير وبركه (( وترى الرسام مازال له بالذاكره رسمه جميله )) ، ومشكور ياعبدالله الهاجري .

آه يا مزيون انت يا بن عدوان
طافني المثلث ،، أي كحيلان عاد

 

[Stocks Observer]

حمدالله على السلامه، وجزاك الله على خير على هالمضوع الحلو.

 

[nader100]

السلام عليكم ورحمة الله وبركاته

تسلم أخوي عبدالله موضوع ممتاز
لكن لو تكرمت تعطينا أسهم أخرى نكون لك شاكرين

تفضل أخي العزيز حيات كوم سعره 198 أول مرة يصل لهذا السعر

والسهم ممسوك من أهله على إسمه ههههه

(( هذه وجهة نظري وليست دعوه للشراء أو للبيع ))

والشاطر يشتري بأقل من هذا السعر ويصك التجوري

و سلامتكم

 

[Abdullah Alhajeri]

أخوي abdullah alhajeri

شنو اللي يخلينا نشتري هذا السهم واليوم بعد مكون نافذه ساقطة ؟
وشلون نعرف انه قاع ؟
ممكن توضح جزاك الله خير

سعيد بمرورك , الاختلاف في النظر لا يفسد للود قضيه
ولكنّي ارى عوامل كثيره ايجابية انت لم تراها كما انك رأيت نجمة ساقطه وسعد رأى مثلث هابط استمراري

واذا مصمم تعرف ليش انا توقعت ان هالسهم وصل قاعه بلغني وان شاء الله انزل شارتات مو شارت معا شرح كل شي ايجابي انا شفته

بارك الله فيك فعلا ممكن يرتد
بالنسبه لي ممكن يرتد من 146
واغلاق اسفل منه سلبي

كلامك صحيح ماراح اختلف معاك كلها فلسين :>

اسمحلي استخدام شارتك ياكحيلان

ومشكور يالتلميذ على جهودك المميزه

اعتقد ان الشكل استمراري للنزول والله اعلم وابعد مما حددتوه !!

اما اخوي الهاجري كله خير وبركه (( وترى الرسام مازال له بالذاكره رسمه جميله )) ، ومشكور ياعبدالله الهاجري .

بارك الله فيك يا سعد ولك نظرة فنيه جيده

اما بخصوص رسام فصخ اللطمة معاها اشياء كثيره :d

حمدالله على السلامه، وجزاك الله على خير على هالمضوع الحلو.

الله يسلمك اي والله يامحمد رديت من السفر وركبتني صخونه من عطست هندي جمبي بالطيارة هههههه

 

[أبو عمر]

سعيد بمرورك , الاختلاف في النظر لا يفسد للود قضيه
ولكنّي ارى عوامل كثيره ايجابية انت لم تراها كما انك رأيت نجمة ساقطه وسعد رأى مثلث هابط استمراري

واذا مصمم تعرف ليش انا توقعت ان هالسهم وصل قاعه بلغني وان شاء الله انزل شارتات مو شارت معا شرح كل شي ايجابي انا شفته

عزيزي بدون زعل أنا ما أنتقدك ،، أنا مجرد استفسر شنو اللى انت شايفه بالسهم واحنا مو شايفينه ؟
ممكن تحط لنا الشارت اللي شايف فيه ايجابيات بارك الله فيك .

 

[Abdullah Alhajeri]

عزيزي بدون زعل أنا ما أنتقدك ،، أنا مجرد استفسر شنو اللى انت شايفه بالسهم واحنا مو شايفينه ؟
ممكن تحط لنا الشارت اللي شايف فيه ايجابيات بارك الله فيك .

افا عليك بس زعل ! انت تدور الزعل

الله لا يجيب الزعل هاك حزمه من المؤشرات واتقبل اراء مخالفه او مصححه

واعلم يا اخي اني لا ادعي الغيب ! بل اتوقع بناء على استراتيجيتي الموضوعه بناء على كتب ومراجع

وبارك الله فيك على المتابعه

 

[Abdullah Alhajeri]

هذي مشاركه لي قبل انطلاقه سهم زين ( تقريبا كان فيها نفس المؤشرات)

http://www.indexsignal.com/vb/showpost.php?p=2666159&postcount=364

 

[أبو عمر]

افا عليك بس زعل ! انت تدور الزعل

الله لا يجيب الزعل هاك حزمه من المؤشرات واتقبل اراء مخالفه او مصححه

واعلم يا اخي اني لا ادعي الغيب ! بل اتوقع بناء على استراتيجيتي الموضوعه بناء على كتب ومراجع

وبارك الله فيك على المتابعه

مشاهدة المرفق 152840
مشاهدة المرفق 152841

الله لا يجيب زعل ان شاء الله
وماحد يا خوي يعلم الغيب بس انا شفته كاسر ترندات تاريخيه يعني صعب الدخول عليه الى ان يعدل ،، ما تضمن وين القاع بعد .
صحيح شايف مؤشراته بالحضيض بس بالنسبه لي مو كافي أدش عليه .
هذا غير شمعه اليوم سلبيه .

عموما ممكن تكون صح ويرتد،، ووجهة نظرك أحترمها

تقبل تحياتي
والله الموفق

 

[Abdullah Alhajeri]

الله لا يجيب زعل ان شاء الله
وماحد يا خوي يعلم الغيب بس انا شفته كاسر ترندات تاريخيه يعني صعب الدخول عليه الى ان يعدل ،، ما تضمن وين القاع بعد .
صحيح شايف مؤشراته بالحضيض بس بالنسبه لي مو كافي أدش عليه .
هذا غير شمعه اليوم سلبيه .

عموما ممكن تكون صح ويرتد،، ووجهة نظرك أحترمها

تقبل تحياتي
والله الموفق

وانا ماقلت انه بيحقق قمم جديده

الدعوه شراء وتحقيق مكاسب 15-30% وخروج

شاكر لك على ديموقراطيتك

 

[فيصل2]

وجهة نظري

ان السهم من كسر الدعم 160

يكون له هدف وهو 124

احتمال يرتد منها

الى المقاومة وهي نقطة الكسر 160

 

[بن عدوان]

آه يا مزيون انت يا بن عدوان
طافني المثلث ،، أي كحيلان عاد

ههههههههههههه مافيه كحيلان الا واحد وهو الاصيل شرواك

ولايهون باقي الاعضاء

بارك الله فيك يا سعد ولك نظرة فنيه جيده

اما بخصوص رسام فصخ اللطمة معاها اشياء كثيره :d

ويبارك بعمرك يالغالي وماعليك زود

اللطمه ههههههههههه الله يعين

 

[الرسته جوكى]

السلام عليكم

بارك الله فيك

شرايك فى بيت الاستثمار الخليجي

مو جنه مسوى قاع على 71 فلس وعنده هدف حلو بعد الانطلاقه
لانه من زمان وهو ماتحرك

موفق خير