أول مشاركة لي وأبي رايكم لا تبخلون علي

الموضوع في 'اعلانات العقار' بواسطة كويتي ذرب, بتاريخ ‏9 فبراير 2010.

حالة الموضوع:
مغلق
  1. كويتي ذرب

    كويتي ذرب عضو جديد

    التسجيل:
    ‏4 فبراير 2010
    المشاركات:
    49
    عدد الإعجابات:
    0
    السلام عليكم

    وهذي أول مشاركة لي بهذا المنتدي الطيب

    أنا عندي طلب سنة 2002

    وأبي بيت سكن لاني بصراحة تعبت من الأجار ومليت منه ....

    واللي أشوفه في تذبذب بمواضيع المنتدي بصعود ونزول العقار ... اللي

    بوصله لكم وأبي رايكم ومن شاور ما خسر .... كالتالي:

    1- أني اشتري بيت .

    أو

    2- أنطر مشاريع الأسكان.


    وانا من سكان الدائرة الرابعة.....


    أبي رايكم يا أخوان ولا تبخلون علي وأتمني من الله سبحانه الاستفاده بهذا الموضوع للجميع


    أخوكم: كويتي ذرب
     
  2. طارق55

    طارق55 عضو نشط

    التسجيل:
    ‏13 أكتوبر 2008
    المشاركات:
    398
    عدد الإعجابات:
    4
    السلام عليكم

    اخوي عندك افلوس اشتري ارض وابنيها .. ماعندك لاتتسلف وتحط علي ظهرك اقساط تتعب من وراه هالقسط علشان بيت .. كلنا صبرنا 17 سنه الين ماطلعت لنا ارض وبنيناها .. والمشاريع جايه كثيره هذا الي انا اشوفه والله انتم احسن منا بعد بهالخطط والمناطق الجديده .. اصبر والله كريم ..
     
  3. Abdulla990

    Abdulla990 عضو جديد

    التسجيل:
    ‏10 نوفمبر 2007
    المشاركات:
    447
    عدد الإعجابات:
    0
    اذا لقيت شي لقطة اشتر و اذا تقدر تنتظر يكون احسن لأن الأمور راح تصير احسن مع الوقت إن شاء الله.
     
  4. كويتي ذرب

    كويتي ذرب عضو جديد

    التسجيل:
    ‏4 فبراير 2010
    المشاركات:
    49
    عدد الإعجابات:
    0
    مرحبا



    الله يرحم والديك علي هالنصيحه ياخوي طارق...

    جعلها في ميزان حسناتك​
     
  5. كويتي ذرب

    كويتي ذرب عضو جديد

    التسجيل:
    ‏4 فبراير 2010
    المشاركات:
    49
    عدد الإعجابات:
    0
    مرحبا



    مشكور ياخوي عبدالله ولا قصرت علي هالنصيحه...

    بس ترا اقل ارض ياخوي 80 الف دينار يعني مبلغ مو سهل

    ....................................


    انا ودي يا اخوان ابدل طلبي مع قسيمه وازيده المبلغ اللي يبيه بس عندي استفسار....


    انا طلبي 2002 هل يجوز التبديل؟؟؟

    واذا ما اقدر ابدل ... ماهو الحل يا اخواااااااااااااااااااان


    وناطر الرد الله يجزاكم عني كل خير​
     
  6. Fire MaN-

    Fire MaN- عضو جديد

    التسجيل:
    ‏27 ابريل 2009
    المشاركات:
    1,091
    عدد الإعجابات:
    0
    مكان الإقامة:
    الكويت
    مرحبا فيك يكويتى ذرب طلبك ما تقدر تبدل فيه لان التبديل لغاية اخر 99 عموما الراى ياخوى انك اذا تقدر تشترى اشتر فمنطقتك واذا ما تقدر اصبر وانطر المشاريع اللى جايه ولو انى اقترح عليك تاخذ فى سعد العبدلله الحين قبل لاترتفع اسعارها 0 وحياك الله معانا مره ثانيه 0
     
  7. كويتي ذرب

    كويتي ذرب عضو جديد

    التسجيل:
    ‏4 فبراير 2010
    المشاركات:
    49
    عدد الإعجابات:
    0
    قوة


    الله يعطيك العافيه ياخوي فاير مان ولا قصرت علي هالمشاركة الطيبة...

    ممكن سؤال بسيط لك ولكل الاعضاء المحترمين....

    مادام التبديل واصل لسنة 1999 ... انا تقديمي سنة 2002 ...

    السؤال كتالي يا اخوان:

    بأي سنة تتوقعون يحق لي التبديل بطلبي .... ارجووو المشاركة من اخواني

    اعضاء المنتدي وانت اولهم يا فاير مان ...


    ولكم جزيل الشكر​
     
  8. وافى الوافى

    وافى الوافى عضو نشط

    التسجيل:
    ‏26 مارس 2008
    المشاركات:
    696
    عدد الإعجابات:
    1
    مكان الإقامة:
    الكويت

    ...

    كلما طلبوا ناس جدد لمناطق جديده علشان يخصصون ...


    مثلا اللحين طلبوا اللى عنده طلب 99 علشان يخصص فى منطقة


    صباح الاحمد .... فرفعوا التبديل الى 99 ...!!


    ممكن بعد فتره يطلبون اللى عنده طلب 2000 أو 2001 أو 2002


    فساعتها يحق لك التبديل متى ماوصل دورك لأى منطقه من المناطق ..!
     
  9. كويتي ذرب

    كويتي ذرب عضو جديد

    التسجيل:
    ‏4 فبراير 2010
    المشاركات:
    49
    عدد الإعجابات:
    0
    مرحبا

    مشكووووووووووور ياخوي الوافي ولا قصرت علي المشاركة

    ولاهي غريبه عليك ولا علي الاخوان اللي شاركووو من قبل
     
  10. Fire MaN-

    Fire MaN- عضو جديد

    التسجيل:
    ‏27 ابريل 2009
    المشاركات:
    1,091
    عدد الإعجابات:
    0
    مكان الإقامة:
    الكويت
    هلا والله اخوى كويتى طلبك ان شاء الله وشبه متاكد راح يحوشك فى صباح الاحمد لان صباح الاحمد من المتوقع راح توصل لغاية 2005 والله يوفقك ويوفق الجميع
     
  11. كويتي ذرب

    كويتي ذرب عضو جديد

    التسجيل:
    ‏4 فبراير 2010
    المشاركات:
    49
    عدد الإعجابات:
    0
    قوة

    هلا بخوي فاير مان

    ويعطيك الف عافيه علي سعة صدرك معاي


    ياخوي انا مابي مدينة صباح الاحمد ... لعدة اسباب:

    1- البعد

    2- عدم توفر الخدمات ... يقولون راح يضبطون الخدمات صح؟؟ انزين عندك الجهراء والاحمدي عموماااااا جم سنة هالمدن بالكويت؟؟ مئات السنين صح!!

    وين المعاهد والكليات والمستشفيات الراقيه مثل الاميري وغيره؟؟

    3- المنطقة غير صحيه بشهادة لجنة البيئه... يقولون راح يشيلون ردم النفايات صح ؟؟ انزين عندك ام الهيمان صارلها سنين محد التفت صوبها لا حكومة ولا اعضاء ... والاعضاء الحين يحركون القضيه واقسملك بالله لمصالحهم مو للمواطن وانا اقسم بالله ولا احلف بالله جذب

    وبعد هالنقاط ياخوي فاير تبيني اخذ بمنطقة صباح الاحمد؟؟

    احلا مافيها هالمنطقة اسمها ... الله يطول بعمره الشيخ صباح فقط فقط فقط


    والله يوفق اللي اخذ فيها يارب ... واتمني اني اكون اخطأت بالنقاط عشان اخواني الكويتيين يعيشون عيشة بشرررررررررررر

    علي انه صعب بس اتمني اخوي اخطأت



    مع السلامه​
     
  12. Fire MaN-

    Fire MaN- عضو جديد

    التسجيل:
    ‏27 ابريل 2009
    المشاركات:
    1,091
    عدد الإعجابات:
    0
    مكان الإقامة:
    الكويت
    هههههههههههه كلامك صحيح 00 المنطقه فيها سلبيات بس هم فيها ايجابيات واهمها المساحه والخدمات الللى بتكون فيها 00 ما تدرى يمكمن بعد جم سنه الله يعطينا وياك العمر ويقوم سوقها اذا انته من اهل الرابعه ياخوى شوفلك قسيمه بسعد ولا جابر ولا غرب صليبيخات وتوكل على ربك والله يوفقك ياخوى 0
     
  13. بومشاري1974

    بومشاري1974 عضو جديد

    التسجيل:
    ‏22 مايو 2007
    المشاركات:
    40
    عدد الإعجابات:
    0
    اخي كويتي ذرب نصيحه لوجه الله لك ان استطعت تشتري اوبدل في سعد العبدالله اوجابر الاحمد لاتنطر اشتري علي طول اذا وصل دور طلبات 2002 ان شاء الله قريب يوصلك ويوفقك في البيت اللي تتمناه قول امين
     
  14. الحريه وطن

    الحريه وطن عضو نشط

    التسجيل:
    ‏31 يوليو 2008
    المشاركات:
    2,022
    عدد الإعجابات:
    3
    اشتر وفك عمرك

    الوضع منهار ومأساوي لاتترجا من الحكومه خير كل المشاريع فقط علي الورق يعني يقولون انطر 20 سنه ويجيك بيت وهم يبيعونك الوهم
    اخوي انا طلبي 2003 وقاعد ادور بيت لاني ارفض اسكن في صباح الاحمد (علما باني من اهل المنطقه العاشره وكارهها كلها) وارفض الصبيه وارفض السالمي وارفض النعايم

    هذا قدرنا لازم نعيش معاه
     
  15. كويتي ذرب

    كويتي ذرب عضو جديد

    التسجيل:
    ‏4 فبراير 2010
    المشاركات:
    49
    عدد الإعجابات:
    0

    هلا بخوي فاير وهم اقولك ماقصرت علي سعة صدرك معاي...


    انت من صجك تتكلم انه راح يتعدل الوضع؟؟

    تبي الصج انا اقول انت اكيد تتغشمر علي هالحجي :)

    بس بقولك شي هالموقع راح يبقي سنين بأذن الله وراح ترجع لكلامي وراح تقول لعيالك وأحفادك بأذن الله ان في واحد قال هالحجي بس محد كان ملتفت صوبه والايااااااااااااااام بينا

    مع السلامه
     
  16. كويتي ذرب

    كويتي ذرب عضو جديد

    التسجيل:
    ‏4 فبراير 2010
    المشاركات:
    49
    عدد الإعجابات:
    0


    هلا بخووووووووي بو مشاري وشاكرلك علي هالمشاركة الطيبة...

    والله ياخوي علي ايدك يحقلي ابدل وتتسارع طلبات التبديل ... وانا أولهم بأذن الله وقوته... بس السالفة مطولة مبين لان لحد الحين 99 يحقلهم يبدلون بس الله كريم...

    وشاكرلك ياخوي علي الدعوه (( اللهم امين امين امين )) ويارب تكون مستجابة


    مع السلامه
     
  17. كويتي ذرب

    كويتي ذرب عضو جديد

    التسجيل:
    ‏4 فبراير 2010
    المشاركات:
    49
    عدد الإعجابات:
    0


    ياهلا بخوي الحرية وطن ومشكور علي هالمشاركة الطيبه...


    كلامك مطابق كلامي بالضبط وفعلااااااااااا انت قلتها هذا قدرنااااااااا

    بس بأذن الله سبحانه لن اعيش بجلباب الانتظار الاسكاني :)


    مع السلامه​
     
حالة الموضوع:
مغلق