مطلوب عطر اصلي تكفه

[ح.الموسوي]

السلام عليكم شباب وشابات المنتدى شلونكم شخباركم

ابي عطر توم فورد الاصلي يعني بالعربي مابي خلطات وماادري شنو ابي الاصلي سواء كان بلاك اوركيد او عود او عمبر المهم يكون عطر اصلي بالكرتون وطبعا تراعونا بالسعر

ومشكورين ودمتم سالمين

 

[almu7ank]

موجود توم فورد اوركيد

100 ملي بسعر 45 دينار
50 ملي بسعر 33 دينار

 

[ح.الموسوي]

حصلته 40 دينار 100 مل

وفي اقل بالسوق بعد اتمنى احصل بسعر معقول وانا شراي والله مو بس انا حتى الشباب بالديوانيه يبون يعني اللي يعطيني اقل سعر احتمال اخذ كل الكميه اللي عنده

وشكرا

 

[basemo]

موجود بفيلا مودا

 

[almu7ank]

ممكن تبلغني وين حصلته على 40

لان انا محصله في المهلب عند الحمود على 48 دينار ومحصله بالمهلب عند الالماسه على 55 دينار

اما سعره في فيلا مودا بالستين هذا بلاك اورديك اما الاكستريم سعره عندهم 120 دينار والحين مادري اذا عندهم ولا لا

 

[ح.الموسوي]

موجود في محلات الجمله اللي بالديره وشرط اصلي 40 دينار

ما في احد يعطينا اقل

 

[العنود22]

من امريكا سعره وايد ارخص من هني اذا عندك احد هناك يجيب لك واحد

 

[ح.الموسوي]

مو هذه المشكله انه وايد رخيص ماادري ليش السوق هني استغلال يعني الواحد يربح شي معقول ما نقول شي بس ربح فوق الدبل ماادري

عموما حصلت واحد رايح لندن راح يقولي سعره جم واذا كان رخيص راح احط بالمنتدى واللي يبي ما راح اقصر اطلب له ان شاء الله

 

[almu7ank]

سعره في امريكا مادري عنه

بس بلندن بحدود 38 دينار ومرات 40 دينار يعني على حسب صرف الجنيه الاسترليني
انا في كل مره اشتريه من لندن

وانا سعري 45 دينار واذا انت تشوفه استغلال هذا رايك واحترم رايك

 

[ح.الموسوي]

لا يا الغالي مو قصدي عنك استغلال عزيزي انت بالعكس بس بامريكا صج رخيص وتقدر تدش موقع اي باي او امازون وتشوف بنفسك في 55 دولار و70 دولار يعني حسب صاحب العطر جم طالب فيه وطبعا ما يحتاج امدح الموقعين ما فيهم غش ومعروفين على مستوى العالم مو بس امريكا

عموما الله يرزقك والله مو قصدي عنك انا مااحب اقطع رزق احد الله يوفقك وتبيع الكميه كلها

ومشكور على المعلومه عن لندن كلامك صح وانا شاري 50 مل من هناك ب33 دينار تقريبا
كلامك على العين والراس

 

[ملكة الياسمين]

في واحد اسمه ابو صالح شفت له اعلان بمنتدى تجاري عنده العطر الاصليي بلاك اوركيد بالكرتون كاتب العطر ب39 دينار
ابو صالح 97276376 ما ادري شوفوه اذا يرخصلكم

 

[محب الرياضه]

انا شاريه بـــــــــــ 28 واصلي مو 38
بو 100 مل

وبالنسبه للعطر خلاص صار قديم وفيه احسن منه يمكن 6 او 7 عطور

 

[نايف للحصريات]

أنا حاليا بلندن .. إذا حاب ايب لك عطورات و شغلات وايد تعجبك

لــتواصل .. بالتوقيع

 

[ح.الموسوي]

هلا اخوي محب الرياضه ما عليك امر دلنا من وين شاريه 28 ابيلي عشرين حبه تقريبا

اخوي نايف مشكور على مرورك يالغالي راح ادق عليك باجر انسق معاك اشوف جم السعر هناك

اتمنى من اخوي محب الرياضه يعطيني المكان اللي شاريه منه 28 ياريت

 

[ح.الموسوي]

محب الرياضه انا انتظر تعطيني المكان اللي شريت منه العطر

 

[almu7ank]

اخوي محب الرياضه

ممكن شنو العطر 6 او 7 اللي احلى منه

سعر 28 يمكن شاريه من المصنع مباشره
او شاريه تعبئة الامارات من جبل علي

 

[ح.الموسوي]

ما اعتقد محصله 28 صعب مارد علينا حتى ماادري شفيه

 

[almu7ank]

الناس عبالها ان توم فورد بس الاسود

للعلم فقط ترا في منه 13 نوع تقريبا

واللي واحب يتعرف على العطر يدش موقع توم فورد ويشوفهم

 

[bosa4u]

الناس عبالها ان توم فورد بس الاسود

للعلم فقط ترا في منه 13 نوع تقريبا

واللي واحب يتعرف على العطر يدش موقع توم فورد ويشوفهم

انا عندي توم فورد 30ملي شاريه 350دينار
ومو رش بعد ومافي منه بلكويت
واعتقد الموسوي ياني البيت وشافه

 

[almu7ank]

انا عندي توم فورد 30ملي شاريه 350دينار
ومو رش بعد ومافي منه بلكويت
واعتقد الموسوي ياني البيت وشافه

توم فورد شنو عطرك اللي عندك اي نوع
من وين شاريه انت واذا ممكن تحط صوره له