مساعدة علي شاشة تاهو 2008

[Mishari M]

تحياتي لكم جميعا ... ابي مساعدتكم بموضوع.


عندي تاهو 2008 بدون شاشة ولاقي شاشات بالسوق فيهم خرائط وبلوتوث وكل شي وطبعا كلة شغل الصين بس بكفالة .... تنصحون فيهم ؟ وفي شي مجرب بمحل معين ؟؟؟ وهل يطيير علي الكفالة مالت الغانم ...

وجزاكم الله الف خير


مشاري,

 

[ح.الموسوي]

اخوي الشاشات الصينيه في منهم الزين والشين حسب الجوده اما بالنسبه حق الكفاله مالت الغانم ما تطير الغانم فيه ميزه اذا الشي اخترب بسبب اللي ركبته تجاري تطيح الكفاله يعني لو لا سمح الله الشاشه اللي ركبتها سوت التماس بالكهرباء يطيح الكفاله على العطل اللي صار منها بس مو على كل السياره

 

[q8gps]

اخوي عيب شاشة التاهو الي بشارع الزينه صوت السنسر وصوت العلامات راح يتغير ويصير صوت خايس لانه يركبون له سماعه خارجيه ولا الشاشه ماعليها كلام ولا يقصون ولا واير كلشي يركب كلبسات

 

[ibra1972]

تحياتي لكم جميعا ... ابي مساعدتكم بموضوع.


عندي تاهو 2008 بدون شاشة ولاقي شاشات بالسوق فيهم خرائط وبلوتوث وكل شي وطبعا كلة شغل الصين بس بكفالة .... تنصحون فيهم ؟ وفي شي مجرب بمحل معين ؟؟؟ وهل يطيير علي الكفالة مالت الغانم ...

وجزاكم الله الف خير


مشاري,

اخوي اذا عندك احد رايح دبي قوله يجيبلك شاشه من سوق نايف الي بمنطقه الديره اشكال و الوان و اسعار خياليه
انا الاسبوع الماضي جبت شاشه حق اليوكن طلعت علي 50 دينار طبعا بدون جي بي اس و شفتها بشارع الزينه ب 110

 

[Mishari M]

اخوي اذا عندك احد رايح دبي قوله يجيبلك شاشه من سوق نايف الي بمنطقه الديره اشكال و الوان و اسعار خياليه
انا الاسبوع الماضي جبت شاشه حق اليوكن طلعت علي 50 دينار طبعا بدون جي بي اس و شفتها بشارع الزينه ب 110

بس من دبي ايبها منو يركبها لانة اعرف واحد ركب اخترب عندة السنسر وراح من عندة تحكم السكان !! يعني ما يطول ولا يقصر الصوت وتغيير القنوات من السكان

 

[بو يويو28]

اخوي انا مركب شاشه على سيارتي يوكن 2008
اناكنت خايف مايشتغل السنسر ومادري شنو
بس الحمد لله كل شي اوووكي ..
التحكم بالسكان شغال يقصر ويطول ويغير الخ
والسنسر شغال ..صج انه الصوت يتغير مال التنبيه مثل (الحزام الخ) بس الصوت مافيه شي صوت عادي حلو ..
والخرايط شغاله والراديو والديفدي الخ..
انا ركبت الشاشه مع الكاميرا بـ 170 وشغل زقرت لا تقصيص وايرات ولا شي وطبق الاصل مثل الوكالة بدوون ترهيم ويعطون عليها كفالة ..
الوكالة زين وحلو وعلى قولتهم لايعلى على الوكالة بس اعتقد اذا ماخاب ظني سعرها بالوكالة 500 وفوق ..
واي شي تبي انا حاظر ورقمي 99933066 اخوك بو يوسف
موفق