تكفوون للي عندهم علم

[سلطان2009]

السلام عليكم ورحمة الله وبركاته
يا جماعه عندي اخوي بيسجل رقيب ومحتار بين الداخليه والجيش لكنه واخيرا رسى على الداخليه عقب ماعرف ان فيه علاوات ماهي موجوده بالجيش وموجوده بالداخليه ويعني بيتعين بالداخليه رقيب أول لكن المشكله متى تفتح دورة رقباء اوائل هني الكلام يعني ياجماعه الي عنده علم لا يبخل علينا وجزاكم الله الف خير ...

 

[q8.1911]

نصيحة أخ

شغله فيها بريهة لا يسجل فيها

بدال لايدق سنتين ومحجوز ومايشوف أهله إلا جمعة وسبت وغيره ، أنا أنصحه إذا يقدر على الجامعة خير وبركة وإذا مايقدر خله يسجل بمعهد الكهرباء والماء ويداوم وهو مرتاح وينام ويقوم في بيته ويتريق عند الأهل ويروح للدراسة مثل الأوادم وإذا تخرج يتعين بوزارة الكهرباء والماء وراتبه يعادل راتب العسكري وهذا إذا ما يتعداه بعد

والله نصيحة لا يروح للعسكرية

يا عمي وزارة الداخلية كلها استقالات حاليا وخاصة من قبل الرقباء الأوائل

وخله يستشير ويستخير وبعدها يقرر

وكل إلي قلته لك من واقع خبره والأمر راجع لكم*

 

[Se7T]

اخوي اخر وظيفة بالدنيا يفكر فيها انه يكون عسكري وبوزارة الداخلية اكلمك من واقع يومي ... اتعس مكان بالجيش افضل من كل الأماكن بالداخلية ... والراتب فرق السما عن الأرض بين الجيش والداخلية انا اعرف عريف يداوم بمعسكر بري راتبه يساوي راتب ملازم بالداخلية

اذا كلش يبي العسكريه خل يروح الحرس او يدش دورة فاحص فني او فني كهربة او مساح اراضي رواتبهم اقوى من العسكرية ودوامات فلة + انه يقدر يكمل دراسته الحين العسكرية خربت بالذات وان اهل الشهايد المضروبة راح يمسكون اماكن فيها ضبط وربط من بعد اضطهاد يعني الدعوى خربانة على الأخير