مشكلتي مع فاتورة الإنترنت حتى تعم الفايدة للجميع

الموضوع في 'إعلانات الكمبيوتر والإنترنت' بواسطة bofaisal38, بتاريخ ‏14 فبراير 2010.

حالة الموضوع:
مغلق
  1. bofaisal38

    bofaisal38 عضو نشط

    التسجيل:
    ‏21 نوفمبر 2009
    المشاركات:
    206
    عدد الإعجابات:
    0
    بسم الله الرحمن الرحيم

    اشتركت بانترنت فيفا قبل 10 ايام بمعرض انفوكونكت خط خاص بالانترنت فقط +راوتر واي فاي.

    وعندي خط ثاني فواتير فيفا مركبة على جهاز ايفون وكنت اشبك بالأيفون على الانترنت عن طريق الواي فاي يعني افعل خدمة الواي فاي وابحث عن شبكة الانترنت وبعدين اشبك .

    اليوم فصل خط الفواتير عندي ولما دقيت على خدمة العملاء وسألت عن السبب قال الموظف عليك فاتورة بمبلغ 74 دينار مع اني خط الفيفا فواتير ما استخدمة كلش بس ادفعله اشتراك شهري 3 دنانير علشان احتفظ بالرقم .

    وقالي الموظف ان المبلغ هذا عباره عن استخدام انترنت فقط مع اني ماطلبت تفعيل خدمة الانترنت على الخط لان عندي خط ثاني فيفا انترنت .

    المهم اللي فهمته اني خلال العشر ايام اللي كنت استخدم فيها الايفون على اساس انه شابك على الراوتر طلع شابك على الانترنت عن طريق شريحة فيفا اللي بالايفون وخلال 10 ايام حاسب تكلفة 74 دينار انترنت فقط .

    ولما سالت الموظف انا ماطلبت تفعيل الانترنت على خط الفواتير قالي اللي يستخدم الاي فون يتفعل معاه النت بدون لا اطلب من الشركة انها تفعل الخدمة .

    مع اني متأكد اني خلال الفترة اللي فاتت كنت اشبك بالاي فون عن طريق الراوتر لسببن لما ابتعد عن الراوتر مسافة كبيرة يفصل معاي النت مع ان شريحة فيفا موجودة بالايفون ولما اطفي الراوتر واحاول ادش على النت يطلع لي مسج بشاشة الأيفون يقول لايوجد خدمة .

    شلون صار الشي هذا ما ادري كلمت خدمة العملاء قالو نسويلك شكوى والدعم الفني راح يتصل عليك خلال 48 ساعة (وادري محد راح يتصل ) وبكره راح احاول ادخل على مدير الشكاوي بالشركة واشرحلة المشكلة عسى ان اجد حل .

    زبدة الموضوع اتمنى ان اللي صار معاي مايصير حق شخص ثاني واللي يسخدم الاي فون بالنت عن طريق الراوتر او الوايرلس يتأكد ان موقاعد يحسب عليه عن طريق الشريحة اللي موجودة بالايفون بدون مايدري .

    وانشاءالله بكره اذكر لكم اللي راح يصير معاي بالشركة بعد مراجعة مدير الشكاوي .

    ويشهد الله اني ماذكرت هالموضوع للمساس بالشركة ولكن حتى تعم الفايدة للجميع .

    واتمنى اني قدرت اشرح المشكلة بشكل واضح .
     
  2. a7med911

    a7med911 عضو نشط

    التسجيل:
    ‏24 يونيو 2007
    المشاركات:
    754
    عدد الإعجابات:
    0
    مكان الإقامة:
    Kuwait
    الله يعينك .. احسن شي ايفون مع اشتراك وطنيه 13 دينار والايفون يصير مثل راوتر لما تفعل فيه خدمه internet tethering وجذي يصير عندك نت بالايفون واللابتوب وباشتراك واحد بس ..

    ومعروف الشركات تبي تاكل الزباين باي شكل كان سواء زين ولا فيفا ولا وطنيه .. كلهم نفس الشي وانا اشوف افضل السيئين الوطنيه
     
  3. MNGASH

    MNGASH عضو جديد

    التسجيل:
    ‏10 أغسطس 2008
    المشاركات:
    446
    عدد الإعجابات:
    0
    الله يكون بعونك والله يعوض عليك خير ومشكور على النصيحة وجزاك الله خير
     
  4. nxman

    nxman عضو نشط

    التسجيل:
    ‏28 يونيو 2007
    المشاركات:
    512
    عدد الإعجابات:
    0
    الله يعينك انشاء الله

    بالنسبه للايفون اذا كان wifi مفتوح راح يشبك عليه تماتيك اما اذا بعد شويه عن الراوتر راح يشبك 3g والله يعينك الكيلوبايت 10 فلوس وكل شرائح فيفا الانترت فيها شغال من العلبه من غير اشتراك بس يحسب عليك اذا استعملته دير بالك اخوي تصير معاك وانت مسافر راح الفاتوره توصل للحد بدقايق والله يعوض عليك انشاء الله
     
  5. بن فرناس

    بن فرناس عضو جديد

    التسجيل:
    ‏31 مايو 2007
    المشاركات:
    508
    عدد الإعجابات:
    0
    اكتب بيانات وهمية بال vpn علشان ما يشبك

    او استخدم برنامج apn changer
     
  6. ابو بندر2000

    ابو بندر2000 عضو جديد

    التسجيل:
    ‏27 يناير 2006
    المشاركات:
    1,752
    عدد الإعجابات:
    0
    اخوي انا اصارت لي نفسك بالضبط كنت اشبك بالايفون عن طريق الراوتر (الواي فاي) مع العلم انه عندي اشتراك بشركة (مازين) 7 دنانير بالشهر 1gb وبعدين يحسب بالكيلو بايت لكل فلس ماحسيت الا اخر الشهر وعلي 120 دينار سالت الشركه قالو كله شبك نت عن طريق الايفون مع اني اشبك بالبيت علي الراوتر لاكن الي عرفته ان كل ماصار ضغط علي الراوتر او النت حول علي 3g اتوماتيكي .
    فنصيحة للاخوان الي عندهم اي فون انهم نتبهون لي هالنقطه .
     
  7. هادي33

    هادي33 عضو جديد

    التسجيل:
    ‏7 ابريل 2009
    المشاركات:
    243
    عدد الإعجابات:
    0
    السلام عليكم جميعا .......

    الله يعينك ياخوي وحبيت انوه ويمكن ذكروه الاخوان ان الايفون فيه ميزه سرعه التحويل من

    الشبكه اللاسلكيه WiFi الى شبكه 3G ويمكن ما يبين عندك هالشي بس لازم تحط باعدادات

    الانترنت ارقام وكلمات وهميه علشان لما يشبك على ال 3G يكون هناك خطأ بالاتصال ........

    وللعلم مجرد ما تضعف اشاره الوايرلس WiFi يشبك على 3G ,المعروف ان مدى الوايرلس

    لأيفون مو مثل اللابتوب لأنه يعتبر جهاز محمول اي موبيل ......

    وهذا للعلم وووالله الموفق ......
     
  8. aoukbb

    aoukbb عضو جديد

    التسجيل:
    ‏4 يونيو 2009
    المشاركات:
    13
    عدد الإعجابات:
    0
    نظراً لنفس المشكلة اللي حصلت معاي ،،، بس الحمدلله قدرت أتداركها ...

    اكتشفت نفس الاكتشاف أنه فاتورتي قاعدة اتزين ،،، وأنا خطي زين بس بدون اشتراك

    وعندي راوتر بالبيت

    وبعد الاتصال على خدمة العملاء تبين الآتي:

    الأيفون بعمره ما يشبك على إنترنت على الشريحة إذا كانت الخدمة مو مفعلة.

    اهوه يقول إنه الأيفون بروحه يدور شبكة ويشبك ،،، هذا صح وخطأ بنفس الوقت

    نهاية الكلام ،،، قبل لا يطلع جهاز الأيفون كان لما الواحد يطلب تفعيل خدمة mms (وركزوا على هل الخدمة لأنها هيه المشكلة والحل بنفس الوقت) أو أي خدمة ثانية كانو يدوز كود عن طريق المسج،، بعدين شافوها عبالة ،،، فقالوا نخلي جميع الخدمات بكود واحد أو مسج واحد.

    اللي ما يعرفه الكثير إنك بمجرد ما تفعل خدمة الإم إم س تلقائياً تتفعل خدمة النت واللي يتم احتسابها عن طريق الكيلوا بايت

    بمعنى تبي ما تصير فيك هل الحركة اتصل على الشركة ووقف خدمة الإم إم س وجرب دش عالنت إما عن طريق برنامج سفاري أو أي نوع من أنواع المسنجر وراح تكتشف إنه النت بطل يشتغل ،،، إلا إذا دافع خدمة الاشتراك 7 أو 13 ... إلخ

    وطبعاً بعد ما وقفت الخدمة الفاتورة افرقت :)
     
  9. q_8_1975

    q_8_1975 عضو نشط

    التسجيل:
    ‏19 يوليو 2009
    المشاركات:
    257
    عدد الإعجابات:
    0
  10. شمـالي

    شمـالي عضو نشط

    التسجيل:
    ‏5 أغسطس 2009
    المشاركات:
    127
    عدد الإعجابات:
    0
    الله يعوض عليك خير ..

    شكرآ على النصيحه
     
  11. kwaity1978

    kwaity1978 عضو نشط

    التسجيل:
    ‏8 يناير 2008
    المشاركات:
    1,109
    عدد الإعجابات:
    1
    اخواني انا تكلمت مسبقا عن هل الاموضوع وكان التفاعل قليل المشكله حصلت معاي من قبل وتسببت لي ببيعي لجهاز ال اي فون عشان مالي خلق عوار راس ودندره ووصل المبلغ علي فوق 280 دينار بشهر وكذلك عدد من الاصدقاء وللعلم الي يقولك غير الاعدادات انا ما كان عندي اعدادات اصلا وانصدم الي بالشكاوي لكن الجهاز يشبك و على فكره انا كنت لاغي الخدمه و كان هذا الي بصالحي طيب شنو الحلول ؟

    الحل


    1- اطلب فاتوره تفصيله واحد من الربع لما طلبها ودقق ماكان الموظف منتبه على هل الشغله لقى ان بدقيقه وحده حاسبين عليه 17دينار فمستحيل تصير على طول خذا الموظف الورقه وقال خلاص بنطيح المبالغ ! انسى يعترفون انهم قلطانين

    2- الحل الثاني خط الموبايل تحط عليه الخدمه مالت زين المفتوحه للنت وسلامتكم
     
  12. Jasim

    Jasim عضو نشط

    التسجيل:
    ‏25 سبتمبر 2009
    المشاركات:
    148
    عدد الإعجابات:
    0
    نعم اخوي الايفون يستخدم الانترنت بدون لاتشترك لانه يستخدم خدمة ال mms ولايحتاج حتى برمجه لانه مبرمج على جذي وحتى لو خليك بخانت البرمجه بيانات وهميه هم راح يشبك مثل ماحصل معاي
    وهذا شي طبيعي مع الايفون وكلام الشركه صحيح
    والله يعينك
     
  13. بث مباشر

    بث مباشر عضو نشط

    التسجيل:
    ‏14 مارس 2009
    المشاركات:
    556
    عدد الإعجابات:
    0
    انا صارت معاي نفس المشكلة بس الحمدلله تلاحقت عليها ودقيت على شركة فيفا ولغوا الخدمة وتلفوني كان ايفون
     
  14. csc100

    csc100 عضو جديد

    التسجيل:
    ‏2 أكتوبر 2005
    المشاركات:
    109
    عدد الإعجابات:
    0
    انا صارت معاي مشكله مشابهه
    استخدمت الايقو مالت الوطنيه مده ساعه في البحرين مجرد سمعت كم اغنيه
    طلعت الفاتوره 92 دك دفعتها
    خذها مني نصيحه اي انترنت يحسب بالكيلو بايت لا تستعمله والغي برمجته لان يبيهونك الهوى
     
  15. q8modena

    q8modena عضو جديد

    التسجيل:
    ‏1 أغسطس 2009
    المشاركات:
    521
    عدد الإعجابات:
    0
    مكان الإقامة:
    kuwait
    الله يعينك انشاء الله
     
حالة الموضوع:
مغلق