الدفعة الرابعة من قسائم مشروع شمال غرب الصليبيخات لعدد 208 قسائم لاصحاب التخصيص حتى ت

[مفتش تجاري]

السلام عليكم ورحمة الله وبركاته
الموضوع واضح وا يبيله اي تفسير الخطأ كله من الاسكان والدليل اللجنه اللي حاطينها للتبديل بين القسائم والطلبات الناس تبي تسكن والاسكان حاطه لجنه للتبديل مره ومرتين وثلاث اشلون ماتبون يصير تاخير في الطلبات وتكدس في الناس اللي ناطره دورها والخطأ الثاني ان في ناس الله يهديها انشاء الله تبي قسيمه في صباح الاحمد وماخذه قسيمه في عكس الديره والمكان اللي هو بخاطره وقريب من اهله في صباح الاخمد متوفر له وببلاش ما راحو واخذو هناك وبنفس الوقت الناس تأخرت اللي هالصوب تأخرت في قسايمها واللي ذاك الصوب تأخرو في تبديل وتعطيل انفسهم على حساب التبديل وهذا رأي شخصي وارجو في نهاية كلامي اني لم اجرح اي اخ في المنتدى .

أخوكم بوعمر

 

[المعلم فهد]

اصبت كبد الحقيقه ياللمبي شالمسخره الحاصله هذي بس يومين اكيد في شي غلط يالجماعه والله مومعقوله 208 قسيمه والمطلوب لي اخر دفعة توزعت بس يومين

نعم يا الغالي هذا هو الي حصل بس انا يومين ماهي داخله في راسي صعبه اشوي يعني ما ترهم بس يومين يعني لو شهر كان مشت يومين صعبه اشوي نصبر ونشوف الدفعه الخامسه اذا حصل نفس الدفعه الرابعه تاكد انه في تلاعب في الاسكان

 

[الجود الاول]

هذا الشيخ احمد الفهد وقراراته اللى ضيعت مستقبلكم

وين اللى يمدحونه وخلّوه حلاّل المشاكل

 

[مشاكل87]

السلام عليكم
نعم شباب الى سجلو كلهم المتخلفين دفعه 92 دشو كانو ناطرين هديه وخيطان

وخربوا على وايد ناس مسجله وقالولى انه لهم الاولويه حتى لو انت مخصص

 

[am7]

سنلاحظ كثرة المعاقين في المناطق السكنية الجديدة
لأن الله ما يرضي بالبغي و الظلم

انا أعرف واحد طلبه 93 و أهل اخوه المتوفي طلبهم 97 أخذوا قسيمتين جنب بعض بجنوب الجهراء قبل 7 سنين ليش!!!!!!!! لأن أخوه متوفي
شوفوا الواسطه , هذا بعد أهون من الصاحي أبو إعاقة كذب بكذب


هذا كاريكاتير يثب أنه هناك واسطه لناس يطوفون الدور فقط لأن عندهم كرت معاق و هو صاحي , مو بس جذي بعد يطوف الدور بكل شيء و ياكل حق غيره

كاريكاتير بجريدة الوطن 15\10\2008
صح النـــــــــــــــــــــوم يا ناس
هذا الكرت ما يقدر يطلعه و هو صاحي مافيه شي الا أبو واسطه قوية , الله يبلي الكذاب فيهم بإعاقة دائمه إن شاء الله و يفكنا من شرهم

 

[طارق55]

صح والله شئ عجيب غريب اول مره يحصل !!

اعتقد والله اعلم ان وايد من اهل المنطقه العاشره جائوا اخذوا فيها لبيعها لاحقا والشراء قريب من اهلهم
هذا عدا فيه ناس وايد الي ناطرين خيطان او مناطق ثانيه جائوا علشان يأخذون فيها
وكله من التطبيل الزايد .. منطقه النخبه ومن هالكلك هذا .. يالله اكلوها الحين

 

[مستريح]

ياجماعة الخير ليش الحسد ؟؟؟


الله يوفقهم


المنطقة ماتتطوف وحلوة وع البحر والكل يرغبها وبخصوص اليومين اللي تقولون عنهم في اسباب كثيرة جعلت عجلة الدور تتوقف
منها ..

ان اغلبهم اجلوا ماكانوا يرغبون في الدفعات السابقة لان القطعة هذي مميزة وقريبة من الخدمات ..

وبعدين الناس سألت وطلع السد في هالمنطقة مو اقل من خمسين الف


شي طبيعي انك ماتحصل قسيمة في هالمنطقة


لاعتبارها ..


آخر منطقة توزع في العاصمة

قريبة من المستشفيات

قريبة من مركز العاصمة

قريبة من الجامعات

قريبة من السوق

قريبة من الواجهة البحرية


منطقة مغلقة وعد البيوت فيها قليلة

يعني لاازدحام في المستوصف ولا الجمعية ولا في المرافق الترفيهية

لذلك انا انصح كل من اخذ قسيمة او بيت مايفكر يبيعها لانها فعلا منطقة تستاهل وجميلة جدا جدا جدا

 

[الحريه وطن]

توزيع بالقطاره
طلبات 1992
اشهدنا رحنا وطي(تقديم 2003)
بالله عليكم شنسوي ماكو حل

الله لايوفقهم حكومه تعيسه

 

[q8-speed]

الحل عند مسلم البراك اذكر قبل عشر سنين استجوب وزير الاسكان عادل النوري وزير المالية يوسف الابراهيم بخصوص الاراضي الاسكانية بعدها ابشهر قليله طلعت منطقة غرب الجليب والقيروان وسعد العبدالله والنهضه بس للاسف مسلم البراك ترك قضية الاسكان واتجه الي محمد الجويهل وربعه

 

[الحريه وطن]

مسلم والسعدون مستلمين اللجنه الاسكانيه من 15 سنه وماسوو شي لكنهم افضل من غيرهم

 

[am7]

انا واحد سعودي قالي عمه يشتغل بشركة نفط الكويت و بشركة أرامكو وظيفتين

وبيته بالكويت مأجره و عايش بالدمام
و يستلم معاشين معاش بشركة نفط الكويت على أنه الحبيب يداوم فيها مضبط نفسه بواسطه
و معاش من ارامكو

حنا الكويتيين مو قادرين نتوظف بنفط الكويت

و اللي ما يغار على البلد بسبب هذا النزيف بأموال البلد على ناس أصلا مو عايشين بيننا , اللي ما يغار على الكويت من هالأشكال ما عنده لا ذمه و لا ضمير و لا و طنية سواء كان بدوي ولا حضري

و انا بدوي جهراوي بعد زين علشان ما تقولون حضري

 

[مستريح]

ياجماعة هدوا أعصابكم

وكل واحد يصلح سيارته

ماصار الا كل خير

والنعم في القبائل سواء عوازم مطير عتيبة وعجمان وشمر وغيرهم كلهم على راسنا من فوق


ولهم الحق ككويتين الدخول في القرعة واخذ قسيمة او بيت


اللهم لا حسد


الله يوفق اللي حصل على قسيمة او بيت في شمال غرب صليبخات


ان خدعنا ودخل وسوى نفسه مريض او معاق الله يحاسبه


وان كان دخل لانهم قطعوا عليه بدل الايجار ايضا من حقه


الحكومة اصلا قطعت عليهم بدل الايجار عشان ياخذون بيوت


روحوا حاسبوا الحكومة


وانا من رأيي


اللي ماحصله بيت يشتري فيها

والدنيا حظ ونصيب


ولو تجري جري الوحوش غير رزقك ماتحوش


والمنطقة جدا راقية


الله يوفق من سكن فيها وتستاهلون كلكم


ولعلها خيرة


من فقد الامل من المنطقة

الله بيعوضه ان شاء الله


والسلام عليكم

 

[دولار$]

هذة سالفة جديدة وراح اتاكد منها الخميس واعلمكم جم عددهم
لا والله اللى قاهرينى جم واحد قعدت معاهم ذات اليوم بالاحتياط قالى ( حنا ) ما نبى المنطقة نبى مدينة صباح بس علشان نبدل بطلب وناخذ 60 الف والحين هم انت تقول تقاعد طبى كدينا خير

يا خوى المنطقة معروف اهلها عنزة والصلبة والعيم و تناتيش منيه ومناك بس طالع اسماء وانت تعرف الله يعنى تخصيصنا المنطقة ونبيها ليش ما مشو الدور والاقدم المتخلف ينطر لين يخلصوا المخصص لهم وبعدين يشوفون دوره ::verymad::::verymad::::verymad::

ما دعوه أنفع يا صاحبي .... من دعوة الغائب للغائب
ناشدتك الرحمن يا قارئاً .... أن تسأل الغفران للكاتب

لا يُؤمنُ أحدُكُم حتى يحبَّ لأخيهِ ما يحبُّ لنفسهِ ​