مواقف سلبية أو محرجة حصلت لك

الموضوع في 'إستراحة المنتدى' بواسطة دربك أخضر, بتاريخ ‏15 فبراير 2010.

  1. دربك أخضر

    دربك أخضر عضو نشط

    التسجيل:
    ‏12 فبراير 2010
    المشاركات:
    482
    عدد الإعجابات:
    14


    هناك كثير من المواقف السلبية ، أرجو من الأعضاء الأعزاء ذكر ما عندهم و ذلك لكي تعم للفائدة للجميع .



    أنا ساذكر موقف و إللي بعدي يذكر أخر و هكذا.



    مره أنا دخلت المصعد و ألاحظ واحد جاي بسرعه يبي يلحق على المصعد ، لكن لأني ما استسيغ



    هذا الشخص، دعست على زر تسكير الباب، و صعدت بدونه ، تحسفت بعدها و حسيت اني نحيس .. هذا ، أعتقد موقف سلبي مني



     
  2. abo Rana

    abo Rana عضو مميز

    التسجيل:
    ‏23 مايو 2008
    المشاركات:
    5,084
    عدد الإعجابات:
    22
    مكان الإقامة:
    kuwait
    اول شي السلام عليكم ورحمة الله وبركانه

    وحيااك الله بالمنتدى حيث ان نكك نيووو

    وصرااحه بقول موقفي بس قبله كنت بسوي الموضووع هذا سبحان الله سبقتني بس اهم شي يكون بالمنتدى المؤشر

    مره كنت رايح استقبل ولد عمي راجع من العلاج بالخارج

    وكناا مجموعه احنا تقريبن 14 رجاال المهم كان يوم اربعاء وكان اجازه الخميس

    وانا بالمطاار وبالزحمه اللي تضيع رفيجك من كثرهم كنا صافين دوور على المطعم عشان نحجز طاازله

    ويالله لقيينه طااوله المهم كنا بالصييف ولما حصلنا الطاوله طلبنا وقعدنا عليها

    وانا اتعشى بشيل الببسي مال برجر كنج ضغطت عليه بقويه شوي

    جااااااااااااان ينصفط القوطي جق البيبسي ويقلب فووق تحت على حظني

    قلت حق اللي يمي عطني كلينكس بسرعه ويقووم اهو يفز مسح الطاوله

    قلت ياااحبيبي انا ابي اشيل خبرة البيبسي اللي بشليلي

    حسيت ان كل الناس تشووفني رحت محل رياضه ابي اشتري بدله وارجع فيها مابي اطلع جذي اول ما سألت عن الجووتي الله يعزك قاالي ماذكر بالضبط بحدوود 30 قلت شنووو :eek:


    ولتفت على الشبااب قلت غطووووووني لين السياااره تخيل بيبسي على دشداشه صيفيه



    وهذا اللي عندي ادري طولت فيهااا :)
     
  3. دربك أخضر

    دربك أخضر عضو نشط

    التسجيل:
    ‏12 فبراير 2010
    المشاركات:
    482
    عدد الإعجابات:
    14
    تسلم عزيزي على مشاركتك ، صارت فيني مره ، بلندن ، شايل صينية من برجر كينغ ، فيها



    خمس وجبات مع البيبسي ، مافي مكان في الدور الأرضي، نزلت الدور السفلي (السرداب )



    من ثاني درجه و زلقت على وجهي. رحت للشباب ، بدون أي شيء ، و هم يقولون ها ما خلص



    الطلب :(
     
  4. boxku

    boxku عضو جديد

    التسجيل:
    ‏7 سبتمبر 2008
    المشاركات:
    236
    عدد الإعجابات:
    0
    والله خوش موضوع شكرآ على الطرح

    وهذا موقف ما انساه:


    مره رحت لسينما انا والربع طبعآ قاعدين بالنص مر علينا واحد مع مرته تعثر بالدرج لاكن شال نفسه ما طاح انا ما قدرة امسك نفسي ضحكت قام يطالعني حقد علي المهم خلص الفلم فمنا من مكانا طالعين عند اخر درجه
    تعثرة وطحت على وجهي غترتي بصوب وعقالي بصوب والوضع مزري شي اكيد قمت بسرعه وخذيت عقالي وغترتي ولفيتهم على وجهي وابسرعه للسياره لاكن حسيت ان طريق السياره بعيد مو مثل اول ما جيت وانا بطريق والربع يضحكون علي الموقف تذكرة الي دخل ويامرته قلت حوبته الطيحه
     
  5. maz149

    maz149 عضو نشط

    التسجيل:
    ‏6 ديسمبر 2009
    المشاركات:
    1,025
    عدد الإعجابات:
    14
    مكان الإقامة:
    الكــويـت
    و الله موضوع جدا جميل و راقي ومفيد. جزاك الله خير






    كنا احنا 3 شباب صغار، قلت لواحد منهم ، خلني أجرب فيك أشوف تعور و الا لا ، فرفض. بعدين اتفقت مع واحد منهم (الثاني) و قلت له



    صوب ناحيتي ال أم سكمه و سو نفسك ضربتني، بس إنت اضرب أية شي بجنبي. و أنا بعدين أتعير و أسوي نفسي انضربت و لا تعورت.



    (علشان صاحبنا الأخر يصدق أنها ما تعور ، و يخلينا نجرب فيه هو المره القادمه )...... صاحبي، الله يهداه صوب جنبي بس ، الرصاصه جت



    علي و في مكان حساس بعد ، و صاحبي يضحك ويقول، ما تعور،،،،، ها



    صحيح كما تدين تدان
     
  6. maz149

    maz149 عضو نشط

    التسجيل:
    ‏6 ديسمبر 2009
    المشاركات:
    1,025
    عدد الإعجابات:
    14
    مكان الإقامة:
    الكــويـت
    مع الأسف كل انسان لا بد يكون عنده عيوب



    أنا فيني عيب ، و هو المزاجية . إذا معصب ما أقدر أخفي مشاعري



    مثلا، إذا السوق نزل ، و سهمي طبعان، على طول يبين علي ، الاهل



    يعرفون و يقولون ، بسيطه بكر السوق يتعدل ....



    و هذي سلبية قعد اشتغل عليها ..... في موضوع الذكاء العاطفي أو



    الوجداني ، أنا الأن ععد أتبحر فيه ، يمكن أقدر على التحكم في تصرفاتي